Enn eitt klukkið

1. Hvað er klukkan? 01:12

2. Hvaða nafn er á fæðingarvottorðinu þínu ? Gunnhildur

3. Hvað ertu kölluð/kallaður? Gunna,Gunnsa,Gunný,Gunnhildur, fer eftir hver talar

4. Hvað voru mörg kerti á síðustu afmæliskökunni þinni? Alltof langt síðan, man ekki

5. Gæludýr? Enginn

6. Hár? Gráhærð*snökt**snökt* en litað

7. Göt? Jámm

8. Fæðingarstaður? Reykjavík

9. Hvar býrðu? Breiðholti

10. Uppáhaldsmatur? Lambafille, Maturinn hanns Didda og svo er humar góður

11. Einhvern tíma elskað einhvern svo mikið að það fékk þig til að gráta? Ohhh já

12. Gulrót eða beikonbitar? Defenatly BEIKON

13. Uppáhalds vikudagur? Þriðjudagar

14. Uppáhalds veitingastaður? Humarhúsið

15. Uppáhalds blóm? Nelikkur og Baldursbrár

16. Hvaða íþrótt finnst þér skemmtilegast að horfa á? Listdans á skautum,fimleikar og handbolti. þ.e.a.s. landsleiki

17. Uppáhalds drykkur? Froðukaffi og Max

18. Disney eða Warner brothers? Disney

19. Ford eða Chevy? Chevy

20. Uppáhalds skyndibitastaðurinn? Stylinn

21. Hvernig er teppið í svefnherberginu á litinn? Ekkert teppi bara parket

22. Hver var síðastur til að senda þér tölvupóst? Harpa sæta

23. Í hvaða búð mundir þú vilja botna heimildina á kreditkortinu? Einhverri geðveikri tösku og skóbúð

24. Hvað gerir þú oftast þegar þér leiðist? Glápi á imbann

25. Hvaða spurning sem þú færð fer mest í taugarnar á þér? Hmmmm, enginn

26. Hvenær ferðu að sofa? Alltof seint

27. Hver verður fyrstur til að svara þér þessu? Det er nu det. Harpa og Jóna Hlín

28. Hver af þeim sem þú biður um að svara þessu er líklegastur til að svara ekki? Segi ekki,

29. Uppáhalds sjónvarpsþáttur? Judgin Amy, Survivor og Amazing Race

30. Með hverjum fórstu síðast út að borða? Didda, Guðnýju og Sigga

32. Hvað varstu lengi að klára að svara þessu? 8 mínútur


Jámm og já. Ekki getur maður skorast undan þessu frekar en öðru. Svo er bara að vona að þeir sem ég klukka nenni að vera með. Plíiiiiiiiiisssss.. Allir vera góðir. Ég ætla sem sagt að klukka. Silluna, Hörpu, Jónu Hlín, Þuríði, Guðrúnu og Lóu.
Veit að það þýðir ekkert að klukka dæturnar, þær eru alveg hættar að blogga. Meiri letin í þessu fólki mínu. Skil bara ekkert í þessu. En læt þetta duga að sinni
Yfir og út krúsarknús.

Helgin að enda komin

og ný vika í nánd. Ótrúlegt hvað þessar blessuðu helgar hlaupa asskoti hratt frá manni. Fer iðulega inn í helgarnar full af áformun um að gera þetta og hitt og geri svo ekki neitt. Úffff. Þvílík mæða. En fór til Önnu í saumó á föstudagskvöldið. Hún varð fimmtug í sumar og bauð klúbbnum í nasl og rautt. Sátu þar til rúmlega 3 og hlógu eins og vitleysingjar. Hvert hláturkastið rak annað og hláturpokkinn við það að springa í manni. Ferlega skemmtilegt kvöld. Og þar með eru afrek helgarinnar upptalin. Búin að glápa óheyrilega mikið á imbann og flatmaga í Lata strák. Fékk tvískiptu gleraugun á föstudaginn og þær upplýsingar með þeim að ég ætti að nota þau alveg streit í 2 vikur og mætti alls ekki skipta yfir í hin á þessum tíma. Þannig að ég er nú búin að vera hálf skrítin í höfðinu og hrikalega þreytt í augunum. Fundið aðeins fyrir sjóriðu og svona. Svo segir Guðný mér í dag að henni hafi verið lagt það fyrir að nota sín ekki of mikið fyrst um sinn. Yrði að hvíla sig og svona. Og þar sem hún keypti sín á sama stað og ég, þá er ég að hugsa um að hringja í búðina og fá að vita það sanna í þessu keisi. Allir sem ég hef talað um þetta við segja sömu sögu og Guðný. Skrítið að fá svona ólíkar upplýsingar. Tékka á þessu á morgun. Frí hjá mér næstu tvo daga og svo þrjár kvöldvaktir og svo vonandi get ég byrjað á nýja staðnum eftir næstu helgi. Krossa fingur fyrir Gunnsuna. Koma so........En nú skal frúin druslast í bælið, þarf að vakna og koma dengsa í skólann í fyrramálið.
Yfir og út krúsarknús..............

Klukkið

1. Er pínu drukkin
2. Er gráhærð
3. Fer minkandi
4. Á góða vini
5. Þarf að sofa


Veit ekkert um hvað þetta mál snýst. Hermi sko bara eftir öðrum. hahahahaaaaaaamuhhhaaaa.
Yfir og út krúsarknús

Jæja skurnar

Update á fréttaskotinu frá í gær. Gekk frá vinnumálum í dag. Og nei ég er ekki að fara að vinna á Lansanum. Sagði pent nei takk þegar hún hringdi í mig, gat ekki sætt mig við þessi laun. En ég er semsagt að fara að vinna í 10-11 á Hjarðarhaganum. Verð þar sem B-maður. (aðstoðar verslunarstjóri). Og þessi líka draumavinnutími. 8 til 4 og frí allar helgar og rauða daga. Er samt ekkert rosa ánægð með að yfirgefa mína dásamlegu bensínstöð. Á eftir að sakna fólksins ógó mikið. En það er ekki allt fengið í henni veröld. Og til að bjarga sálarheill minni, tek ég vinnutíman framyfir. Svo getur bara vel verið að þetta sé allt fínasta fólk að vinna þarna. Allavega finnst mér verslunarstjórinn rosa fínn að tala við. Í síma by the way. En hann fær flott meðmæli frá Klemens og Stebbu. Verð samt að vinna næstu viku á næturvöktum, Ohhhhhhh. Nenni því enganveginn. En so be it. Og svo að kórmálum. Dreif mig loksins á Léttuæfingu og tók nokkra tónstiga fyrir Frú Jóhönnu. Og fékk náðarsamlegt leyfi til að vera með. Leist bara vel á mig og allar konurnar voða glaðar og kátar. Svona eins og einusinni í mínum elskulega Gospel. Finn soldið fyrir skrítunum móral þar núna, eftir að MP upplýsti um framtíð kórsins. Konurnar ekki eins glaðar og áður, soldið áhyggjufullar. Finnst eins og maður sé að missa eitthvað mikilvægt frá sér. En þá koma Llétturnar til og bjarga mér. Því söng og kórlaus kona verð ég ekki. Alveg klárt mál. Svo að nú syng ég frá hálf sex til 10 á þriðjudögum. Mikið óskaplega hlýt ég að sofa vel þau kvöld. hehehe.... En síðasti dagurinn minn fyrir Jóhönnu á morgun, huhuhu... Kann sko rosa vel þá vinnu. Fjölbreytti og skemmtileg. En sjálfsagt fæ ég að spreyta mig á þessum hlutum á nýja staðnum. Svo nú er ekkert eftir annað en að kaupa íbúð í vesturbænum eins og hugur okkar stendur til, og þá er þetta gott. En gott í bili
Yfir og út krúsarknús.

Fréttayfirlit

Skráði mig í Léttsveit Reykjavíku í gærköldi, er sem sagt í tveimur kórum núna.
Ríkey mín yndislega var að eignast þriðja drenginn.
Ég er að fara að vinna á nýjum stað. Vinna frá 8 til 4.
Er að fara að sofa.
Góða nótt.

Sorrý gæs

Veit ekki afhverju myndirnar sjást ekki.

Vinnuvikan

á enda og dásamleg fríhelgi framundan. Ein vika eftir fyrir stöðvu og finnst mér það frekar leiðinlegt. Þá taka þessar dæmalaust leiðinlegu næturvaktir við aftur. Búin að tala við starfsmannastjórann og biðja um dagvinnu. Hann hélt að það ætti ekki að vera neitt vandamál. Svo er bara að bíða og sjá hvort það sé rétt eður ei. Er í augnablikinu alveg komin með upp í kok á vaktavinnu. Vil bara dagvinnu, 8 til 4. Hljómar yndislega. Frí allar helgar og kvöld. Svona eins og venjulegt fólk. Búin að vera þarna núna í 4 ár alveg rétt bráðum og komin tími á breytingar. Sótti um vinnu á Lansanum sem nokkurskonar umsjónarmaður veitinga. En alveg dæmalaust illa borgað, en góður vinnutími. Efast samt um að ég taki því þó að mér verði boðið það. Má eiginlega ekki við því að lækka um 40 þúsund kall á mánuði. O nei o nei. Fórum skötuhjúin í leikhús í kvöld ásamt turtildúfunum Sillu og John. Sáum Alveg briljant skilnaður með Eddu Björgvins. Og það verður nú bara að segja eins og er að þetta er sko alveg briljant stykki. Hlógum okkur máttlaus og svo mikið að manni var orðið illt í kjálkunum. Mæli eindregið með þessu verki. Og Edda er alveg meiriháttar. Heldur manni alveg við efnið í 2 klukkutíma. Held að þetta hljóti að vera hrikalega erfitt. Standa svona ein á sviðinu allan tímann. Fórum svo á Kringlukránna og fengum okkur froðukaffi. Hrikalega gott. Við stöllurnar áttum að mæta og vera statistar á upptökum hjá Stelpunum í fyrramálið, en þar sem Sillan hefur svoooooo mikið að gera slaufuðum við því. Ég nennti ekki að fara ein. En aldrei að vita nema við druslum okkur á sunnudaginn. Hún vill endilega að við komum þá. Þ.e.a.s. Sú sem reddar þessu dóti. Fór á kóræfingu á þriðjudaginn. Þá fyrstu þennann veturinn. Var frekar lost eftir æfinguna. Nú er alveg ljóst að Gospelsystur Reykjavíkur eru að líða undir lok í þeirri mynd sem við erum í dag. Síðasti veturinn og ekki laust við að ég finni fyrir smá sorg í hjarta. En samt dásamlegt að hitta stölllurnar aftur þó að nokkrar hafi vantað. Svo nú er spurnig hvort ég ekki bara skelli mér með Sillu í Létturnar. Ætla allavega að fara í prufu á þriðjudaginn og sjá hvernig mér líst á og hvort Jóhönnu litist á mig. Þetta verður að virka á báða bóga, er það ekki. Eitt er alveg víst og það er að sönglaus verð ég EKKI. Sé ekki fyrir mér að ég yfirleitt funkeri sem kórlaus kona. Ekki aldeilis. En nóg um það. Held að nú sé komin sveftími á frúna.
Datt í hug að setja hér inn myndir af okkur stöllum, Guðnýju og mér. Önnur tekin á gamlárskvöld síðasta og svo hin núna á Leifstöð á leið til Portugal. Eins og sést er smá munur á minni. Enda munar um 33 kíló. hehehe... Mátti til með að monta mig aðeins.
Yfir og út krúsarknús....................

Jæja þá

held að það hljóti að vera komin tími á smá blogg hér. Hef bara ekki haft nokkra nennu í þetta eftir að ég kom heim. Allavega. Portugal er alveg hreint dásamlegt land, eða það sem ég sá af því. Fólkið rosa næs og ljúft. Veðrið alveg eins og best var á kosið. Hitinn þetta um 30 gráðurnar. Alveg mátulegt. "Laugavegurinn" labbaður fram og til baka, inn í hverja einustu búð að skoða. Og þegar upp var staðið var þetta voða mikið eins í öllum búðum. Það sem kom okkur mest á óvart var að allsstaðar mátti reykja. Þetta var eins og að detta 15 ár aftur í tímann. Og ekki vorum við að kvarta undan því. Neibb, ekki aldeilis. Spúsinn minn tapaði sér algjörlega í dúkarkaupum. Þvílíkir dúkar. Flottustu sem ég hef séð. Fengum okku tvo á 12 manna borð, svo nú getur mar loksins dúkað upp. Hér var svo að sjálfsögðu allt spikk og span þegar við komum heim. Mamma og pabbi búin að mála herbergið hjá Erni svart og hvít, til heiðurs KR. Rosa flott og minn maður að sjálfsögðu svaka kátur með það. Hann var hinsvegar alveg að deyja úr söknuði þessi elska. Og finnst allt of langt að við skyldum fara í heila viku. Hékk svo bara í mér alla leiðina heim og sagðist vilja fara inn í mig. Jamm það er gott að vera mikilvægur. Ekki satt. En tek hann defenatly með, ef við förum aftur þangað. Algjör paradís fyrir svona krakka. Sem sagt. Yndisleg ferð með yndislegu fólki. Svo er ég bara búin að vera í fríi þessa viku og byrja að vinna aftur á mánudaginn. Leysi stöðvuna af í 2 vikur, og svo aftur á næturvaktir. Verð að fara að finna mér dagvinnu. Nenni enganvegin að standa í þessu vaktavinnudóti lengur. Vil eiga frí um helgar, kvöldin og á næturnar. Og hana nú. Skrapp svo í bústað með Olgu á fimmtudaginn og kom heim í dag. Fínt að vera þar, nema að það ringdi eldi og brennisteinum. Fór í gönguferð í gær með Erni og Katrínu. Löbbuðum í 40 mínútur, klædd í regnstakk og allegræ, en það mátti samt vinda okkur. Gallabuxurnar mínar voru blautar upp á læri. Shitt mar. Svo í veislu til Öddu í dag. Jökull hennar tók niðurdýfingarskírn og var haldið upp á það með pomp og prakt. Átum að sjálfsögðu á okkur gat eins og venja er þegar Adda býður í mat. Eldar besta mat í heimi. Afmæliskaffi hjá mömmu á morgun, kræsingar þar að sjálfsögðu. Meira seinna.

Yfir og út, krúsarknús...............

Jebb, mín er á Portugal

Mikill hiti, og enn meiri sól. En hér er rosa gott ad vera. Vorum ótrúlega heppin, Gudný og Siggi lentu í herbergi vid hlidina á okkur. Svo nú kollum vid bara af svolunum. Erud tid voknud???
Ekki flóknara en tad. Fengum saeti á Saga Class á leidinni út, og nú vil ég sko ekki ferdast odruvísi. Tvílíka plássid sem mar hefur tar. Aetludum í Sea Marine á morgun med fararstjórninni en tar sem ekki fékkst nógu gód maeting verdur ekkert af henni. Gerum bara eitthvad annad í stadin. Fórum í Algare mall í dag og gjorsamlega týndum okkur í Nike búdinni.
Helmingi ódýrara tar en heima. En gott í bili. Frekar erfitt ad fóta sig á tessu lyklabordi.
Aloa

Gleraugnaveislan mikla

Jamm og já. Mín er búin að kaupa Gucci gleraugun flottu, ótrúlega flott á mér. Meiraðsegjakallinum finnst þau flott. Sonurinn alveg í rusli yfir þessum gleraugnakaupum móðurinnar. Skilur ekki að ég þurfi að eiga tvö sett og það svona dýr. Hehehehe..... þrifavikan mikla í vinnunni þessa dagana. Búin að vera alla vikuna og verð á morgun líka. Smá svona yfirvinna upp í gleraugnakaupin. Eða þannig. Allt að verða spikk og span þarna niðurfrá. Eins gott að þetta fólk sem þarna vinnur gangi nú vel um og haldi þessu við. Við stýran búnar að henda og henda. Ótrúlegt drasl sem safnast hefur þarna upp. Og rykið og drullan. Búin að taka allt úr hillum inni á lager og þvo og bóna. Ætla svo að vera í fríi á föstudaginn og þrífa hér allt út úr dyrum. Gengur notla ekki að bjóða foreldrunum upp á þennann skít. Þau ætla að vera hér með prinsinum á með við skötuhjúin skreppum í sólina í Portugal. Eða var ég ekki búin að segja ykkur það. VIÐ ERUM AÐ FARA TIL PORTUGAL.. Nei, bara svona rétt að nefna það.
But, nenni ekki meir að sinni.
Laters...........

Rey news

Jebb, pistill á leiðinni elskurnar mínar. Jájá ég veit, ég veit. Mín búin að vera rosa löt að pistla hér. En nú skal aðeins bætt úr því. Fyrsta vinnuvika eftir sumarfrí búin og nóg að gera á þeim bænum. Höfum fengið hina furðulegustu kúnna inn um dyrnar þessa vikuna. Einn kom og fór í ruslatunnukast inni í búðinni, bara sí sona upp úr þurru. Braut hillugler og rusl út um allt. Nóttina eftir kom stúlka og stal hálfri ískistunni. Þ.e.a.s. innihaldinu, ekki sjálfri kistunni. Strákur í sjoppunni sem sá það og sagði mér frá því. Ég út í bil til stúlkunnar sem var í meira lagi drukkin, og bað hana að skila þessu. Vinkona hennar sem keyrði frekar spæld á sinni og baðst afsökunar fyrir hennar hönd. Ekkert með það, ég inn með ísinn og það næsta sem við vitum er að inn kemur þjófurinn alveg gjörsamlega brjáluð og ræðst á strákinn sem sagði til hennar. Lemur hann sundur og saman og kallar öllum illum nöfnum. Hann hendir henni út, en nei, inn kemur hún aftur og ræðst aftur á hann. Og henni er fleygt aftur út. Og þá loks fór hún. What´s becoming of this world I ask. Varð svo líka fyrir því óláni að annað glerið datt úr gleraugunum mínum eina nóttina og splass. Í þúsund mola. Og mín náttla hálf sjónlaus. Fór svo og verslaði mér ný gleraugu enda staðið lengi til. Lét eftir mér að fá mér svona Titan umgjörð, sem er engin umgjörð. Og kostar sko heilar 32 þúsund kall. En það er sko ekkert. Hvað haldiði að glerin kosti. Ja hér og aldeilis. 57 þúsund kall. Er ekki allt í lagi. Ég bara spyr. Svo þetta kostar heilar 89 þúsund. Oh lord. Eg þarf nebblega tvískipt gleraugu. En málið er að ég þarf samt að eiga önnur gleraugu með. Svona með bara nærsýnis og sjónskekkjuglerjum. Og ég er sko búin að finna spöngina á þau líka. Gucci. Og það fyndna er að hún er ódýrari en hin. Kostar 21 þúsund og er fjólublá. Ætla að kaupa hana líka. Bara að minna ykkur svo á það að eftir viku nákvæmlega verð ég stödd í Portugal í sólinni með bjór eða rauðvín í hönd ásamt spúsa mínum og minni bestu vinkonu Guðnýju og hennar spúsa Sigga. Datt bara í þau fyrir viku að skella sér með okkur og jibbý. Alltaf hrikalega gaman hjá okkur þegar við ferðumst saman og höfum sko farið í margar ferðirna hér innanlands. Diddinn minn átti afmæli á föstudaginn,48 ára orðinn kallinn. Mikael Orri ömmumús átti afmæli á laugardaginn orðin 1 árs og svo átti mín afmæli í gær, 45 ára kellan. Og þá er þessi afmælishrina búin. Til hamingju við öll. Svo var nú samt frekar leiðinlegur laugardagurinn, þrátt fyrir afmæli litla mannsins. Tító hennar Guðnýjar, lítill cavalier 8 ára, fékk hjartaslag og dó. Klinton hennar Ásthildar Silki terryer 4 mánaða varð fyrir bíl og dó. Tveir sama daginn. Elsku litlu krílin. En svona er þetta. Alltaf áhætta með blessuð gæludýrin.
En nú læt ég þessu lokið að sinni, lát að linni.
Laters............

Bloggletin

alveg að drepa mig þessa dagana. Er engan vegin að nenna þessu. Hofi bara á lyklaborðið og bíð eftir því að orðin skoppi upp af sjálfu sér. En það er víst ekki að gerast. Svo það er best að kasta einhverju hér inn. Alveg sjálf og hjálparlaust. það er nú skemst frá því að segja að við hjónin höfum fest kaup á ferð til Portugal og hverfum héðan af landi brott þann 29 ágúst. Spriklandi með strákúst. Tvö alein og ekkert barn. Haldiði að það sé. Luxus.... Svo er spurning hvort að við getum myndað herlegheitin. Fína myndavélin sem ég fékk í jólagjöf tók upp á þeim ósköpum að hætta að smella af. En samt var hægt að smella af með fjarstýringunni. Nenni nú samt ekki að púkka upp á það. Fór með hana í viðgerð í gær, og mér til mikils svekkelsis þá senda þeir hana út. Og næsta ferð er ekki fyrr en í næstu viku. Nei sko sjáðu til frú mín góð við sendum ekki út daglega. Sorry. Búin að afreka það að kikka á hana Diddu besta skinn og henna mann á Hvolsvelli. Eiga þetta líka fína krúttlega hús þar. Geta sko látið fara vel um sig þar, myndi ég halda. Allavega gæti ég sko alveg hugsað mér eitt stykki svona hús. Bara hér á mölinni. Annars er ég farin að vera með áætlunarferðir þarna austur fyrir fjall. Fór í dag í Öndverðarnes með Erni að heimsækja vin sinn. Og það er alltaf eins og þeir hittist á hverjum degi. Smella alveg saman eins og flís við rass. Alveg synd að hann skuli búa svona langt í burtu núna. En hann kom svo með okkur heim og liggja þeir núna inni í herbergi og horfa á dvd. Ekki það að nú mætti hann Óli lokbrá alveg fara að mæta og strjúka þeim um augun. Lonni og Baldur að fara að flytja um eina hæð. Fengu lykla af tveggja herbergja íbúð í dag. Verður aldeilis munur fyrir þau greyin. Þetta er soddan hola sem þau eru í núna. Jæja best að fara að reyna koma drengjunum í svefn.
Laters...............

Jæja þá er helgin liðin

og allt að falla í sínar venjubundnar skorður. Var að passa litla prinsinn alla helgina. Kom hér seinnipartinn á föstudaginn og svo sóttu þau hann um átta í kvöld. Alveg yndislegt að fá að hafa hann þessa daga. Er nú samt pínu þreytt, alveg gjörsamlega komin úr allri æfingu við að hafa svona kríli. Vakna á næturnar og gefa að drekka og skipta á bleyju. Sussu suss. En hann er samt voða góður að dudda við dótið sitt. Þarf nú samt að hafa hann í gjörgæslu, stendur allstaðar upp og reynir að ná í fína dótið hennar ömmu sinnar. Og videoið er sko í algjöru uppáhaldi. En hann var nú samt farinn að hlýða ef ég sagði nei og hristi hausinn því til staðfestingar. Fór svo aðeins til Olgu í kvöld að kveðja Tótu mágkonu hennar. Hún er að fara heim til Þýskalands á þriðjudaginn. Og græddi sko ógó flott málverk á þeirri heimsókninni sem Tóta gaf mér og heitir Nornirnar. Rosa flott. Spúsanum finnst það hins vegar ekkert rosa. En það er alltílæ. Ég er hér með heilt sjónvarpsherbergi sem á alveg eftir að skreyta með myndum. Svo nú er bara að skunda í Fjögur horn til Alla og láta ramma inn. Er annars bara búin að vera heima alla vikuna í þessari fínu pest sem Olga smitaði mig af. Enda tilkynnti ég mig veika í sumarfríinu. Er sko ekki að gefa þessum mönnum eitt eða neitt. Svo nú á ég þrjá daga til góða. Og ég sem ætlaði í útilegu í tjaldinu góða einu sinni enn fyrir sumarlok. Sýnist nú á öllu að ég geti gleymt því. Haustið er komið með öllu sínu roki og rigningu. Verð bara í startholunum strax næsta sumar. Nýta hverja helgi sem gefst. Hef annars ekki frá miklu að segja eftir þessa veikindaviku. Ekkert gerst, ekki farið neitt nema á náttfötunum í Lazy boy, snýtt mér og hóstað. Svo ég held ég láti þessu bara lokið í bili.
Laters......................

Lasin.

Já haldiði ekki að frúin hafi nælt sér í líka þetta fína kvef. Og í pakkanum kom með höfðuverkur og beinverkir. Alveg frítt. Góður díll það. Annars fórum við drengurinn og ég í útilegu á miðvikudaginn síðasta eins og til stóð. Varð reynda dáldið örðuvísi en til stóð. Fórum upp í bústað til pa og ma og gistum þar eina nótt. Spiluðum svo minigolf daginn eftir og héldum svo sem leið lá að Flúðum. Náðum þar í fínt tjaldstæði við hliðina á hjólhýsi Stildu og Kidda. Sem var kanski eins gott. Þau voru reyndar ekki komin þegar við komum, biðum í 3 tíma eftir þeim. Svo nú var komið að því að vera sjálfstæð ung kona í útilegu. Hmmm....... Gekk ekki alveg nógu vel. Mér var bara alveg lífsins ómögulegt að koma upp þessu fína tjaldi sem á ekki að vera neitt vandamál að tjalda. Svo við biðum í þessu líka fína fortjaldi þeirra skötuhjúa og spiluðum Yatzy út í eitt í 3 tíma. En ég gat samt kveikt á gasinu og hitað mér kaffi. Dúleg delpa.... Komu þau nú á endanum og Kiddi var nú ekki lengi ásamt Kristjáni syni þeirra hjóna að skutla upp tjaldinu. Það sem klikkaði hjá mér var að það eru svona tippi sem eiga að stingast upp í súlurnar til að það standi. Og þar sem ég er ekki mikið í því að troða tippum upp í svona súlugöt, þá bara fattaði ég þetta alls ekki. En þetta verður ekkert mál næst....Nú er mín sko góð í götum og tippum. hehehe.. Gistum þarna eina nótt og svo brunað í bæinn. Beint að þvo og svo að versla. Og svo af stað upp í sumarbústað til Olgu og Daða á Laugarvatni. Og þar vorum við í góðu yfirlæti alla helgina og komum heim í gærkvköldi. Fannst nú samt Olga ekki sérlega gestrisin að smita mig af þessu asnalega kvefi. Þoli ekki að vera með stíflað nef. Fór til augnlæknis í dag og nú þarf ég að fá mér svona tvískipt gleraugu. 80 þúsund kall þar eða svo. Skil ekki að þetta skuli þurfa að vera svona dýrt hér heima. Kosta helmingi minna út. Kallinn og barnið í afmæli hjá Jónu hans Ella í kvöld, ákvað að vera heima svona drulluslöpp. Fullt af fólki sem á og hefði átt afmæli í dag.. Jóna, tengdamamma, Óskar, mamma Óskars. Siggi mágur Jónu. Til hamingju öll hvar sem þið eruð hér eða uppi. En nú nenni ég ekki meir. Ætla að sauma smá og fara svo bara að lúlla.
Laters..............

Jibbýkóla

Frúin búin að fara og kaupa tjaldið og svei mér þá ef þetta er ekki mynd af eins tjaldi. Er þetta ekki flott. Mín voða,voða ánægð með þetta. Líka búin að kaupa borð rosa sniðugt með svona stillanlegum fótum þannig að það er alltaf stöðugt. Sonurinn alveg yfir sig ánægður með mömmsuna sína og nú er stefnan sett á útilegu seinnipartinn á miðvikudaginn. Ætlaði að fara á morgun en þar sem sonurinn er að keppa í Íslandsmótinu í knattspyrnu og á leik á miðvikudaginn verður svo að vera. Svo við brunum bara af stað eftir leik. Úff, ég ætla bara rétt að vona að við fáum svona gott veður eins og er búið að vera. Sa vi ber bare guderne om godt var. Loksins búin að þrífa allt út úr dyrum hjá Olgu og Daða. Allt orðið rosa fínt. Þvílíkur munur fyrir þau að losna við þetta ógeðslega hraun sem var á veggjunum. Og ömmingja Daði og Olga. Þau höfðu ekki pláss fyrir Lazy boy stólana sína og ég gerði Daða tilboð sem hann gat ómögulega hafnað. hehehehe..... And I cote.... Heyrðu ég bara fæ stólana og borga þér með einni bjórkippu á mánuði. End of cote.... Henti þessu nú bara fram í gríni. En O.M.G. Ég fékk stólana á þessum díl. Og svo er bara spurnig hvort ég þurfi að kaupa kippu út lífið or what... Halló, þessi stólar eru ekki orðnir árs gamlir, leðurstólar úr Öndvegi. Shitt mar þeir eru svo flottir. Og þægilegri en allt. Mmmmm, ég á svo flotta stóla.. Svo eru þau lika búin að bjóða okkur í bústaðinn til sín um verslunarmannahelgina, slaka á í heita pottinum og svona. Og að sjálfsögðu þiggjum við mæðginin það en elsku spúsinn minn að vinna. Argggg. Átti að vera í fríi þessa helgi en sá sem átti að koma úr sumarfríi á föstudaginn síðasta hringdi og sagðist vera með ofmæmi og mætti ekki vera undir álagi í 10 daga. Heppilegt að það skuli akkúrat lenda á þessari helgi. Argggg. Og enginn annar tilbúinn að vinna. Sonurinn alveg vitlaus og segir að pabbi sé ALLTAF að vinna þessa helgi. Frekar spældur greyið.. Lilja, Baldur og Mikel Orri skunduð vestur í Súgandafjörð í dag og ætla að vera þar í góðu yfirlæti Eddí pabba Baldurs og Gróu. Og Örn Aron tilkynnti mér það að hann ætti sko eftir að sakna litla mannsins mikið. Skruppum aðeins austur til ma og pa í kvöld. Nú eru þau búin að selja bústaði og svona blendnar tilfinningar í gangi þar. Eiga að afhenda hann 1 sept. svo þau hafa smá tíma til að aðlagast. Held að þau eigi eftir að sakna hans mikið. En allavega, á leiðinni í bæinn hringir pabbi í mig og segir, heyrðu elskan ég held að þú hafir tekið mín gleraugu í misgripum. Ha. En ég alveg græn og tek ofan gleraugun og skoða þau og neibb þetta eru mín. Halló hvað er í gangi. Afhverju var ég að gá. Ég tek aldrei ofan gleraugun nema þegar ég fer að sofa. Jís hvað mar getur verið vitlaus stundum. Skil ekki alveg hvernig hans gleraugu hefðu átt að geta lent á mínu nefi. En nú ætlar mín í bólið og lúlla í hausinn á sér.
Laters................

Jæja þá er frúin komin í sumarfrí

Og ekki seinna að vænta. hehehe... Mikið sem ég er glöð að vera komin í frí. Og nú framundan eru bara útilegur hjá mér og syninum. Ætlum á morgun að skunda í Everest og Útilíf og fjárfesta í tjaldi og öðrum viðeigandi útilegbúnaði. Jejeje... Hlakka bara til þess. Fór í dag og keypti mér smá handavinnu, þar sem lopapeysan er komin í hús varð konan að versla sér eitthvað að gera. Svo er þrifadagur hjá Olgu á morgun líka svo nóg er að gera. Er að prufa kerfið hjá 123 og svona er að spá í að færa mig. Líst bara vel á þetta hjá þeim. 123 prufan Endilega að kikka á þetta. Allt voða einfalt í sniðum og þægilegt. Mar fær frítt í einn mánuð til að prufa. Og hvaða vesen er þetta nú á commentinu hjá Halocan. Hmmm Skil bara ekkert í þessu dóti núna. Hef annars frekar lítið að segja akkúrat þessa stundina. Klukkan næstum orðin morgun og löngu komin tími til að skríða í bólið og hitta draumaverur, álfa og tröll. Sillan búin að versla tjaldið og fleira svo klára ég þetta á morgun og svo skundum við bara af stað í næstu vikur. Eða er það ekki ??????? En eitt er víst, og það er að rauðu tútturnar verða með í för.
Laters...........

Rauðu tútturnar

Já Systraútilegan að baki og rauðu tútturnar björguðu lífi okkar þriggja. Þvílík og endemis rigning. En samt var rosalega gaman. Ekki var mætingin eins og við var búist. Blessaðar konurnar eitthvað hræddar við að blotna. Hfrfhg&4%urg..... Sussu suss. Ekki létum við það á okkur fá. 6 konur úr kórnum mættu. Haldiði að það sé. En við skemmtum okkur alveg konunglega. Sungum rosa mikið, spiluðum kana svona meðan mesta bunan gekk yfir og svo grilluðum við þennann líka hrikalega góða kjúlla. Sinneps og sítrónuleginn. Nammi namm. Verð endilega að grilla svona fyrir kallinn einhvern daginn. Og ekki má gleyma Víkingaspilinu. Að sjálfsögðu var það með í för. Hefðum samt spilað meira ef ekki hefði rignt svona mikið. Svo var Björg Ólafs með þetta líka fína fellihýsi og gat hýst okkur ALLAR. hehehe.. Milli 10 og 11 í gærkvöldi stytti svo loksins upp og við að sjálfsögðu út með söngbækurnar og kveiktum á kertum og sátu þar og sungum og spjölluðum. Svo er nú aldeilis farið að styttast í mitt sumarfrí. Fer að vinna annaðkvöld og vinn 4 nætur og svo kviss bamm búmm komin í frí til 15 ágúst. Ekki lélegt það. Alltaf eitthvað að hlakka til. Mikið er ég heppin. En nú nenni ég ekki meir. Ætla að láta leka í fína baðkarið mitt og liggja þar og hugleiða hvað ég eigi að gera í sommehollideyinu....
Laters.

Er ég ekki sætur KR strákur.....

Já svona er ég klár. Nú get ég sett inn myndir á bloggið og svona. Alltaf að finna upp á einhverju nýju. Jibbýkóla.
Þetta er sem sagt Mikael Orri ömmusnúður. Sætastur af öllum. Ekki viss um að pabbi snúllans yrði ánægður með þessa mynd. Hann er nebbilega Valsari. hehehe.....En það sem sagt upplýsist hér með að við á þessu heimili erum KR-ingar. Áfram KR. Snúðurinn minn er að keppa í Íslandsmótinu og eru þeir efstir eins og staðan er í dag. Vorum í Sandgerði í gær að keppa við Víðir-Reynir. Og unnum að sjálfsögðu 6-0. Svo nú er aldrei að vita nema ég smelli inn hér mynd af sjálfinu svo þið lesendur góðir getið séð hvurnig konan lítur út. En að öðru. Lopapeysan tilbúin og reddí fyrir Systraútileguna. Þvegin og strokin. Búin að prufa hana, fór út að hjóla með Erni í kvöld og að sjálfsögðu í peysunni góðu. Hlý er hún, en mikið asskoti stignur hún fast. Og ég sem þvoði hana upp úr sjampói og skolaði svo í hárnæringu. Já ég sagði sjampó og hárnæring. Fékk þetta þjóðráð frá Þuru í vinnunni. Og hafði hún þetta eftir gamalli konu að vestan sem hefur prjónað lopapeysur í 527 ár. Hmmm.... Fór svo í klippingu og lit í morgun til Ríkeyjar og tók erfðaprinsinn með, ekki veitti af. Orðin ansi lubbalegur þessi elska. Varð sko bara skotin í honum alveg upp á nýtt eftir að skærin höfðu unnið sitt verk. Komum svo við hjá Olgu og Daða til að bleyta kverkarnar og ömmingja Olga fékk áfall þegar hún sá mig. Sagði að það væri BLEIKT í hárinu á mér. Ekki er ég sammála því. Ætli hún sé litblind. hmmmm.... Þarf svo að skreppa í Regatta á morgun og athuga hvort ekki sé til úlpa á frúna, svona svo hún ekki krókni úr kulda í Galtalæk um helgina. Eitthvað eru þessir vitringar að spá rigningu og rigningu. Tek nú ekki mikið mark á þeim eftir Essomóts spána. Afmæli svo annað kvöld hjá Sigrúnu systur spúsanns míns. 70 þessi elska, og myndi sko engum detta það í hug sem sæi hana. Svo hress og skemmtileg, alltaf svo smart og tilhöfð. Maður myndi kannski giska svona á 60ár en aldrei 70. En læt þetta duga í bili.
Laters.................

Frekar lítið að frétta

af frúnni núna. Er búin að vera að passa litla manninn á meðan mammsan hanns er að vinna. Og það er bara skemmtilegt. Yndisleg mannvera. Guðný kom og sótti okkur í gær og bauð í heimsókn. Sóttum Ívar Anton ömmustrákinn hennar á leikskólan og ömmuðumst saman í sólinni. Stildan kom hér í kaffi í kvöld og er alveg alsæl með Vogana. Gott að vera í sveitinni. Byrja svo að vinna annaðkvöld eftir einnar og hálfrar viku frí. Úff, get ekki sagt að ég nenni að byrja aftur. En þetta verur stutt törn. Bara helgin og svo vikufrí aftur. Styttist óðum í Systraútileguna góðu, hlakka hrikalega til að hitta stöllur mínar aftur. Svo nú biður mar bara um gott útileguveður. Sól og meiri sól. Eins og ég hef sagt frá hér þá erum við að bíða eftir nýrri útidyrahurð, þessi gamla hangir á lyginni. Búin að bíða í tvo mánuði (átti að taka einn mánuð). En hvað um það. Þeir komu með hurðarnar í dag, veiiiiii. En hvað haldiði, þær eru vitlaust smíðaðar. Svo hann fór með þær aftur og ætlar að reyna að koma í næstu viku. Mín heppni. Glugginn í sjónvarpsherberginu sem við pönntuðum í nóvember er ekki kominn enn. Held að þeir hljóti að hafa þurft að planta trjám í gluggakarminn og bíði nú eftir því að þau vaxi. Húsfélagið á nefnilega að borga karminn en við glerið, svo að við getum ekki gert neitt nema að bíða. Búið að hringja sko ég veit ekki hvað mörgu sinnum og reka á eftir þessu. Ég á sko bara ekki til orð yfir svona vinnubrögð. Og nú er þetta fyrirtæki að vinna hér við húsið að utan og þeir hrista bara hausinn og vita ekki neitt. Bull og vitleysa. Annars er mín voða dúleg að prjóna. Er að prjóna mér lopapeysu. Svona stutta og krúttlega. Og er sko alveg að verða búin. Svo þarf ég bara að fá einhverja sniðuga konu til að setja fyrir mig rennilás á flíkina. Hmmmm skyldi það verða mamma. Aldrei að vita nema ég geti dobblað hana. Hafði hugsað mér að vera búin með hana fyrir útileguhelgina. En nú nenni ég ekki meir. Er farin að lúlla.
Laters....

Well.well.well.

Komin heim úr norðanlegunni. Mótið gekk bara vel og lenti lið drengsinns í 5 sæti. Bara sátt við það og þeir líka. En best af öllu var að við foreldrarnir fengum bikar. Og það sem besta hvatningarliðið. Jibbýkóla. Ekki leiðinlegt það. En ekki stóðst veðurspá Veðurstofu Íslands þessa daga sem við vorum þarna. Spáin hljóðaði upp á 18 stiga hita og sól. En sorry gæs. Það rigndi alla dagana. Nema á laugardaginn. þá kom blessuð sólin sem vermir allt og vekur með kossi. En nei ekki þessi sól. Henni fylgdi svoooo mikið að rok að það hálfa vær hellingur. Skítakuldi. Burrrrr.. En samt ógó gaman. Og ekki skemmir Glerártorg sem ég skrapp ósjaldan í á milli leikja. Besta kaffið á Akureyri fæst þar og mæli ég eindregið með því að fólk skundi þar inn eftir langan og srangan bíltúrinn. Enda voru þær farnar að þekkja mig. Hva, komstu ekki hingað í gær líka ????. hmmmm..... Svo fann ég þar ansi flotta skóbúð. O mæ god. Og þlau flottustu kúrekastígvél sem ég hef séð. Þau eru græn...... Og í þriðju ferðinni að máta, strjúka og klappa, keypti ég þau. Og þá sagði stúlkan. Alveg vissi ég að þú myndir koma og kaupa þau...... Það er aldrei. Það mætti halda að þetta fólk sæi aldrei ný andlit. Hélt reyndar að sonurinn myndi endanlega tína andlitinu þegar hann heyrði hvað þau kostuðu. hehe.... Gisti svo á Hjalteyri í góðu atlæti hjá pabba Önnu Jónu. 88 ára kall og svo hress og skemmtilegur að ég hefi ákveðið það að verða svona þegar ég verð 88 ára. Og hana nú. Af hjólamálum er það að frétta að ég er búin að kaupa hjólið og fór út að hjóla í gærkvöldi með syninum. En eitthvað fannst honum mammsan slöpp á þessu tryllitæki. Og gerði óspart gis að mér. Fórum svo aftur í kvöld og þá fékk ég að heyra það að ég hefði bætt mig. Ekki slæmt það. Blessað barnið hefur aldrei séð mig hjóla áður. Og nú er minni svo illllllllllllllllt í litla rassinum æjæjæjæjæjæjæ. En það hlýtur að venjast. Hafði reyndar orð á því að ég þyrfti að fá mér svo gelpúða til að setja á sæti, og þá tilkynnti hann mér það að Anton vinur væri með svoleiðis. Svo ég þarf greinilega ekki að skammast mín fyrir það.
Skrapp svo til Sillunar í kvöld og fékk gott kaffi. En engin var mjólkin til þegar ég kom svo ég fékk rjóma í stað froðu, og svo fékk ég líka síðstu baunirnar. Alveg er þetta með eindæmum. Held að ég hafi ekki góð áhrif á þessa forlátu kaffivél. hehehehe....Styttist óðum í 45 ára afmælið mitt, og ég orðin frekar spennt hvort það verði svona kaffivél í mínum pakka. Hún er allavega alein á óskalistanum. Anyways. Sillan búin að brenna 2 Kim Larsen diska handa mér svo nú get ég farið að fara í gírinn fyrir tónleikana. Verst að hafa ekki talað um þessa tónleika við hana áður en spúsinn keypti miða á netinu. Nú er hún að berjast við að fá miða og allt uppselt. En auglýstir eru þó aukatónleikar og vonandi að hún fái miða á þá. Hefði samt verið gaman að fara saman. En nú er mál að linni og tími til að skríða í ból.
Laters...........