Ja hérna hér.

Undur og stórmerki gerast enn. Haldiði ekki að glugginn frægi sem var pantaður fyrir korter í tveimur árum síðan hafi ekki fundið húsið mitt í dag. Og það sem meira er, líka gatið sem hann á að vera í. Og þarna situr hann glaður og brosir sínu breiðasta. Þvílíkt og annað eins. Hefði sko aldrei trúað því að það tæki korter í tvö ár að fá nýjan glugga. En það versta er að nú langar mína líka í nýja glugga í hin herbergin. Enda eru þau orðin græn af öfund. Ekki skrítið. Nú er farið að styttast i að bossinn komi úr sínu fríi. Og ég verð nú að játa það að það verður gott að vera í fríi næsta föstudag. Þarf að mæta í fyrramálið og opna búlluna. Skrapp í Nettó í dag og verslaði mér eina Melissu. Það er að segja svona græju sem er allt í öllu. Þeytir, sker, saxar, blandar, hræri og það sem meira er hún býr líka til djús úr ávöxtum og grænmeti. Prufukeyrði trillitækið í kvöld. Skutlaði einni appelsínu og einu Fuji epl í skvísuna. Og simsalabimm. Hrikalega góður safi. Nú verður sko ekki keypt meira af fernum á þetta heimili. Gerðist svo rosa dúleg og skutlaðist til Sillu í kvöld. Fékk gott kaffi og ennþá betra spjall. Alltof langt síðan við kjöftuðum frá okkur allt vit. Enda svosem ekki mikið af því fyrir. En nenni eiginlega ekki að krassa meir hér í kvöld. Ætla að fara að lúlla í hausinn á mér,. Og svo þætti mér voða gaman ef þið nenntuð að kvitta í kommentið, bara svona svo ég sjái hverjir eru að lifa mig í gegnum bloggerinn. hehehe...
Yfir og út krúsarknús......................

Helgarfrí

já allir B-menn elska helgarfrí....... Neiiiii segi nú bara sona. Hafiði heyrt um stelpuna sem fór í mat í vinnunni í dag klukkan korter yfir tólf og lét ekki sjá sig meir. Jamm this is my life. Alltaf nóg að bralla. Kláriði mig nú alveg sko. Var annars að koma úr sextugs afmæli Diddu besta skinns. Ógó góður matur og öl með. Þau eru flutt í ógó krúttlegt hús þarna á Hvolsvelli, allt nýtt og flott. Stór pallur og ennþá stærra gras.
Og haldiði ekki að hann Halli hafi komið á litlu rellunni sinni og svifið þarna yfir vötnum, flogið í hringi, á hvolfi og vinkað okkur með vængjunum. Sit annars hér og hlusta á bilað partý hér fyrir neðan. Sonurinn algerlega að tapa sér á hávaðanum. Stappar niður fótum í gremju sinni og getur alls ekki sofnað. Kominn með hauspínu og alles. Sá á kommenti voru að Ólöfu laaaaannnnnggggggaaaaaarrrrr svooooo að skoða myndir mínar úr útilegu oss elskulega kórs svo ég skelli einni hér inn. Svona bara pínu sýnishorni handa dúllunni minni.


þarna grilluðum við Rannvegi kjúllann okkar í grenjandi rigningu í skjóli SÓLHLÍFAR. það sem við vorum kátar að þessi hlíf skyldi vera í vagni dótturinnar. Og önnur.



I´m singing in the rain....



Flufurnar sóttu meira á suma en aðra..... Semsagt ferlega góð helgi þrátt fyrir óveður. Það var sko ekkert óveður í okkar húsum eða húfum. Og svo ef þið viljið sjá myndirnar stærri þá er bara að smella á þær. Læt gott heita í bili.
Yfir og út krúsarknús.............

Jibbý

komið í lag. Hibb bibb bibb barbabrella. Jamm. Þegar ég kom heim frá Lonni fór ég að lesa annarra manna blog og líf. Og hvað haldiði. Haldiði ekki að mitt sé komið í lag. Eins og fyrir töfra. Lalalalalalalalalalala.......Og þar sem ég er byrjuð. Hvað finnst ykkur nú um Rock star ? I´m hoock´d on a feeling. Verð bara að viðurkenna það að það fer svona smá kjánahrollur eftir baki mínu þegar drengurinn stígur á svið. Finnst hann bara flottur. Finnst líka Dilana ferlega flott. Hárið á stúlkunni algjörlega geggjað, (ætla að fá mér svona þegar ég verð stór ) og svo er hún með hrikalega flotta djúpa (alt) og grófa rödd. Passar akkúrat í rokkið. Unglingaskrímslið búið að fara með mér í vinnuna nokkra daga. Og er bara asskoti dúlegur verð ég að segja. Kemur móður sinni á óvart. Greyið þurfti að fá innlegg í skóna. Með hælsig. Og þetta var farið að hrjá hann í fótboltanum. Svo það var skundað með hann í svona göngumælingu. Og ekki er þetta gefið. Innleggin kostuðu 11 þúsund og svo þarf hann að fá einhverja rosa góða skó og þar er annar 11 þúsund kall. Verst með Van´s skóna sem Rannveig keypti í London borg fyrir drenginn. Konan var sko ekki ánægð með þá skó. Sagði þá mjög slæma fyrir svona lappir. Minn ekki alveg á því. Svona líka köflóttir og flottir. Ég var að reyna svona smá málamiðlun. Hvað segirðu um að nota þá bara á sunnudögum. Hmmmm.. Hann var sko ekki alveg til í það. Gott að Pepperoni skórnir séu búnir, þannig að þá styttist í að þessir klárist líka. Ohhh ég er svoooo vond..... Adda drap inn auga hér áðan. Algjörlega orðið viðþolslaus í óþverranum þessi elska. Ég vann eitt smá og hún rústaði mér í því seinna. Tók mig algjörlega í rassgatið. Mér er enn illt. Æjjjjjj..... Nokkrar umræður hafa átt sér stað að undaförnu, um mig fyrir og eftir. Það er að segja kílóin sem fokið hafa. Og það er svo skrítið að fólk man ekki hvernig ég var. Segir bara, nei Gunnhildur þetta ert ekki þú. Það er að segja þegar það skoðar myndir af mér. Svo ég ákvað að demba hér sýnishorni. Versógú.....Ein fyrir
Og ein eftir. Sú fyrri tekin í september 2004 og sú seinni í júlí 2006.

Já það er ekkert smá breyting. Og það sko til hins betra. Læt gott heita í bili
Yfir og út krúsarknús................

Geðheilsan batnandi fer

Þarf svosem ekkert að hafa stórar áhyggjur af frúnni. Vinnan öll farin að ganga betur. Er svona að finna taktinn. Tekur bara smá tíma. Finnst þetta miklu skemmtilegra jobb en það sem ég er í alla jafna. Hálfpartin kvíði fyrir því að kallinn komi aftur og mín föst á kassa að eilífu amen. Fékk góða konu sem kom og leiddi mig í mesta sannleikann um jobbið. Meira en sumir gerðu. Og svo var nú farið í Gospel útileguna frægu síðustu helgi. Og oh my god. Hvílíka rigningin. Héldum samt út í tvær nætur. Þökk sé tjaldvagni þeirra Lilju og Baldurs. Var hann samkomuhús helgarinnar. Heldur léleg mæting eins og í fyrra. Við vorum sex úr kórnum og tvö börn. Hmhmhmhm... Annað en Léttur vorar. Áttatíu manns takk fyrir takk. En það er svona. Skil engan vegin þessa hræðslu við vatnið sem að ofan lekur. Bara hreinsandi. Annars sit ég núna hjá Lonni og blogga. Browserinn minn eitthvað að stríða mér. Segir bara sí sona að slóðin að mínu eðal bloggi sé ekki til og finst þar af leiðandi ekki. Held að ég verði að fá Stebba tölvukall í heimsókn eina ferðina enn. Er ekki að skilja allt þetta vesen með mig og mína. Læt gott heita í bili. Og Jóna mín það er komin tími á kaffispjall. Er þaggi.
Yfir og út krúsarknús..............

Geðheilsa mín er í hættu


Geðheilsa mín er í hættu


Geðheilsa mín er í hættu


Geðheilsa mín er í hættu


Geðheilsa mín er í hættu


Geðheilsa mín er í hættu

Brjáluð

Og ég er líka brjáluð yfir því að ég var skömmuð fyrir að hlusta á Bylgjuna í dag. Benti viðkomandi á að þetta djö..... vefradio væri leiðinlegasta útvarp að eilífu AMEN. En nei. fockkkkkkkk.

Arrrgggg og dddjjjjjööö

Algjörlega brjáluð. þoli ekki vinnuna, það er að segja ástandið þar. Vil fá almennilegt fólk í vinnu. Hver bíður sig fram. Einhver í sumarfríi sem vill koma og eiga skemmtilega daga með moi. Sms gæjinn er bara fastur á Hvolsvelli. Og hvað. Kemur mér það við. Bara upp í næstu rútu.
Ég er brjáluð.

Þá er geggjunin tekin við.

Bossinn farin í frí og frúin skilin eftir með allt niðrum sig. Eða þannig. Pínu skrítnir pappírar sem ráðnir hafa verði í sjoppu vora. Verð nú að segja það. Allavega hefði mér aldrei dottið í hug að haga mér svona í vinnu. Einn sendi mér sms á sunnudag og sagðist ekki komast á morgun og að hann væri búin að tala við annan sem gæti ekki komið fyrir hann og hvað ég myndi þá gera. Nú mín reyndi að hringja í gæjann en fékk ekkert svar. Bara annað sms þar sem hann tilkynnti mér að hann væri batteríslaus. Svo ég veit bara ekkert hvort hann var lasin eða eitthvað annað. Vildi svo heppilega til að þegar ég fékk þessi sms var ég stödd í vinnunni, og stelpan sem var að vinna bauðst til að koma á hádegi í dag. Ég þakkaði pent fyrir og dobblaði hana til að koma klukkan ellefu. Hún er ekki enn komin. Svarar ekki síma og hefur ekki hringt. Halló. Hvað er að þessu unga fólki í dag. Heldur það virkilega að það geti bara hagað sér eins og því hentar. Alveg greinilega. Ég hef sko engan húmor fyrir svona framkomu. Svo nú veit ég ekkert hvort þessi stúlka sé bara hætt eða bara nennti ekki að koma í dag. Arrrrggggg. Djö..... var ég fúl. En að öðru öllu skemmtilegra. Gospelútilegan næstu helgi, og eins gott að veðurguðirnir verði nú góðir við okkur. Fengum þessa líka hrikalegu rigningu i fyrra og eigum þá inni gott veður núna. Eða það finst mér allavega. Nú og þar sem ég er nú búin að lofa Ranveigu og hennar dóttur fari að þá tók bíllinn upp á því að bila. Hjólalega að gefa sig, svo honum er ekki treystandi í svona lagnför. Og mín búin að vera í hugsi, hugsi, hugsi, hugsi, hugsi leiknum. Og að sjálfsögðu bara það árangur. Lonni mín ætlar sko barasta að lána mömmu sinni bílinn sinn. Fær að hafa minn á meðan. Getur læðst á honum í heimsókn eða einhverjar svona minniháttar bíltúra. En gott að sinni. Er farin að sofa
Yfir og út krúsarknús.............

Ha bara ekkert annað.....

Past Life Quiz In Your Past Life You Were Elvis Presley (Impersonator) Find out your past life at Quizopolis.com

Ætli mar sé ekki dottin inn í þessi quiz aftur. Aldrei að vita. En að öðru. Frúin komin heim frá henni Italíu. Og verð nú bara að segja það að ég er þokkalega in love. Algjörlega frábært land, allavega sá partur sem ég sá af því. Ekki að það að hann hafi verið voða stór. Hitinn bara fínn fyrir utan einn daginn, þá fór hann í 40 gráður. Og það er aðeins of heitt fyrir mína parta. Vorum á krúttlegu hóteli sem þessi týpíska ítalska fjölskylda rekur. Þarna voru mamman, pabbin og tveir synir. Ein tengdadóttir og tvö barnabörn. Og maður var bara svona partur af þessu öllu. Báðir tónleikarnir gengu bara vel, held ég. Kóræfingar alla morgna, mikið gaman. Tókum okkur 13 saman og fóru með strætó og lest til Pisa. Verð bara aldrei söm aftur. Ótrúlegt að sjá þetta allt saman. Ofboðslega fallegt, en líka ofboðslega ljótt. Skrítið hvernig þetta helst allt í hendur. Þarna voru þessar dásamlegu byggingar. Turnin sjálfur, Skírnarkapellan og Dómkirkjan. En svo húsin þarna í kring, öll í niðurníðslu. Brotnir glugga og rifin gluggatjöld fyrir.
Og sko bara. Barbabrella. Þarna erum við bólfélagarnir fræknu. Nú svo var náttla farið upp í Marmarafjöllin. Og ég bara sko VÁ. Comon. Heilu fjöllin úr marmara. Það gerist nú ekki flottara. Og að sjálfsögðu var keyptur smá marmari. Hefði sko alveg verið til í að kaupa miklu meira, en hann er bara svo asskoti þungur..
Ótrúlega flott. Eitthvað voru barirnir heimsóttir líka, en í algjöru hófi. Mest sátum við bara í hótelgarðinum á kvöldin með rautt eða hvítt, spjölluðum og hlógum að eilílfu amen. En Mojhito var keyptur eitt kvöldi og mikið asskoti var hann svalur og brakur.


Ótrúlega dásamleg ferð í alla staði. Hefði alveg verð til í að vera viku í viðbót. Fá bara spúsann og erfðaprinsinn til mín. Ahhh. En samt alltaf jafn gott að leggjast í sitt ból, hlusta á sínar hrotur og prump. Jamm og já. Fór svo bara að vinna strax á mánudaginn, sælan búin. En nóg í bili.
Yfir og út krúsarknús.

Og Didda mitt besta skinn. Segulinn kemur frá Pisa að þessu sinni. Svo nú er bara að nálgast hann...

Jæja þá er afmælisveislan afstaðin.

Og tókst bara nokk vel. Karrý kjúllinn hennar Sillu minnar alveg ótrúlega góður. Mæli sterklega með honum. Hér kjömsuðu allir af mikilli innlifun. Bakaði svo ferlega góða svona ekta súkkulaði köku, algjört lostæti. Uppskriftin er hér . Mæli sko líka með henni. Svo náttúrulega skreytti ég hana af hjartans list og svona leit hún út, og vakti mikla kátínu viðstaddra.
Gerði reyndar tvær svona kökur og skrifaði á hina ÁFRAM KR. Drengurinn bara voða ánægður með daginn sinn. Alltaf jafn sætur þessi elska. Kóræfing í dag, morgun og hinn. Er algjörlega að detta í feitan Ítalíu gír. Er farið að hlakka hrikalega til. Svo er ég alltaf að græða. Það er nú meira hvað ég þekki góðar konur. Sillan lét mig hafa skó sem ég átti að ganga til fyrir hana. En ég gat ekki séð að ég gengi þá neitt til. Smellpassa mér. Svo hún sagði að ég skyldi bara eiga þá. Nú svo þegar ég kem í dag á æfingu, var svona frekar í fyrra fallinu. Þá kemur Heiða til mín og spyr númer hvað ég noti af skóm. 38 segi ég. Dregur hún ekki þá líka þessa ferlega krúttlegu skó upp úr tösku sinni og lætur mig máta. Og hvað haldið þið. Smellpassa. Svo þar græddi ég aðra og á bara að bjóða henni í glas úti á Ítalíu í staðin. Ekki slæmt fyrir skósjúklinginn mig að græða svona. Ahhhh, það er sooooo gaman að vera til. En nú er ég farin í sturtu
Yfir og út krúsarknús....................

Mirandas..

That´s life darlings. Ekki spurning. Hef komist að því að ég hefi yngst um svona sirka bát 10 ár eftir að ég kynntist Mirandas. Og átti sú kynning sér stað í desember síðastliðnum. Síðan þá hefi ég laugað ásjónu mína með mjúkum sápum og enn mýkri burstum. Galopnað húðina svo að allar öldrunarpöddurnar geti skriðið út, síðan jóðlað ásjónuvatni yfir svo húð mín geti sett upp hengilásana aftur og lokað fast svo að pöddurnar komist ekki inn aftur. Nú þar sem húð mín hefir nú verið svoooo dúleg að opna og loka, að þá náttla gef ég henni að borða, þetta líka dásemdar 24 stunda krem. Og smjattið í húð minni heyrist um hálft Breiðholtið. En ekki hvað. Nú, ekki má mar skilja tásurnar út undan. Neibb. Svo þær fá líka voða gott krem, sem mýkir og lætur tásurnar fara að sofa, svo að þær pirri mig ekki á nóttunni. Og þar sem vöðvar mínir eru eitthvað spenntir, að þá kaupti ég að sjálfsögðu gel handa þeim. Muscular gel. Og oh my God. Fyrst verður litlu sætu vöðvunum mínum voða kalt, en svo allt í einu eins og fyrir galdra þá snarhitna þeir og þá heyrist Ahhh gott. Og svo bara slappa þeir af eins og þeir séu á launum. Jamm, What is life whith out Mirandas. Og ekki má gleyma þessu dásamlega púðri sem gerir húðina á andliti voru svo náttúrulega að mar gæti haldið að hún væri ekta. Höfum við nú tekið saman höndum nokkrar góðar og fallegar konur, sem fyrir Mirandas voru bara þreyttar húsmæður, og hittumst svona nokkru sinnum á ári og lofum Mirandas. Dýrð sé Mirandas. Hittumst hér hjá mér á þriðjudagskvöldið. Byrjuðum á því að lofa Kónginn Bubba í 5 mínútur og svo Mirandas í 4 klukkutíma. Svo nú bíð ég spennt eftir að fá gúmmulaðið á morgun eða í síðasta lagi á mánudag. En nóg um það. Barnið mitt verður formlega unglingur á morgun. 13 ára. Allavega tilkynnti hann mér það í vikunni að hann yrði unglingur eftir 4 daga. Ætlum að bjóða le family í mat á laugardagskvöldið til heiðurs unglingnum. Hann hefir pantað sér skó í afmælisgjöf. Eitthvað skyldur móður sinni þessi elska. hehehehe,.... Og hann vill sko alveg eins og hann á eða næstum því. Hann á sko Pepperoni og langar í Cruse. Jú jú nú eru þeir farnir að skíra skóna. Ég náttla spurði hvort hann vildi ekki Skinku eða Beikon. Alltaf svo spaugsöm frúin. Jebb og frúin búin að ganga frá skólagjöldum svo nú er ekki aftur snúið. Hlakka hrikalega til. Gaman að takast á við ný verkefni. Svo er eitt annað sem hefur heltekið huga minn þessa síðustu daga. Og það eru íbúðarskipti enn eina ferðina. Fór í dag að skoða eina á Nesveginum og bara afskrifaði hana strax. En, en, en, en, íbúðin sem við hjónakornin féllum fyrir í fyrra er komin aftur á sölu og hefi ég hug á að kíkja á hana á morgun. Fékk fasteignasala heim í dag og setti hann upp ásættanlegt verð. Svo er bara að vona að þetta gangi upp hjá okkur núna. Allir að krossa tær og putta. Senda hlýja strauma. Liljan mín að fara í smá tannviðgerðir á morgun og fáum við unglingurinn að hafa Mikael Orra eftir hádegið. Ekki slæmt það. Hann er svo skemmtilegur og fjörugur. Var með músluna mína hana Þórunni Emilílu hér eina nótt síðustu helgi. Yndisleg í alla stað. Kóræfing á laugardagsmorguninn. Úllalalalalalalala..... Italía here we come. Bara vika þangað til. Er samt einhvern veginn ekki að fatta að ég sé að fara. En ég er samt að fara. Kom við á Bústaðaveginum í gær. Oh það var svo gott að koma þangað. I miss them. Skemmtilegt fólk, fólk sem talar, fólk sem hefur gaman í vinnunni. Fólk sem hlær að bröndurunum mínum. Jæja, nú held ég að nóg sé komið af bulli. Búin að skrifa svoooo mikið að ég þarf bara ekki að skrifa fyrr en um jólin. Fann eitt skemmtilegt endilega að kíkja á þennann link HÉR
Yfir og út krúsarknús..........

Hlýðin sem aldrei fyrr.

Jebb. Slæmt er það orðið. Maður er bara alveg hættur skrifa nokkurn skapaðan hlut hér inn nema að manni sé skipað fyrir. Svo sem ekki mikið á daga mína drifið sem er í frásögu færandi. Neibb. Frekar sljó þessa daganna konan. Hins vegar get ég upplýst það hér að konan er víst alveg sérstaklega slæm af vöðvabólgu þessa daganna. Er búin að vera að berjast við svima í allan vetur, fara í blóðprufur og svona, en ekkert komið út úr því. Var svo hjá hjemmedoktoren á miðvikudaginn og tilkynnti hann mér þetta með hátiðlegum blæ. Ég var náttla búin að sjúkdómsgreina sjálfa, Heilaæxli. En ekki hvað. Alltaf svoooo dramatísk að það hálfa væri nóg. Þessum svima mínum hefur fylgt algert orkuleysi og þreyta. Alveg búin á því þegar mar skríður heim úr vinnu. Svo elskulegur doktore lét konuna fá pillur sem eru verkjastillandi og vöðvaslakandi. Á að éta þær í mánuð og skoða svo framhaldið. Núh, eins og lög gera ráð fyrir las ég náttla blaðið litla sem var í pillu pakkanum. Aukaverkanir og svona. Og þar stedur. "einn af hverjum 7 fær eitthvað af eftirfarandi." Og talin eru upp nokkur atriði. En hvað haldið þið að sé í fyrsta sæti. En ekki SVIMI OG ÞERYTA. Halló. Ég fór út af þessu dóti. Kom on er ekki að skilja þetta. Svo ætli ég leggi mig ekki bara í mánuð. Eða fram að 17 júní, tek frí á pillum og skrepp til Italíu, kem heim og klára pillurnar og legg mig á meðan. Jebb, líst bara vel á það. Raddpartýið hjá altinum okkar síðasta miðvikudag og var alveg gassalega gaman. Fengum ótúrlega góðan kjúllarétt hjá Ernu og fær hún sko 15 stig af 10 mögulegum. Eins og sést á meðfylgjandi mynd
var mikið sungið og hér er konan í nettum fíling. Jamm, svona myndast maður þegar læðst er upp að manni og viðkomandi nær ekki að pósa. Þær vilja verða soldið skrítnar þá. Skrapp svo með Lonni í sund með músluna mína. Voða gaman. Hún er sko alveg að fíla sig í sundinu.

Sko, sjáiði bara. Hún stendur alveg sjálf. Svo seinna um daginn kom Lija með músina mína. Og það vantar sko ekki fjörið í hann. Alltaf á fullu.

Jamm og jæja. Held ég láti þessu lokið að sinni.
Yfir og út krúsarknús...............................

Jebb, þannig fór um sjóferð þá.

Engin Silvía Nótt í Júróvisjon á laugardaginn. Stelpu greyið talaði sig út úr þessari keppni. En kom on. Grikkir og Men in black. Man ekki frá hvaða landi þeir voru. Hvað er málið. Silvía var mikið betri en þau. Frekar þunnur þrettándi þetta lið. Huuhhh.... Lenti í smá svona twilight zone dæmi um daginn. Fór með kórkjólinn og buxur í hreinsun. Og þau hafa tekið upp svona tölvustýrt dæmi. Slá inn kennitöluna og fá þannig upp nafnið á manni. En neibb. Ég er ekki til. Kennitalan mín var bara ekki með. Svo ég gef þeim kennitöluna á spúsanum, og neibb, ekki til heldur. Tvær voru að afgreiða og sú sem var ekki að afgreiða mig, afgreiddi örugglega 6 konur á meðan hin var að djöflast við að finna okkur hjónin, og ekkert mál með þær. Skrítið. Hvað skyldi hafa orðið um okkur. Erum við kannski ekki til. Er líf vort bara draumur. Nei ég bara spyr. Fór heim úr vinnunni í gær um 11. Gjörsamlega að drepast í beinverkjum, kuldaköstum og almennum slappleika. Var heima líka í dag. Frekar leiðinlegt að hanga svona. Sé svo til með fyrramálið, hvernig ég verð. Ætla samt á tónleika með Léttunum annað kvöld. Hlakka bara til þess. Dobblaði Öddu með mér svo ég þyrfti ekki að druslast ein. Alltaf skemmtilegra að hafa félagsskap á svona uppákomum.. Svo ætlar Gospel altin að vera með raddpartý næsta miðvikudag. Frídagur á fimmtudaginn svo þetta var alveg upplagt. Well. Ætla að druslast í bælið og gleypa eins og eina treo. Hausinn að springa.
Yfir og út krúsarknús.............

Bara búið að vera brjálað að gera

hjá frúnni. Æfingar og meiri æfingar. Ekki það að mér leiðist það svo sem. Ó nei, ó nei. Fórum á laugardaginn og vorum með tónleika í Skálholti, ásamt kvennakórnum Freyjurnar úr Borgarfirði. Og algjörlega dásamelgur dagur í alla staði. Yndislegt veður og enn betri félagsskapur. Bara nokkuð góð mæting á tónleikana eða um 80 manns. Og þykir mér það nú bara ágætt þarna í sveitinni. Borðuðum svo í Fosstúni hjá Steinari Berg. Dásamlegur staður og útsýnið geggjað. Og oh my god. Held að ég hafi aldrei á ævinni fengið eins góðar kjúllabringur. Algjörlega bráðnuðu upp í manni. Mikið skrafað, mikið sungið og enn meira hlegið. Hér erum við herbergisfélagarnir. Fundum alveg lyktina af Italíu sem er handan við hornið. Svaka góð lykt það mar. Aðeins að vinnu vorri. Er eiginlega farin að halda að ég vinni í Rússlandi. Núna má mar ekki lengur hlusta á Bylgjuna eða aðrar útvarpsstöðvar. Neibb. Nú er sko 10-11 komið með eitthvað fjandans netútvarp og svo á 5 mínútna fresti eða svo glymja svo auglýsingar um það hvað einhver helv.... kelling grenjaði yfir því fyrir 50 árum að verða mjólkurlaus um miðja nótt. Æjæjæjæjæjæjæjæj..... Fock hvað þetta er leiðinlegt. Sagði nú samt við Eggert að ég ætlaði að hlusta á Bítið hvað sem kveinaði. Nú þeir reka mig þá bara fyrir að hlusta á Bylgjuna. Fock, fock og fock. Já já, ég veit, en ég þoli ekki þessar helv... auglýsingar every 5 minutes. Og svo stóru fréttirnar. Ég er búin að skrá mig í skólann. Loksins. Og nú verður ekki aftur snúið. Taka þetta með trukki og fá gæða jobb um áramótin. Það er allavega draumurinn. Sódóma, a a a a a a. Sódóma, a a a a. Sonurinn var að keppa við Víking í kvöld og brilleraði þessi elska. Leiknum lauk með sigri KR 9-2. Og prinsinn minn skoraði 5 mörk. Húrra fyrir honum. Ekki að honum að spyrja. Gamli sagði að eitt markanna hans hefði verið svo flott að hann þ.e. sá gamli hefið bara fengið tár í augun. Ekki að ég sjái neinn mun á fallegu marki eða ljótu marki. Hef bara ekkert vit á þessu. Ég var náttla á kóræfingu svo mín missti af þessu. Ekki það að ég sé neitt rosa dúleg að mæta á þessa atburði. Hmmm. Ætti kanski að taka mig til í andlitinu og gera meir af því. Sjáum til í sumar. Og aðeins að pólitík. En tek það sterklega fram að ég er algjörlega ópólitísk. En þetta með Eyþór Arnalds. Hef svona aðeins verið að velta því fyrir mér að ef hann væri ekki í framboði, hefði hann þá samt farið í áfengismeðferð. Nei ég bara spyr. Er hann ekki bara að smyrja soldið vel á brauðið. Bara pæling. En nú er nóg komið af bulli og engu.
Yfir og út krúsarknús.....................

Mátti til með að deila þessu með ykkur....

Skipstjóri í afleysingum...

Hann var í fríi og lá í landi
að leysa af heima var enginn vandi,
konan var að því komin að fæða
og hvergi um húshjálp að ræða,

En hvað munar karlmann um kerlingarstörfin
þó kannski sé stundum fyrir þau þörfin?
Konan var heima og hafði engu að sinna
nema hugsa um krakka,það er ekki vinna.

Hún sagði:Elskan þú þarft ekkert að gera,
aðeins hjá börnunum heima að vera,
ég er búin að öllu,þvo og þjóna,
þú þarft ekki að bæta ,sauma eða prjóna.

Matur er útbúinn allur í kistunni,
það ætti að duga svona í fyrstunni,
aðeins að líta eftir öngunum átta
ylja upp matinn og láta þau hátta"

Nú skyldi hann hafa það náðugt og lesa
og ná sér í ærlegan skemmtipésa,
hann var ekki sestur og var nokkuð hissa
er vældi í krakka:ég þarf að pissa"

Vart þeirri athöfn var að ljúka
er veinaði annar :Ég þarf að kúka"
Þarna var enginn einasti friður
ef ætlaði hann að tylla sér niður,

Dagurinn leið svo í sífelldum önnum
sem ei voru bjóðandi mönnum,
þvílikt og annað eins aldrei í lífinu
útstaðið hafði hann í veraldarkífinu.

Ölduna stíga í ósjó og brælum
var ekkert hjá þessu,það kallaði hann sælu,
en þeytast um kófsveittur skammtandi og skeinandi
skiljandi áflogaseggina veinandi!

Ef eitt þurfti að éta varð annað að skíta
og engin friður í bók að líta,
en hún sagði"Elskan.þú þarft ekkert að gera
aðeins hjá börnunum heima að vera,"

Nú voru krakkarnir komnir í rúmið,
Kyrrlátt og sefandi vornætur húmið
seiddi í draumheimana angana átta
en ekki var pabbi farinn að hátta,

Hann stóð þarna úfinn, úrvinda og sveittur
yfir sig stressaður,svangur og þreyttur,
og horfði yfir stofuna:"hamingjan sanna
hér á að teljast bústaður manna,

"Það skyldi hann aldrei á ævinni gera
í afleysingu slíkri sem þessari vera,
þó væri í boði og á þvi væri raunin
að þau væru tvöfölduð skipstjóralaunin"

En þetta á konan kauplaust að vinna
og kallað að hún hafi engu að sinna
af daglangri reynslu hans virtist það vera
að það væri stundum eitthvað að gera.

Áfram með störfin ótt líður tíminn
Æ" aldrei friður nú hringir síminn,
halló, var sagt, það er sætt ég túlka,
þér er sonur fæddur og yndisleg stúlka.

Hann settist á stól og fann til svima og klígju,
hvað sagði hún að krakkarnir væru orðnir tíu,"
Ég þarf að taka til öruggra varna,
ég ákveð á stundinni að hætta að barna,

Æjjjjæjjjjæjjjjæjjjjæjjjj

Eitthvað er fólk farið að kvarta undan bloggleysi mínu hér. Æ elsku dúllurnar mínar ég bara nenni þessu ekki þessa daganna. Er algjörlega andlaus, veit ekkert hvað ég á að skrifa. Hef ekki frá neinu að segja. Er TÓM..... Samt ekki tóm, tóm. Skiluru bara tóm. Tónleikarnir voru bara skemmtilegir og svaka stemming í kirkjunni. Erum svo að syngja í Reykholti næsta laugardag ásamt kvennakórnum Freyjurnar frá Borgarfirði. Stemming þar mar. Rétt rúmur mánuður í Italíu. jejeje... Hlakka hrikalega til. Komin feitur hugur í mann og sona. Styttist líka í að ég fari að leysa verslunarstjórann af. Og er búin að tilkynna honum það hátíðlega að ég leysi hann ekki af ef hann verður ekki búinn að kenna mér giggið. Og ég er ekki að sjá neina tilburði í þá áttina. Alveg hreint með ólíkindum rólegur þessi maður. Það er nú ýmislegt sem mar þarf að vita til að reka eitt stykki verslun í heilann mánuð. Eða það hefði ég haldið. Litla órtúlega krúttlega ættarmótið hefur verið slegið af sökum dræmrar þátttöku. Pælið í því. Familían er svo boring að hún nennir ekki að hitta sjálfa sig. Vorum líka að syngja á tónleikunum hennar Önnu Kristine Neyðarkall úr norðri. Og verð nú að segja að það hafi verið hálfgert flopp. Ekki selt í helminginn af sætunum. En svona er þetta bara. Fyrsti góðviðrisdagurinn og allir í nettum fíling að laga til í garðinum hjá sér og svona. En fínn dagur hjá okkur. 2 alt fór í bæinn á eftir og fékk sér kaffi og með því. Sátum úti í sólinni og hugsuðum til Italíu. Létum okkur hlakka til að sitja á Ítölskum kaffihúsum með rautt eða hvítt, eða þá bara Latte. Hætt í bili.
Yfir og út krúsarknús.........

It´s a life.

Það er að segja frúin sjálf. Reyndar búið að vera bilað að gera hjá mér þessa síðustu daga og vikur. Tónleikarnir næsta sunnudag og loka æfing var í kvöld. Svo nú er bara að biðja góðar vættir að vera með oss og svona. Ég verð nú bara að segja það að þetta verða hrikalega flottir tónleikar. Og mín ætlar að vera góð á því og syngja með báðum kórunum. Er aðeins búin að vera að hugsa þetta. Var hálft í hvoru að hugsa um að syngja bara með Gospelnum, en held ég láti bara slag standa og syng líka með Voxinum. Þarf reyndar að hafa möppudýrið í þeim hluta, en ég hlýt að komast fram úr því. Ma og pa koma heim á morgun svo þau ætla að sjálfsögðu að mæta og hlusta. En ekki hvað. Spúsinn að vinna svo ekki kemst hann. Tókst nú samt að selja 13 miða og er bara sátt. Barnabörnin bæði nýbúin að vera hér og mín að sjálfsögðu með myndavélina á lofti. Versogú...
Þau eru svooooooooooo sæææææææææææææææt....... Já já. Ég veit. Ég er að springa úr monti af þessum börnum. En ég bara ræð ekki við mig. Og sjáiði bara sæta taglið. Ekkert venjulegt hár á svona ungu barni. hehehehe.... En nú nenni ég ekki meir. Er algjörlega andlaus eftir þessar löngu kóræfinga tvö kvöld í röð. Vildi bara láta vita að ég væri á lífi.
Yfir og út krúsarknús................

Smá klikkelsi í gangi

en ekkert sem ekki má laga. Í bloggspurningarprófinu hér á undan vantar aldurinn sem á mig límdist. En ég er sem sagt 20 til 29 ára. Ekki slæmt það. Páskafrí í kórum vorum og mín þarf að læra smá mikið. Fyrir Vox hlutann. Eitt stykki indjánalag, Vilju lag og eitt annað sem ég man ekki hvað heitir og mér til mikils hryllings var ég að fatta það að ég hef sennilega aldrei heyrt það, því að ég á ekki nótur af því. Svo nú verð ég að redda mér þeim í þessu páskaleyfi voru og reyna að fá einhvern til að pikka það inn fyrir mig. Good luck my darling Gunnsa. Gospel hlutinn að mestu komin inn enda ekki seinna að vænna þar sem er ekki nema rétt korter í tónleika. Líka komin í páskafrí í vinnunni. Ligga ligga lái. Mæti næst á þriðjudag.Vinn tvo og frí í einn, vinn í einn og frí í tvo. Hvað getur maður beðið um meira. Segi ekki meir. Litla músin mín hann Mikael Orri kom hér í kvöld á meðan mammsan hans fór í klippingu og lit. Borðaði hér kvöldmat með puttunum og klíndi og kreisti. Mikið fjör. Aldeilis gullmoli þar á ferð. Fæ alveg sting í hjartað þegar ég sé hann. Algjörlega fullkominn og yndislegur í alla staði. Sofnaði svo í fangi ömmu sinnar yfir sjónvarpinu og leið okkur voða vel svona saman.



Keypti mér buddu sem ekki er nú í frásögur færandi nema vegna viðbragða sonarins. And I cote. " Mamma, þú ert að verða 46 ára. Þetta er fyrir svona 20 ára." End of cote. Hehehehe.... Hún er semsagt fjólublá og loðin. Ég gat nú ekki annað en hlegið smá af drengnum. Þvílílk viðbrögð. Og orð þessi voru sögð af mikilli innlifun. Bóndinn situr hér og hrýtur í Lata strák eins og venjulega. Spurning hvort ég verði ekki að skila öðrum stólnum. Það er að segja hans stól. Ekki sef ég hér öll kvöld. Jónas hinn danski kom hér síðasta laugardagskvöld og áttum við góða kvöldstund saman. Yndislega ljúfur og góður strákur þar á ferð. Var eiginlega að fatta það að hann er bara þremur árum yngri en ég. Og fékk nett sjokk. Hann passaði fyrir okkur hana Lonni hér á árum áður og þá var hann bara BARN. Sléttur unglingur. Og mín svona líka fullorðin. Hmmm, er ekki alveg að skilja þetta dæmi. Ég fæ allavega ekki fjóra út úr þessu 2+2.
Og nú nenni ég ekki meir.
Yfir og út krúsarknús.....................

Alltaf jafn ung í anda. En ekki hvað.

You Are 29 Years Old

Under 12: You are a kid at heart. You still have an optimistic life view - and you look at the world with awe. 13-19: You are a teenager at heart. You question authority and are still trying to find your place in this world. 20-29: You are a twentysomething at heart. You feel excited about what's to come... love, work, and new experiences. 30-39: You are a thirtysomething at heart. You've had a taste of success and true love, but you want more! 40+: You are a mature adult. You've been through most of the ups and downs of life already. Now you get to sit back and relax.

What Age Do You Act?

Og þá er Idolið búið að sinni. Og mikið var ég glöð. Splæsti mínu atkvæði á Snorra og fannst hann bara flottastur. Samt voru þau bæði rosalega góð, en jafnfram mjög ólíkir söngvarar. Og ég fílaði Snorra betur. Svo mín er sátt. Og svo að öðru. Þar sem spúsi minn hefur farið mikinn undanfarið um skófargan frúarinnar, tók ég mig til í dag og kíkti á safnið. Og endaði með því að henda fjórum pörum og setti önnur tvö í poka og hengdi á hurðina hjá Gurrý hér við hliðina. Fínir skór en ég bara búin að eiga þá OF lengi og nenni ekki að nota þá meir. Svo góðmenskan kom upp í mér og ákvað að hún mætti eiga þá ef hún vill þá. Annars bara fara þeir sömu leið og hin pörin. Það er að segja í ruslarennuna. Mamma og pabbi flogin frá vor ylhýra. Komin til Danaveldis þar sem siglt skal á skútu þeirra mektarhjóna Lilju og Guðjóns vinafólks foreldra minna. Og skal sú sigling standa yfir í mánuð eða svo. Vona svo sannarlega að þau eigi góða daga eiga það svo sannarlega skilið. Og nú ekur mín bara um á jeppa föðursins. Oh my god. Það verður sko ekki auðvelt að skila drossíunni þegar þau koma til baka. Geri það sjálfsagt með tár á kinn og sorg í hjarta. Kíkti aðeins á Spánardrósina í gær, í nýju fínu íbúðina í Gettóinu. Ferlega sæt og rúmgóð íbúð. Ekki að sjá á henni að hún sé í Gettói. Gaman að hitta hana aftur, þ.e.a.s. Jónu, ekki íbúðin hef heldur ekki hitt hana áður. Allt of langt síðan við hittumst. Vonandi að heilsan fari nú að heilsa upp á hana þessa elsku. Gott í bili
Yfir og út krúsarknús.....................

Löngu orðið tímabært að skrásetja líf vort hér.

Annað hvort gerist ekkert í mínu lífi, eða þá að það er alltof mikið að gera. Og hvort haldið þið svo að það sé. Júbb, mikið rétt það síðarnefnda. Það er endalaust eitthvað um að vera. Má þakka fyrir að vera heima eitt kvöld í viku. Er eiginlega farin að þrá eina viku heima öll kvöld. Fór nottla í saumabústað síðustu helgi og mikið hrikalega skemmtum við okkur vel. Eins og von var á. Potturinn mikið notaður. Mikið drukkið og sungið. Sing star að sjálfsögðu með í för. En ekki hvað. Gengur nottla ekki að fara í saumabústað án þess. Þó svo að engin vilji syngja í dótið nema moi og Kolla beib. Væri nú alveg að fíla það að fá Íslenskan Sing star disk. En á svo sem ekki von á að það gerist í nánustu framtíð.
Smá fílingur í gangi hér. En mikið djö.... var kalt í kofanum mar. Eins og sést á sængum vorum í sófa vorum. Nú svo kóræfingar á þriðjudag og miðvikudag. Beint á Mirandas kynningu hjá Sillunni minni eftir þá seinni. Heima í gær og svo til Olgu í Idol gláp í kvöld. Leikhús annað kvöld í boði Hrannar. Ég er míns eigin kona. Tónleikar hjá Karlakórnum á sunnudag og ma og pa í mat á sunnudag. Svo ekki leiðist minni. Vinnumálin komin á hreint, og byrja ég í Garðabænum hjá 10-11 á mánudag. Fékk launahækkunina svo ég er búin að slaufa nýju vinnunni. Eitthvað líkt Vúhúúúú braust úr barka mínum þegar Idol kostningin var komin á hreint. Fannst Bríet Sunna ekki alveg vera að gera sig í kvöld. En nú er mar í vondum málum. Með hverjum á ég að halda næsta föstudag. Finnst þau bæði æði sem eftir eru. Var ekki að fila Heiðu í kvöld. Ekki frekar en önnur kvöld. Gjörsamlelga þoli ekki þessar handahreyfingar hennar. Dettur helst í hug spasmi þegar ég sé hana. Sorry, en svona er þetta bara. Búin að staðfesta ferðina til Italíu með Gospelnum. Oh my good hvað ég hlakka til. Verst að Sillan mín verður ekki með í för. Hefði svo gjarnan viljað hafa hana með. Það er sko ekki lognmollan í kringum hana þessa elsku. Fékk smá hurðarskell í síðustu viku. Mín fór að pissa rauðu. Og sjokk dauðans í gangi á þessum bæ. Ég er nefnilega löngu hætt að hugsa sem svo að þetta kemur bara fyrir aðra en ekki mig. Er búin að fá svo marga hurðaskelli að þegar eitthvað kemur upp hugsa ég, já það hlaut að koma að því. Fór í nýrnamyndatöku á miðvikudag og var sagt að hringt yrði í mig seinni part sama dag. En nei. Heyrði ekkert fyrr en korter í brottför í saumabústaðinn. Nýrun ótrúlega flott og ekkert þar að sjá nema nýru. Svo nú skyldi senda frúna í blöðruspeglun. Og hana nú. Leist nú ekkert á það. Ææææææjjjjææææ. Ekki gott. Blöðruspeglun í gær and I´m clean. Nothing to see down there. Jey... Bara sprungin æð eða eitthvað. En það get ég sagt ykkur að ég var sko búin að jarðsyngja sjálfa mig svona 30 sinnum. En nú er þessi hættan liðin hjá svo Don´t worry be happy. Lonni og Baldur búin að fá aðra íbúð. Svo nú eru fluttningar í næstu viku. Flytja alla leið á næstu hæð fyrir neðan. Þægilegt það. 3ja herbergja íbúð. Gott mál. Og þá ætti mar að vera laus við fluttninga af þeirra hálfu næsta áratuginn eða svo. En nú er mál að linni. Komin bóltími.
Yfir og út krúsarknús...............