Smella hér, montið.Það er nú ekki ónýtt að eiga svona dreng. Áfram Örn Aron..... Þú ert bestur....
Er annars bara góð. Vinnan enn þá fín. Er algjörlega að fíla mig þarna. Soldið orðin stirð hægra megin í skrokknum, en þetta hlýtur að venjast eins og allt annað. Hef ekki stórar áhyggjur af því. Söngtíminn/æfingin hjá MP er alveg að skila sér. Er búin að vera ótrúlega dugleg að hlusta og æfa mig hér heima. Þetta er allt að setjast í kollinn á mér. Fór í aðra göngu með hundinn fagra í dag, og að sjálfsögðu með Ipodið í eyrunum. Fór á Ægissíðuna og fór alveg niður í fjöru. Hef ekki gert það áður. Og þar komst ég að því að Yoko er hrædd við sjóinn. Horfði á mig skelfingar augum. Hvert ég væri eiginlega að fara með hana. Hún vildi sko ekki labba í fjöruborðinu. Oh nei. Ég prufaði að henda smá spýtu í vatnið og hún greyið ætlaði á eftir, en tók svo bara bremsuna á þetta þegar hún sá hvert spýtudruslan fór. Sem er nokkuð merkilegt, vegna þess að þessi hundategund eru vatnahundar. Og hún er sko ekki hrædd við heita pottinn. Oh nei. Þá hoppar hún bara út í til okkar og syndir í hringi. Bara gaman að þessu. En ég verð greinilega að fara oftar með hana niður í fjöru og venja hana við. Þreif hér allt út úr dyrum í dag, skipti á rúmum, skúraði, ryksugaði og þvoði allan þvott og þurrkaði. Gekk frá þvottinum og alles.
Mínus stofa og tv rúmið. Spúsinn átti að sjá um það. OG HANN ER EKKI BÚINN. Ég ætla ekki að gera það. Hann skal fá að klára. Og hana nú. Ma og pa ætla að skella sér í sólina á mánudaginn og verða í þrjár vikur. Næs hjá þeim bara. Ahhh, ég væri alveg til í að fara í sólina aftur. Mál til komið að vorið haldi innreið sína á foldina fögru. Fór á Léttu tónleikana á þriðjudaginn. Og þær voru sko bara rosa flottar. Æðisleg lög, slatti eftir Megas og þau voru sko alveg að skila sér. Magga Stína söng með þeim og ein líka. Hún er sko alveg kapítuli út af fyrir sig. Það er alveg unun að horfa á hana performa. Þvílílk útgeislun frá einni konu. Og svo fór hún svo vel með lögin hans Megasar. Alveg eðal... Svo eru Gospelsystur með tónleika minnir mig 14 maí. Og að sjálfsögðu fjölmennum við Silla þangað. Voxin minn með sína tónleika 9 maí, svo það er nóg að gera í menningarheimi vorum þessa daganna. 
Og nú eru Léttur í Berlin, syngjandi glaðar og reifar. Dásamlegt. En gott í bili.
Söngfuglinn kveður í hálf hreina húsinu sínu.....
Bloggar | 27.4.2008 | 00:50 (breytt kl. 00:58) | Slóð | Athugasemdir (2)
Engin ummæli:
Skrifa ummæli