Mér er orðið ljóst að það er hægt að vera skotinn í 4 stelpum í einu.................................9 ára

Jæja þá er þessi dagur loks að kveldi kominn. Lonni komin heil á húfi heim, þreytt en ofsa ánægð með ferðalagið sitt. Og hér var semsagt öll hersingin í mat og allir átu á sig gat af þessum dýrindis kleinufisk. Og svo hringdi Rúna í mig í kvöld að vita hvort ekki hefði gengið vel með skvísuna. Og hún bað mig endilega um að skella uppskriftinni af remolaðisósunni inn á bloggið svo hér kemur hún. Gæti ekki verið auðveldari.

1 peli rjómi
2 ds remolaði
sweet reliez

Og verði ykkur að góðu.

Ég gerðist hin myndarlegasta húsmóðir hér í dag. Skúraði útúr dyrum og Lilja mín þurrkaði af fyrir mömmuna sína. Og svo skellti ég mér í að þrífa eldhúsinnréttinguna að utan. Það er nebbilega þannig að blessuð sólin fór að skína hér inn um gluggana í dag og oh my god. My innrétting var bara ógeðsleg. Svo nú er hún voða fín. Nú það fylgdi að sjálfsögðu hundur með Lilju og Baldri í dag. Og enn og aftur oh my god. Það er sko mesta furða að tíkin skuli hafa haft feld þegar hún fór héðan. Ég get svarið það að mar klofar hér hundahár upp að hnjám. Ég yrði brjáluð að búa við þetta. Lilja hefur reyndar talað um þetta og tíkin hefur oft komið hér en ég hef aldrei séð annað eins. Ég má sko versugú ryksuga hér allt aftur á morgun. Hefði betur sleppt þessum þrifum í dag. Ég held að þau ættu að skreppa með greyið til dýralæknis og láta athuga þetta. Þetta getur bara ekki átt að vera svona.


Og bara svo þið vitið það þá er hún svört svo þetta er mjög áberandi. Annars talandi um hunda. Ég skrapp til Olgu um daginn og haldiði ekki að hún sé komin með annann hund. Átti fyrir svarta púðlutík og eina kisu. Og nú er hún komin með svartan American cokker spaniel. Held að þetta sé það sem hún sagði að hann væri. Og hann er svo sætur. Svo ég tilkynnti Frú Olgu það að ég ætlaði að ættleiða barnið hanns þegar þar að kæmi. Og hann er bara með einfaldann feld svo hann fer ekki úr hárum. Oh hann er so mikið krútt. Og svo komst ég að því að ef mar þekkir Olgu þarf mar ekki að fara í safarí ferð til Afríku. Eins og fyrr sagði er hún með tvo hunda eina kisu. Mamma hennar leigir í kjallaranum hjá henni og hún er með einn páfagauk, eina kisu og eina kanínu. Svo leigir hún út annað herbergi þarna niðri og strákurinn sem það leigir er með eina kisu. Svo hvað þarf mar meir. Ég segi nú ekki meir.


Annars verðið þið lesendur góðir að afsaka þessa quiz dellu mína. Ég gjörsamlega datt í þetta þegar ég kíkti á bloggið hennar Ásu stjúpdóttur minnar. Það sem mar getur gleymt sér yfir þessari dellu. En svona er lífið. Fullt af spurningum.
Vona bara að þið hafið prufað líka.

Lonni keypti fyrir mig í Singap. nýtt upptökutæki fyrir mig að hafa í kórnum og það kostaði skal ég segja ykkur heilar þrjú þúsund krónur. Man að þegar ég keypti gamla tækið fyrir fjórum árum hér heima þá kostaði það sex þúsund. Svo keypti hún líka fyrir mig ilmvatnið mitt og 100ml. glas kostar sama þar og 50 ml glas í fríhöfninni hér heima. Svo nú á ég stórt glas. Jibbíkóla....... Það verður sko ekki vond lykt af mér á næstunni.


Svo var þessi foreldra fundur í skólanum í dag. Ýmislegt var rætt þar og frekjan ég fékk því framgegnt að vinahóparnir eru hættir. Í staðin ætlum við að hittast öll einu sinni í mánuði og gera eitthvað öll saman. Næst ætlum við að hittast 25 mars og spila félagsvist í skólanum og þá verður ákveðið hvað skal gera næst. Held að þetta hristi krakkana miklu betur saman en þessi vinahópar. Og mínum dreng leist rosa vel á þessa breytingu. Hann hefur aldrei fílað þessa vinahópa.

En nú er nóg komið að sinni.
Knús í krús...........................

hand holding - you like to be in constant physical
contact with your special someone but you don't
want to take things too quickly.


What Sign of Affection Are You?
brought to you by Quizilla

Og eitt í viðbót....................

You're Element is Flame. You have a strong,
independant, fiery personality and you
obviously don't ley other's puch you around.
You like being in charge and don't care what
other people think. In fact, you like to stand
out and be yourself. You're probably shy when
people first meet you but your a ball of energy
that could explode at any given moment. You
like to laugh and whether you admit it or not,
you like to fight. You're peronality that is
wild and untamable. You're beauty is physically
fit and a little sexy and you have a very
pretty face.


What's Your Element(girls)? (PICTURES)
brought to you by Quizilla

Mér er orðið ljóst að mér leiðist aldrei í návist glaðlyndra............................63 ára.

Og það held ég að hjóti að vera sannmæli. Takið mig bara sem dæmi. Mikið ósköp sem fólki finnst ég glaðlynd og skemmtileg. Og ekki leiðist því með mér...hehehe..

Var að kíkja á bloggið hennar Ásu og sá þar nokkur quis og varð að sjálfsögðu að prófa. Og hér kemur eitt.


Your a Guradien Angel! Guardien Angels are also
knows as Warrior Angels, because they are the
army of God. Not always meaning that they are
in war, simply that their job is to protect
unwary humans from dark dragons, or other evil
demons. Warrior Angels are not always friendly
with humans, but they will watch over them all
the time. Humans say that when a miracle
happens, thank your guradien angel.


What Kind of ANGEL are you? (For Girls only) This Quiz has amazingly Beautiful Pictures!
brought to you by Quizilla



Og það var nú það. Hef nú annars voða lítið að segja. Lonni kemur á morgun. Jibbíkóla.....
Annars hringdi Didda besta skinn í mig í morgun og varð endilega að fá að vita hvað kleinufiskur er. Og það er semsagt fiskur i orly. En það er miklu krúttlegra að segja kleinufiskur. Og svo bísnaðist hún helling yfir því hvað ég væri mikil svefnpurka. Sagði að það væri nógur tími til að sofa þegar maður væri dauður.......
En mér finnst alveg hreint ótrúlega gott að sofa á morgnanna. Og hana nú Didda besta skinn.... Luv jú. Og þú ert alveg besta uppáhaldsfrænkan mín. Og mér er alveg sama þó að þú hringir sona á morgnanna.


Segi þetta gott í bili. Knús í krús.......

Mér er orðið ljóst að hin fullkomna hamingja býr í góðri bók, mjúkum dívani og ketti sem kúrir við hlið mér...........50 ára

Þetta "orðið ljóst" er nú bara alveg eins og talað úr munni og frá hjarta Hörpu vinkonu. Ég veit nebblega að henni þykir voða gott að liggja upp í rúmi og lesa og það myndi sko örugglega ekki skemma fyrir ef einn ef ekki allir þrír kettir heimilisins lægju hjá henni.

Annars er þetta búin að vera ágætur dagur. Byrjaði hann á því að keyra junior í skólann. Hálf vorkendi honum að þurfa að fjúka þessa leið svona strax í morgunsárið. Og honum þótti það nú ekki slæmt. Ég fékk prik fyrir það. En svo lagði ég mig þegar ég kom heim aftur og hraut eins og gömul eimreið til hádegis. En þá kom Ásthildur og svo kom Lilja og þvoði tvær vélar. Og ég sem ætlaði að vera svoooooooooo dugleg og skúra, gerði nákvæmlega ekki neitt, sat og þambaði kaffi í massavís. Ekki það, að það var miklu skemmtilegra en að skúra. Geri það bara á morgun, eins og sá lati segir.


Svo hringdi Sillan í mig, og færði mér frekar leiðinlegar fréttir. HÚN ER HÆTT Í GOSPELSYSTRUM. og ég er nú frekar svekt yfir því. Tár og snökt,snökt. En það verður hver að finna sína leið. Ég vil fara mína leið og þú vilt fara þína..... Kannski ég fari bara hennar leið að hausti. Aldrei að vita.
Miss you darling.

Jæja nú er Lonni mín lögð af stað í ferðalagið heim á leið. Hún lendir hér klukkan um fjögur á fimmtudaginn. Og ég samdi við hana að við myndum frekar hafa kleinufisk og remolaðisósu, heldur en saltkjöt og baunir. Og henni fannst það bara ekkert verra. Enda mikil matkona þessi elska.


En svo var að sjálfsögðu kóræfing í kvöld, og Diddú og Jóhann Sigurðsson komu og sungu eitt lag með okkur. Og ég verð nú bara að segja það. það er ótrúlega fyndið að sjá þessi tvö standa hlið við hlið. Ég held að Diddú komist fimm sinnum inn í Jóhann. Og svo syngja þau alveg eins og englar. Og þá sérstaklega hún. Þvílík útgeislun og alltaf með bros á vör.

Hér er dr. Phil á skjánum og þarna situr hann og talar við þennann líka stóra svarta mann og hann bara grætur og grætur. Ótrúlegt með kanan. Koma í sjónvarpið með hin minnstu vandamál og svo er bara grátið og grátið.

Jæja ég held ég láti staðar numið og kevðji. Góða nótt dúllur
Knús í krús.....

Mér er orðið ljóst að maður á aldrei að borga fyrir verk fyrr en því er lokið...........................48 ára

Og þannig er nú það.
En annars hef ég ekki afrekað mikið í dag. Er búin að vera með einhverja leiðinda magakveisu og hef þar af leiðandi þurft að halda mig nálægt náðhúsinu.... En það hlýtur að lagast eins og annað sem hrjáir mannfólkið öðruhverju. Skruppum samt aðeins til Lilju og Baldurs að sjá hvað það er orðið fínt hjá þeim. Og það er allt annað sjá íbúðina svona ljósa heldur en í þessum dökku litum. Hún er svo lítil að hún ber það ekki.

Svo dreif ég mig og setti teljara inn á síðuna hjá Lonni og gat gert það alveg alein. Húrra fyrir mér. Og svo færði ég minn ofar á síðuna. Svo dugleg. Ég hringdi líka í Jóhönnu stöðvarstjóra og bað um frí á fimmtudaginn. Á að vera á kvöldvakt þá, en það gengur náttla ekki. Lonni að koma heim og fyrsta stopp er sko hér í Grýtubakkanum. Og svo sendi hún mér sms í gær og bað um að ég hefði saltkjöt og baunir í matinn. Æjæj. Ég er nú ekkert spennt fyrir því að borða það aftur svo fljótt.
Svo á að vera einhver foreldrafundur hjá Erni á fimmtudaginn klukkan hálf sex, með kennaranum og Hrönn sem kennir þeim lífsleikni. Þeim (kennurunum) finnst krakkarnir ekki vera nógu góð við hvort annað og ekki leika sér nógu mikið saman. Og vilja ræða hvað er til ráða. Ég verð nú að segja það að mér finnst alveg ótrúlegt að börnin megi ekki velja sér vini sjálf. Það er með þau alveg eins og okkur fullorðna fólkið, að við pössum misjafnlega vel saman. Þetta var líka til umræðu þegar hann var í leikskóla. þar átti hann einn vin og þeir vildu bara leika sér saman og það var ekki nógu gott. þeir ÆTTU að leika við hin börnin líka. En svona er þetta. Maður velur sína vini sjálfur eftir því hvernig maður smellur við fólk. Og hana nú.
Ekki meir að sinni.
Knús í krús............

Mér er orðið ljóst að ákvarðanir teknar á unglinsárum hafa langtímaafleiðingar.....................................49 ára....

Já og þar með er sagan öll. Hef enga speki um þetta"orðið ljóst"
Var að tala við Lonni og Rúnu núna áðan. Þær voru komnar í bikiníin og voru á leið út í sólbað og sundlaugina. Hm. það er víst nóg að fara bara út á svalir hér, þá er mar komin í sundlaug. Þvílík og önnur eins rignig. Mér finnst nú að Guð og englarnir hafi grátið alveg nægju sína í bili. Er ekki komin tími til að brosa aðeins við okkur frónbúum. Allavega finnst mér þeir hafa brosað nóg til þeirra þarna down under.

Annars er þetta búið að vera letidagur allra letidaga hjá mér. Vaknaði klukkan níu, fór fram í hálftíma eða svo og svo upp í aftur og svaf til 12 og horfði þá viku skammt af nágrönnum. Lagði mig aftur um hálf þrjú og svaf til að verða fjögur. Druslaðist þá upp í Grafarvog til Ella og Jónu. Diddi og unginn voru þar að þrífa bílinn. Og svo heim og hér hef ég setið og gert ekki neitt. Og þó. Ég er búin að brjóta saman þvott úr tveim vélum og þvo eina. Og segiði svo að ég geri ekki neitt.

Svo er ég líka búin að skrifa eina atvinnuumsókn, og þarf að henda henni í póst á morgun. Break a leg........
Og svo hringdi Lilja Bryndís og bauð í kaffi. En ég hreinlega nennti ekki út í þetta veður í kvöld og lofaði að koma á morgun í staðinn. Þau eru nebblega búin að mála og gera allt voða fínt. Svo mar verður að kikka á þetta hjá turtildúfunum.
Og svo er hún orðin algjör bumbulíus. Ótrúlega krúttleg.
Annars hef ég ekki meir að segja, því eins og þið sjáið gerðist ekki neitt hjá mér í dag. Big cero.
Knús í krús......

Mér er orðið ljóst að þegar að maðurinn minn eldar á ég að hæla öllu sem hann gerir..........................77 ára

Og mér er orðið ljóst að ég er löngu hætt að elda nema bara ef spúsinn er ekki heima. Jamm og hafiði það. Hann Diddi hefur svo mikið gaman af að elda, að fyrir svona 15 - 17 árum eða svo leyfðiég honum að taka yfir eldamennskuna. Hehe. Og fyrir vikið elda ég ekki, ekki einu sinni á jólum en þá bý ég bara til sósuna og hann sér um rest. Svo bara borða ég og borða ég og borða ég. Galllinn er nebbilega sá að hann eldar alltof góðann mat. Til marks um það, þá tala dætur mínar ekki um matinn hennar mömmu, heldur matinn hanns pabba. Fiskabollurnar hanns pabba, aspassúpuna hanns pabba, kleinu fiskinn hanns pabba, steikta fiskinn hanns pabba, roastbeefið hanns pabba og svo mætti lengi telja. Og það sem ég er fegin að vera laus við þessa eldamennsku. Endalaust að ákveða hvað á að vera í matinn, dag eftir dag. Hjúkk og sviti.

Jæja, annsi er nú langt síðan ég bloggaði eitthvað af viti síðast. þetta er nú meiri blogg-blindan sem er í gangi. Kominn tími til að bæta úr því. Það hefur svo sem ekkert merkilegt á daga mína drifið síðan síðast.
Fór í síðasta söngtímann hjá Möggu á þriðjudaginn og er stax farin að sakna þeirra. Verð endilega að semja við hana um að hafa mig í tímum fram á vorið. Ótrúlegt hvað það gefur manni mikið. Allavega mér. (ein í egókasti)
Nú svo fór ég í þessa árvissu eða annaðhvortárvissu krabbaskoðun á fimmtudaginn. Þeir hringdu í mig í síðustu viku, kominn tími á brjóstamyndatöku aftur, og líka kjallara jú nó vott. Ég sagðist nú alltaf fara til míns læknis með kjallarann, en hún taldi mér trú um að það væri miklu sniðugra að gera þetta tvennt í einu og miklu ódýrara og þau væru með svo fína lækna. Svo ég lét til leiðast og samþykkti. Geri það sko ekki aftur. Miklu betra að fara til manns eigins og vera bara afslöppu eftir smá spjall. Hef bara aldrei lent í öðru eins færibandi. Og svo þessa myndatökur. Jísös kræst. Hún er nú ekki með neinar smá túttur þessi kona. Og svo bara obbosí, sett í samlokugrillið og klikk. það hlýtur nú að fara að koma því að þetta verði komið í leysir eða eitthvað þess háttar. Það verður sko mikill munur. Ég hefði sko aldrei trúað því að það væri hægt að pressa þessar túttur svo mikið að þær verða nánast eins og blað.....

Og nú er aldeilis farið að styttast í að Lonni mín komi heim. Mikið hlakka ég til að sjá hana. Það hreinlega vantar á mig annann handlegginn að hafa hana ekki hér. þó eru þessar tilfinningar blendnar. Ég missi náttlega bílinn hennar þegar hún kemur. Þvílíkur lúxus að vera með tvo bíla. Bara fara það sem mar þarf og vill fara, án þess að vera að spá í hvort mar þurfi að sækja bóndann eða keyra.

Og svo verður líka gott að fá annann skammt af Ísfólkinu. Nú er ég búin með þær bækur sem Lonni var búin með og hún er víst búin að vera dugleg að lesa þarna niðurfrá. Svo ég fæ slatta þegar hún kemur heim. Jibbýkóla...........

Jæja og svo er ég búin að fara upp í Coke og sækja vinninga fjölskyldunnar. Svo nú er bara að drífa sig af stað í þessa líkamsrækt. Ég er líka búin að kaupa mér skó fyrir þetta dæmi. Við Ásthildur erum að hugsa um að fara á mánudaginn og kíkja á þetta fyrirbæri. Annars hlakka ég mest til að sjá bónda byrja í þessu. Hann hefur ekki hreyft sig í tuttugu ár, eða síðan hann fékk krabbann hér um árið. Og ekki veitir honum af þessari elsku. Kominn tími til að létta á hjartanu. Það þarf sitt pláss til að vinna vinnuna sína. Hann er svona dæmigerður bílstjóri. Allur um sig miðjann. Sumir kalla hann "litla þ-ið"
Svo er nú aldeilis farið að styttast í sumarbústaðaferð saumaklúbbsinns. Ég ætla bara ekki að segja ykkur hvað ég hlakka til. Alltaf sérstök stemming að fara svona bara konur. Engin börn og engir kallar. Meina ekkert illt með þessu, en það er alveg nauðsynlegt að halda svo aukajól (eins og Hrönn myndi orða það) öðru hvoru.
Jæja snúllu dúllur held ég láti þetta duga í bili.
Knús í krús.......

Mér er orðið ljóst að ég á eftir að verða listamaður þegar ég verð stór. Ég hef það í blóðinu.............8 ára....

Jæja þá er hún Lonni mín lent í Sidney og verður þar næstu tvo daga. Vona bara að allt gangi vel hjá henni. En það er auðvitað ekki hægt að fara til Ástralíu án þess að fara og skoða tónleikahöllina frægu. Eða hvað..+

lkjfkfjfira jkfgjfigðwirutrjtoidr slkjgirðtwsiutðap9irt sdjgrtiu ergojflgjreoitu gfjkæiieoprioirtu bvnmmsæghjrepfmvæ gfjirtuðajf jgkfæiorureotuæsjvæd, jfrkgjretri3ö493589rljf ðweridfjkaæ´fjeðr rjfdkfkjað0w495ui ðatu459tuða0ir æjgæodftif43ð0u5 poauit943u5 æsfjk oigjðatur8e9ut a fjoeriute5495tuaðe0 gjæodsut94eutðafj fðu9t435uraðw jfgæafj4ð35ut ðargurt ðerutð45t ðguae0ðtuð4j ðrutðe j´vqð0tu tgjet ð ðfjðqe tjæ

Nei í alvöru talað, þá hreinlega nenni ég bara hreinlega ekki að skrifa meira hér. Er gjörsamlega andlaus, algjörlega tóm tunna.

Knús í krús......

Mér er orðið ljóst að stundum býðst manni annað tækifæri í lífinu....................................62 ára

Og mér er orðið ljóst að Ásthildur kemur ekki til með að blogga svo að ég tók linkinn hennar út að síðunni minni.
Fínasti dagur í gær, eins og við var að búsast. Algjört dekur. Samt var nú soldið vont þegar Kristín fóta var að skrapa meðfram stóru táar nöglum. En það var líka alveg jafn gott þegar hún var búin að setja spangirnar á ..... Ahhhh. Allur þrýstingur horfinn og nú finn ég ekki fyrir neinu.....
Svo er mar bara búin að vera heima í dag, var rosa dugleg. Ryksugaði allt og þurrkaði af. Kannski verð ég líka dugleg á morgun og skúra. Verst hvað það er leiðinlegt. Eg mikið gaman þegar það er búið. Svo kom Lilja í dag að þvo og þurrka, enn biluð vélin hjá henni. Held hún hafi þvegið einar 5 vélar í dag. Adda kom líka og við tókum einn óþverra. Og að sjálfsögðu vann hún (Adda) að venju.

Lonni hringdi líka í dag. Hún var voða kát. Er að fara að synda með höfrungunum. Jís, ekki viss um að ég myndi þora því.. þó að þeir séu voða sætir. En þeir eru líka voða,voða, stórir. hjúkk.
Annars er ég að drepast úr leti núna og nenni hreinlega ekki að krassa meira hér.
Knús í krús.....

Mér er orðið ljóst að sama hvað ég fæ í kvöldmat, samt fæ ég mér hnetusmjör úr krukkunni fyrir svefninn.........48 ára

Og mér er orðið ljóst að það er einhver þarna upp sem vill að sæmdarhjónin á þessu heimili fari að hreyfa sig og minnka ummálið allverulega. Enda svosem kominn tími til.
Það gerðist nefnilega soldið skondið núna á þriðjudaginn. Haldiði ekki að við hjónin hafi ekki unni frí tíma í Hreyfingu. Ég fékk mánaðarkort en bóndinn fékk árskort og sonurinn var ekki undanskilinn. Hann fékk mánaðarkort. Ekki það að hann hreyfi sig ekki nóg. En svona var þetta. Tókum þátt í einhverjum leik í sambandi við Toppinn (drykkinn) og unnum öll. Ég hef nú bara aldrei vitað annað eins. Held nú samt að drengurinn megi ekki nota þetta kort, hann er sjálfsagt of ungur. Nú þá læt ég bara skrifa það á mig. En ég ætla bara ekki að segja ykkur hvað við vorum hissa. Við höfum aldrei unnið í svona leikjum áður. En einu sinni er allt fyrst. Gaman, gaman. Svo nú er bara að fara að hreyfa sig.


Einhver fyrirspurn kom um með þetta mál í skólanum, sem ég minntist á um daginn. Og þannig var þetta.
Örn og Anton eru að ýta á hurðina af kennslustofunni og kona sem kemur í bekkinn og hjálpar til var að reyna að komast út. En þei ýttu á svo hún komst ekki. En svo fer Anton frá og konan kemst út og sér þá bara Örn, og grípur í töskuna sem hann var með á bakinu og ætlar að tala við hann, en hann vildi ekki tala við hana og rífur sig lausan, og um leið og hann losnar gerist þetta sem hleypti öllu í uppnám. Hann hvíslaði út úr sér "tík", en því miður fyrir hann þá heyrði hún hvað hann sagði og leist ekki á blikuna. Svo hann þurfti að mæta með mér og biðjast afsökunar. Sem að minni hálfu var að sjálfsögðu það eina rétta í stöðunni. Það á ekki að láta börn komast upp með svona munnsöfnuð. Elsku kallinn var nú ekki borubrattur þegar við mættum. En hann stóð sig með prýði, tók í hönd konunnar og baðst afsökunnar., Og lofaði að segja aldrei svona ljótt aftur. Svo er bara að vona að hann standi við það. Annars er alveg ótrúlegur munnsöfnuður á þessu ungviði í dag. Botna bara ekkert í því að þetta skuli vera svona.


Setti inn nýjann link núna áðan. Harpa er orðin algjör kisumamma, með 3 kisur. Einn venjulegann heimiliskött og 2 Abbysiniuketti. Úff skildi þetta vera rétt skrifað. Svo endilega skoðiði síðuna hennar sem hún er að smíða í kringum kisurnar sínar. þeir eru voða sætir. Og svo er bara að fá hana til að byrja að blogga. Gæti alveg trúað því að hún sé skemmtilegur penni. Áfram Harpa.......


Svo er næs fríhelgi framundan. Gera ekki neitt, nema dekra við sjálfa mig. Er að fara í fótsnyrtingu í fyrramálið og svo í klippingu seinni partinn . Og svo saumó um kvöldið hjá Sússý frænku.

Jæja læt þetta duga, Lonni var að koma inn á MNS-inu og ætla að kjafta aðeins við hana.
Knús í krús.

Mér er orðið ljóst að sá sem haldinn er óseðjandi forvitni fær aldrei á tilfinninguna að hann sé orðinn gamall..............71 árs

Og mér er orðið ljóst að ég hef lært að hemja forvitni mína með árunum og komast að því sem ég vil komast að á þann hátt að fólk fattar ekki að ég sé forvitinn. Já þetta lærist með árunum. Datt þetta svona í hug, því dag var ég að tala við Sillu í símann og Örn Aron gat ekki á heilum sér tekið fyrr en hann vissi við hvern ég væri að tala. Verð að viðurkenna það að hann hefur þessa forvitni frá móður sinni elskulegu.

Fór í Borgarleikhúsið í gærkvöldi með mömmu að sjá Chicao. Og verð nú bara að segja, það var æði.
Góður húmor, góðir söngvar og góðir leikarar. Frekar klúrt stykki, en það er alltilæ. En finnst það ekki við hæfi barna. Sá þarna eina stelpu með mömmu sinni og var hún ekki eldri en 8 til 9 ára. Skil ekki alveg tilganginn að taka svona unga krakka að sjá svona stykki. Svo er nú mikið búið að láta með hana Jóhönnu Vigdísi og hennar hlutverk, Steinunn Ólína er sko ekki með minna stykki bæði hvað varða söng og leik og var hún sko ekki síðri. Svo var ég voða GRAND á því og bauð gömlu upp á pylsu á Select og geri aðrir betur.

Og svo þessi fríhelgi mín, hún fer nú fyrir lítið. Þurfti að mæta með drengnum í keilu klukkan 11 í morgun, með bekknum. Hann kom heim með blað þess efnis að foreldra-ráðið hefði ákveðið þetta. Og bannað að senda börnin ein. Ég spyr, ef við hefðum nú bæði verið að vinna fyrir hádegið í dag, yrði hann þá að gjalda þessa og mega ekki koma. Aldrei var ég spurð.
Þetta er að verða full vinna að vera með barn í grunnskóla. Svo eru það vinahóparnir og svo á ég víst að fara á foreldrarölt um helgi og fylgjast með unglingum hverfisinns. Ég spyr, því ég, ég er með barn í 5 bekk og ekki er hann hangandi út í sjoppu um helgar. Alveg sjálsagt að gera þetta þegar hann er kominn í 8, 9 og 10 bekk, en come on ekki í 5 bekk. Svo eru bekkjarkvöld og svo er skautaferð og ég veit ekki hvað og hvað. Jísös hvar endar þetta. Maður verður bara að hætta að vinna. Allavega vaktavinnu. Kannski að mar ætti að fá sér eina uppblásna sem getur farið í minn stað..hehehe.

En hvað um það. Svo er kórinn að fara í Kramhúsið á morgun og mín rödd á að mæta klukkan hálf tvö og vera til þrjú. Beint í afmæli og svo að mæta upp í Grafarvogskirkju klukkan 19.00 og syngja í kvennamessu klukkan 20.00 og svo kaffihús á eftir. Og svo tekur vinnan við á mánudag. Það er ekki hægt að segja að mar sé aðgerðalaus þessa daganna.

Keyrðu erfaðprinsinn vestur í KR-heimili í kvöld því að það er sleep over þar. Fara í heitann pott, borða pitzu, horfa á video og meistarflokkur að koma í heimsókn. Og ekki fannst mínum það slæmt. Ætlaði sko að biðja um eiginhandaráritanir hjá öllum.....Lífið er fótbolti.

Svo fórum við hjónin og splæstum á okkur nautasteik á American Style og mmmmmmmm. Rosa góð.
Lonni er búin að kaupa Bumerang fyrir mig í henni Ástralalalílu, og það fylgja meira segja leiðbeiningar með. Ekki það að ég leiki mér mikið með, langar í svoleiðis upp á vegg. Og sonurinn var ekki alveg að skilja það að vera að fá sér svona DÓT og hengja það upp á vegg. Það líður örugglega ekki langur tími í það að hann skori á mig í keppni. Hann verður að geta keppt í öllu. Ótrúlegur keppnismaður. Vona bara að það fari ekki út í öfgar. En hann ætlar sko að verða atvinnumaður í fótbolta og spila með Man.United, og þá ætlar hann sko að bjóða gömlu út að horfa á leik. Já það er gott að eiga drauma. En hver veit, kannski rætist þessi. Kemur í ljós.

Jæja best að fara að koma sér í rúmi og kúra hjá kalli.

knus og kyss.

Mér er orðið ljóst að eftir því sem ég eldist fjölgar fallegu stelpunum sem ég kyssti i æsku............................84 ára

Jæja þá fer að styttast í föstudaginn og við mamma ætlum að fara saman að sjá Cicago. Hlakka mikið til þess. Er algjör leikhús fíkill og gæti þess vegna séð hver einasta stykki sem sýnt er.

Hitti Lonni mína á msn-inu í hádeginu í dag. þá var hún á leið í rúmið. Var að enda við að blogga og allt fór í vitleysu hjá henni greyinu. Hún var frekar fúl yfir því og nennti enganveginn að laga það. Sjáum til hvort hún nenni því í dag.
Svo er eitthvað vesen í skólanum hjá junior. þarf að mæta með honum í fyrramálið. Ég hef þetta nú bara second hand, en hann var víst eitthvað dónalegur við að mér skildist námsráðgjafann, sem var að skamma hann fyrir að sparka í hurð. Og hann þ.e. junior var fúll yfir því að hann var bara skammaður en ekki vinur hans sem sparkaði víst líka í hurðina, en hann var ekki staðinn að verki. Held þetta sé einhvern veginn svona. Kemur betur í ljós á morgun.

Fékk aftur smá nudd í kvöld. Og er bara ekki frá því að ég sé að linast eitthvað. Eins gott að halda þessu áfram. Ótrúlegt hvað mar þarf alltaf að vera orðin slæm af verkjum áður en eitthvað er gert í málunum. En hingað og ekki lengra. Nú verður þetta tekið með trompi og klárað. Og svo væri náttúrulega ekki vitlaust að halda þessu við með því að fara í einn nuddtíma í mánuði eða svo. Hinnsvegar varð ekkert úr andlitsnuddi í kvöld eins og ég hafði hugsað mér. Bæti vonandi úr því annaðkvöld. Hitti hana aftur þá. Skil bara ekkert í því að nuddarar skuli ekki vera í sjúkrasamlaginu. Þetta kostar sko krónur tvær á bak við kletta. Ég fór einu sinni í 18 nuddtíma á stofu sem var í Hátúninu, hjá þessu þýska sem ég get ómögulega munað í augnablikinu hvað heitir, en hann var í samlginu og er eini nuddarinn sem hefur komist þangað inn. Og ég ætla bara ekki að segja ykkur hvað þetta var gott. Þegar ég fór í byrjun var ég það slæm að ég gat ekki lyft höndunum upp, en eftir þessa 18 tíma var ég góð í mörg ár á eftir. Eihverntíma var ég send til sjúkraþjálfara og það var bara ekki að virka fyrir mig. Líki þessu tvennu ekki saman. En mér skildist á Bryndísi að það væri verið að vinna í þessum málum og að nuddarar ættu að komast inn á næstu 2 árum. Húrra fyrir því, þó fyrr hefði verið.

En mínir elskulegir lesendur nú er klukkan orðin alltof margt og ég þarf í bólið núna svo ég vakni með junior á morgun.
Knus og kyss.

Mér er orðið ljóst að hvaða iðja sem er verður skapandi ef maður leitast við að bæta sig.................48 ára

Og hér er ég, hin ánægðasta með söngtímann minn í kvöld. Ég er búin að vera að alla vikuna að rembast eins og rjúpan við staurinn og syngja á háu tónunum og hvað haldið þið.. Mér tókst það í kvöld. Yesssssss. Kannski að nuddið hafi líka haft eitthvað að segja. Veit ekkert um það, en þessi tími í dag var mjög góður og Magga hin kátasta með mig. En, Silla skrópaði. Hmmm. Saknaði hennar í tímanum og á æfingunni. Fékk aðra dömu upp að hlið mér, sem ég hélt hreinlega að ætlaði inn í mig. Oh my god. (hvað á að gera við drukkinn sjómann) En nú er bara einn tími eftir hjá Möggu og spurning hvort mar splæsi ekki á sig fleiri tímum. Get eiginlega ekki hugsað til þess að hætta. Þetta er ógeðslega gaman og gagnlegt líka.

Lilja kom hér í dag að þvo eins og til stóð. Ekki er ég undrandi á því að vélin hennar sé að bila. Þvílíkt og slíkt sem hún tróð í vélina hér. Þvottavélin var alveg að koksa á þessum þvotti hennar. Tók hana til bæna og benti henni á að mar setur ekki 20kíló í einu. Jísös kræst. Annars fékk ég helv... gott e-mail áðan læt það flakka með hér. Góða skemmtun.

Þið munið eftir laginu með Ruth Reginalds......... Furðuverk

Fyrir þá sem hafa gleymt textanum er hann birtur hér í smá breyttri útgáfu.

Furðuverk
Ég á augu, ég á eyru
ég á lítið brotið nef.
Ég á augabrúnir, augnalok
sem að krumpast er ég sef.
Ég á kinnar sem er'ei stinnar
og á höfði fáein hár
Ég þekki rosa fínan lækni
sem er obboslega klár

Ég á nett geggjaða mömmu
og appelsínuhúð.
Tvær hendur og tvo fætur
sem ég keypti út í búð.
Ég get hoppað , ég get dillað
Í brjóstum hef ég gel.
Ég á bakhlið, ég á framhlið
sem að strauja þarf víst vel.

Ég er furðuverk, algert furðuverk
Sem var lagað til
Ég er furðuverk, algert furðurverk
Lítið samt ég skil.

Læt þetta duga í bili.
Knus og kyss.

Mér er orðið ljóst að ég verð alltaf óstyrkur ef löggubíll kemur á eftir mér.............25 ára

Aveg er ég sammála þessum. Ef löggan kemur aftan að mér, kíki ég alltaf á hraðamælinn, og tékka hvort ég sé ekki örugglega með ljósin kveikt. Skrítið. En svona er þetta. Hún hefur undarleg áhrif á mann þessi lögga. Og svo þetta með sírenurnar. Ég fæ alltaf í magann þegar ég heyri í þeim, og langar mest til að hringja í allt mitt fólk og athuga hvort ekki sé alltílæ með alla. Já sona er ég skrítin. En nóg um það.
Var að vinna alla helgina, eins og þið að sjálfsögðu vitið og svo var ég að vinna fyrir Klemens í kvöld. Haldiði ekki að hann hafi bara ekki skutlað sér til Köben á föstudaginn og kemur annað kvöld. Algjör sæla. Hlakka til að heyra ferðasögur, vonandi eitthvað krassandi. hmmm....
Var að vinna með Bryndísi í gær, sem er sosum ekkert í frásögur færandi, nema að hún er lærður nuddari og vinnur sem slík. Og hún tók mig í gegn. Og upplýsti hún mig um það að ég væri með bullandi bólgur í andlitinu. Aldrei hefði mig grunað það að hægt væri að vera með vöðvabólgu í andlitinu. Semsagt, fékk nudd frá höfði og niður á axlir og bakið líka. Og ég get svarið það að ég hélt ég myndi ekki meika þennann dag. Svo gjörsamlega að drepast. Gat varla verið í brjósthaldaranum, böndin meiddu mig svo á öxlunum. En ég varð að sjálfsögðu að bíta á jaxlinn, því ekki er þorandi að hafa þessi tvö laus. Nó vei hósei...... Svo kom hún á næturvakt núna áðan og tók aðeins á mér aftur og spreyjaði einhverju voða fínu spreyi á axlir og bak. Og nú er ég orðin nokkuð þokkaleg aftur. Hlakka til að sjá hvernig ég verð þegar ég vakna á morgun. Hitti hana svo aftur á miðvikudagskvöldið og kannski ég dobli hana til að taka á ANDLITINU. Kannski þarna sé komin skýring á því hvað ég stífna orðið í kjálkum þegar ég syng.

Baldurinn hennar Lonni kom við hjá mér í vinnuna í kvöld. Snæddum saman og svo dró ég hann með mér í smókpásu. Hann er nú ekki nógu ánægður með elskuna sína núna. Búinn að hjálpa henni í gegnum msn að setja upp forrit til að setja inn myndir og samt eru engar myndir komnar. Skamm, skamm, Lonni mín. Drífa í þessu. Við erum búin að bíða nógu lengi.

Svo er þvottavélin eitthvað að stríða Lilju minni. Hún ætlar að koma hér á morgun og þvo og þurka. Þau eru víst alveg orðin fatalaus greyin, ekki gengur það. Kannski þau fari bara í tunnurnar með þessu áframhaldi.
Svo kóræfing á morgun og söngtími hjá Möggu. Hlakka til þess. Já það er alltaf gott að hafa eitthvað að hlakka til. Svo nú ætla ég að fara að lúlla á koddann minn, lesa aðeins í Ísfólkinu fyrst og láta mig svo dreyma um háu tónana sem ég ÆTLA að koma frá mér á morgun.
Knus og kyss..

Mér er orðið ljóst að vilji maður ná sér niðri á e-m í sumarbúðunum á maður að setja kláðaduft í nærfötin þeirra....11ára

Jú jú ég er á lífi. Nenni ekki að blogga núna. Geri það bara hressilega annað eða hitt kvöldið.
Knus og kyss

Mér er orðið ljóst að mest áhætta felst í því að hugsa of smátt.................61 ára

Og mér er orðið ljóst að ekki verður mikið skrifað hér í kvöld. Var svo asskoti óheppin að skera mig í vinnunni í kvöld. Á fleygiferð keyrði ég hnífinn upp á fingurgóm lögnutangar hægrihandar og yfir nöglina endilanga. Og skar hana (nöglina) í sundur eftir miðju hennar. Jís hvað það var sárt. Þannig að nú er ég með tvær neglur á þeim putta og verð bara að bíða eftir að hún vaxi niður. Skil ekki hvað hefur verið í gangi þarna í kvöld. Þorsteinn skellti kælishurðinni á löngutöng vinstri handar og ég er annsi hrædd um að nöglin detti af honum. þvílík kvöld.
Náði ekki í neinn út af þessu heimsfrelsiskorti mínu í dag, hef sennilega verið of sein. Hringi aftur á morgun og læt þá heyra það. Fann ekkert auglýsingarspjald fyrir heimsfrelsið, en fann spjald fyrir Atlas frelsi. Og þar stendur að til Ástralíu fái maður 120 mínútur. Prufa það næst. Það er meira en 14 mínútur.
Jæja ekki meir núna.
Lúlla,lúlla.
Knus og kyss.

Mér er orðið ljóst að foreldrum mun aldrei skiljast hvað síminn skiptir unglinga miklu máli..........16 ára

Nei og mér er líka ljóst að unglingar borga ekki símareikninginn. Það er af sem áður var. Ég man það að ef maður þurfti að hringja bað maður um leyfi. Sama hvort maður var heima hjá sér, hjá vinum eða hjá afa og ömmu. Maður bara tók ekki upp tólið og hringdi. Skil eiginlega ekki hvað hefur gerst. Þetta er siður sem ætti hiklaust að taka upp aftur. Foreldrar stöndum saman...... Já ég man þá tíð. hehe. Nú hljóma ég eins og nírætt gamalmenni.

Haldiði ekki að mín hafi bara verið vöknuð fyrir 10 í morgun. Ja hérna hér. Slíkt hefur bara ekki komið fyrir í háaherranstíð.
Nema ég þurfi til vinnu. Svo ætlaðið ég að skrepp í Hagkaup í Skeifunni og ná mér í bókaplas-vasa í kórmöppuna og var mætt klukkan rúmlega ellefu og þá er bara lokað. Opnar víst ekki fyrr en tólf á sunnudögum. Já þetta vissi ég ekki, en veit nú. fór þá aðeins til Öddu sem býr þar eiginlega í næsta húsi og beið eftir að búðin opnaði. Svo hringdi Lilja í mig og vildi koma og hitta mig. Svo hún kom og við fórum svo í Hagkaup og líka í Ikea. Þvílíkur dugnaður. Jís hvað mér leiðist svona búðarráp. Getur mig alveg lifandi drepið. En við áttum góðann dag saman mæðgurnar. Hittum Dadda og Lilju í Hagkaup og voru þau hin hressustu þrátt fyrir kendirí gærkvöldsinns. Jæja allavega er ég nú búin að setja nóturnar í möppuna og allt í röð og reglu. Jeyyyyy...

Ég var meiraðsegja svo hress í gærkvköldi að ég afrekaði að þrífa baðherbergið og tók það allt í gegn. Þoli samt ekki að þrífa þarna inni. það er allt ónýtt á þessu helv.... baðherbergi. Verð endilega að drífa í því að vinna í lottóinu og taka það í gegn. Held hreinlega að sturtuklefinn detti í sundur nú á næstu dögum. Þvílíkt og annað eins drasl. Kannski ég þurfi að kaupa mér eins og einn miða til að eiga möguleika. Jú þeir segja að miði sé möguleiki.
Annars er þetta búin að vera rosalega góð helgi. Afslappelsi og meira afslappelsi. Ekki gert nokkurn skapaðan hlut. Svo tekur vinnan við á morgun og svo get ég líka látið mig hlakka til næstu helgi. VINNUHELGI...ARG
En hún líður eins og annað. Baldur hennar Lonni kom hér í mat í kvöld. Eldaði kjúlla ala Silla þennann sem hún gaf okkur í raddpartýinu góða í fyrra. Mmmmm... rosa góður. Held ég láti þetta duga í bili. Þarf að vakna með Erni í skólann á morgun.
knus og kyss.

Mér er orðið ljóst að margt er mér ekki enn orðið ljóst..................... 92 ára

Og mér er orðið ljóst að ég hata þetta frost. Ég er gjörsamlega að drepast úr kulda. Íbúðin mín er ísköld og gengur frekar illa að hita hana upp. Brrrrrrrr. Hringdi í Lonni áðan og bara helv... fúl út í þetta Heimskorta drasl. Allt upp í 200 mínútur stendur á kortinu og lofar góðu. Þegar ég svo náði sambandi við númerið kom kerling í símann og sagði að ég ætti 23 mínútur eftir á kortinu. Ok. Það varð bara að duga. En nei, efti 14 mínútur slitnaði símtalið og ég reyndi aftur, en nei takk, inneignin búin. Ég ætla sko að hringja í þetta fyrirtæki á mánudaginn og KVARTA.. Arg. Hrikalega varð ég pirruð. Já þeir skulu sko fá að heyra það.
En nóg um það. Það var voða gott að heyra í Litlu stúlkunni með eldspýturnar. Henni líður voða vel þarna niðurfrá og hitinn fer bara mjög vel í hana. Allavega er hún voða glöð að sleppa við þennann frostakafla hér á klakanum. Frostið fer svo illa í hana. Fær spasma og verki. Ekki gott. Verði henni bara hitinn að góðu og komi hún fílelfd til baka. Öll mjúk og fín.
Eftir að það slitnaði hjá okkur hringdi Rúna til baka og talaði aðeins við mig. Mikið fannst mér gott að heyra í henni. Og svo heyrði ég kvabb í Agli á bakvið. Verst að nú kemur upp söknuðurinn aftur. Jís það sem ég grenjaði þegar þau fóru út. Hélt hreinlega að ég myndi ekki hætta. Grenjaði alla leiðina heim frá því að kveðja þau og sá vart hvert ég keyrði. Mér þykir svo mikið vænt um þau öll. En nú er nóg komið af þessari væmni.
Annars verður Lonni komin heim áður en mar veit af. Tíminn er svo ótrúlega fljótur að líða. Stax eru liðnar 2 vikur og bara 4 vikur eftir.
Annars ætti ég kannski að drífa mig í álíka nudd og Sillan fór í. Ég get ekki betur séð á bloggi hennar að hún hafi fyllst fítonskrafti og þrifið allt húsið. Ég er gjörsamlega að drepast úr leti og aðgerðarleysi. Nenni barasta ekki að laga til og þrífa. Gerði tilraun í herbergi prinsinns um daginn og mér hreinlega féllust hendur, settist á rúmið hanns og tilkynnti að ég bara höndlaði þetta ekki. Fór fram og settist fyrir framann imbann og hætti að hugsa um þessa ruslakompu. Annars er ég ekki frá því að í mig sé að færast einhver kraftur úr þessu Wellwonan dæmi. Bíða og sjá til eftir nokkra daga. Kannski að það verði hvítur stormsveipur Ajax sem arkar hér um þá.
Ég hringdi meirasegja í Bóa bróður og kjaftaði slatta við hann. það var nú heldur betur kominn tími til. Hef ekki heyrt í honum í margar vikur. Svei og skömm. Hann var bara hress, talaði líka aðeins við Gyrðir Örn og að sjálfsögðu lágu honum gamanyrði á tungu eins og ævinlega. Skemmtilegur strákur þar. Svo á hann að fermast nú um páskana og þá verður maður að leggja land undir fót og skreppa á Svalbarðseyrina og sjá prestinn blessa drenginn.

Ég gleymdi að sjálfsögðu að hringja og athuga með sumarbústaðinn fyrir saumó. Ég og mitt skammtímaminni. Verð að muna eftir því á mánudag. Kannski ég ætti að setja það í símann minn og láta hann minna mig á. Held að það sé það eina sem dugar. Jæja nú get ég ekki meir er orðin loppin á puttunum og slæ endalausar vitleysur svo þetta verður að duga þar til næst.
Knus og kyss.