Leiðrétting

Hehehehe... Betra að hafa hlutina rétta. Ekki fyllti bóndinn minn hálfa tug, enda pínu eldri en 5 ára. Hann náði sko hálfri öld. Halló. Hann er hálfrar aldar gamall. Omæ omæ......Ég hefði sennilega ekkert tekið eftir þessu ef kúludóttla hefði ekki bent mér á þetta í kommenti.
Búin að bæta inn myndum í nýja albúmið. þarna Flickr dótið. Jú nó. Myndir frá Þakgilsferðinni góðu. Sem ég á eftir að skrifa hér inn. Er samt ekki alveg að nenna því núna. En þetta er voða sniðugt albúm. Þar er hægt að kommenta á myndirnar og svona. Sneddý teddý. Kaffihúsabragurinn alveg að virka hér á þessum bæ. Jammíjammí. En nú nenni ég ekki meir.

Yfir og út krúsarknús............

Og þar hafiði það

You Communicate Like a Man

When you communicate, you like to get to the point. You're not afraid to say what's on your mind - and leave it at that. Talking about your emotions drains you. You rather keep them to yourself. You prefer solving problems to wallowing in your sorrows.

Do You Communicate Like a Man or a Woman?

Jæja, þá er þessari

afmælishrynu lokið. Bóndinn fyllti hálfan tug á sunnudaginn. Mikael Orrin minn varð þriggja ára í gær og frúin sjálf varð tuttugu og sjö í dag. Til hamingju við öll. Áttum voða fínan dag hér á sunnudaginn. Vorum með opið hús og hér kom fullt af skemmtilegu fólki. Konan búin að standa hér á haus og baka brauð og meira brauð. Búa til salöt og baka fjall af pönnsum. Og hef nú formlega tekið þann titil að mér að vera pönnsu maestro. Hef sko aldrei baka pönnsur áður, fyrir utan einhver tvö skipti hér um árið. Kanski svona í kringum 1980. Og hef sko bara baka vöflur síðan. En núna vildi bóndinn pönnsur og ekkert múður. Æddi eins og vitlaus maður inn í Húsasmiðju á laugardaginn og keypti eitt stykki pönnukökupönnu, versogú. Og þær tókust líka svona glimrandi vel. Alveg ekta svekta. Afmæliskaffi hjá lilla manninum í gærkvöldi. Svona fyrir afa og ömmur. Og lék drengurinn á alls oddi. Söng manna hæst afmælissönginn og klappaði ákaft fyrir sjálfum sér þega hann hafði blásið á kertið. Og það þurfti sko að kveikja þrisvar á kertunum og blása þrisvar áður en hann gat borðað sneiðina sína. Ótrúlega krúttlegur þessi elska. Og svo STÓRA fréttin. Frúin hefur loks eignast litla sæta kaffihúsið sem hana hefur langað í í bara ÞRJÚ LÖNG ÁR. Bingo vinningurinn góði var notaður og gaf bóndinn mér á ammilisgjöf það sem upp á vantaði. Liggaliggalái. Svo vinir mínir nær og fjær. Þig eigið sko von á góðu kaffi næst þegar þið rekið inn nefið. Sillan mín kom svo hér í kvöld og erum við búnar að kjafta frá okkur allt vit, eins og okkar er von og vísa. Svo er nú aldeilis farið að styttast í Kanada ferðina góðu. Bara rúm vika. lalalalalalalalala....... Oh það er svo gaman að vera ég...... Setti inn link á enn eina myndasíðuna. Er alltaf að leita að góðum hýsli fyrir þetta dót. Sé til hvernig þetta virkar. En nóg í bili

Yfir og út krúsarknús....................

Símtal

Hringdi í bróðurson minn í gær. Hér kemur símtalið...

H: Halló.

G: Hæ frændi, hvað er ég að vekja þig?

H: Já eiginlega.

G: Hva !! ert ekki að vinna?

H: Jú bara eitthvað slappur í bakinu.

G: Æjæj. Á ég að koma og nudda á þér bakið ræfillinn?

H: Huu, jájá.

G: Heyrðu, hvenær koma mamma þín og pabbi heim?

H: Ég veit það ekki alveg, þau tóku þarna auka hring.

G: Ha !! Aukahring. Hvar eru þau?

H: Nú þau eru búin að vera á Arnarstapa síðan á föstudaginn.

G: Ha!! Ætluðu þau ekki til Kaupmannahafnar???

H: Ha!! Nei.

G: Heyrðu ég hlýt að vera að tala við vitlausan frænda.

H: Já. (aumingjalega)

G: Hvað heitirðu?

H: Helgi Steinn

G: Þú ert ekki frændi minn og ég kem sko ekkert að nudda á þér bakið. hahaha

H: hahahahaha........

G+H: muahahahahahha,......

Meira andskotans rafmagnsleysið á þessum bæ.

Og ég sem var bara rafmagnslaus í klukkustund eða svo. Ýmislegt búið að gera og svona. Skruppum með Guðnýju og Sigga í Ólafsfjörðin fagra síðustu helgina í júlí. Leigðum okkkur lítið bjálkakofahús sem hótelið á staðnum á. Mættum þar um átta, hálf níu á föstudagskvöldið. Fórum á hótelið og skráðum okkur inn. Þar sat maður og tók á móti oss. Hann hafði nú meiri áhuga á því að segja okkur frá sínu lífi heldur en að afhenda okkur lykla af kofanum. Loksins ropar hann því upp úr sér að kofinn sé opinn og lyklarnir þar á borði. Svo við Guðný stungum kallana af og rölltum út í kofa. Og þvílílkur helv.... kuldi sem tók á móti oss í húsi voru. Allir ofnar ískaldir og svona huggulegt. En samt voða krúttlegt hús. Svo komu nú strákarnir og kallinn með. Höfðum við þá tekið eftir því að ekkert gasgrill var á staðnum. Það var nú ekki málið hann skyldi sko bara sækja það. Við eitthvað svona, þetta er alltílagi. Við ætlum bara að grilla annað kvöld. Fínt að vera búin að fá grillið þá. Ekki málið, hann skyldi sko redda því. Áttum kósí kvöld og fórum í pottin og svona.Huggó huggó. Daginn eftir byrjar svo ballið fyrir alvöru. Engin var brauðrist í kofa vorum. Ekkert brauðgrill, enginn örbylgjuofn. Handónýt kaffikanna. Engin tappatogari. Þrjú glös á fæti. Eitt fyrir rautt, eitt fyrir hvítt og eitt svona plast úr Bónus fyrir rautt. Halló. Vorum við ekki í hótel húsi. Mér er sko bara spurt. 3-1-1 í stofunni. Og annar af þessum 1, handónýtur. Spýtudraslið undir sessunni klóraði manni í fja..... görninni ef marður settist þar. Og þrátt fyrir það settist spúsi minn þar eftir pott kvöldinu áður og féll í djúpan blund. Skildi svo ekkert í því að hann væri að drepast í afturendanum daginn eftir. Við vorum sko ekkert hissa á því. En hins vegar vorum við hissa á því að hann skyldi yfir höfuð geta sofið þar. Allavega, daginn eftir skruppum við á Sigló. Hef aldrei komið þangað áður. Skil sko bara ekki að það skuli búa fólk þar. Ekkert um að vera þar. Ein lítil búð opin. Ekkert annað. Ekkert kaffihús, engin fatabúð, Komon. En fengum samt gott kaffi. Guðný dreif okkur til tengdaforeldra Berglindar dóttur hennar. Fengu kreisý kaffi og meþvi. Svo aftur í fjörðin fagra. Ekkert grill komið á staðinn. Diddinn á hótelið. Þar enginn. Kom með gsm númer sem ég reyndi að hringja í. Ekkert svar. Siggi aftur út á hótel kom með annað númer sem ég reyndi líka að hringja í. Ekkert svar. Siggi út á bensínstöð og keypti 2 einnota grill. Mín frekar fúl í bragði. Ætlaði sko að fá feitan afslátt. En þegar við erum að enda við að borða kemur gæjinn. Bankar og gengur inn. Er ekki allt í fína hér. Og við bara nei. Hvar er grillið og því svarar enginn í þessum símanúmerum. Og hann bara ég skal ná í grill. Er með þau í bunkum upp á hóteli. Og við bara nei. Við erum búin að grilla. Hann sest í stólinn bilaða og óóó.. Þessi er nú skrítinn. Og hann hélt að það væri nú ekki málið. Ætti sko fyrirsmíðaðar spítur í bunkum upp á hóteli. 53 centimetrar. Kvartar mikið yfir því að fólk láti sig ekki vita ef eitthvað bilar og eitthvað vantar. Benti honum á brauðrist. Og hann hélt nú að hann gæti reddað því. Ætti sko gamla druslu uppi á hóteli sem hann gæti náð í ef ég vildi. Ég afþakkaði pent. Siggi hafði boðið honum bjór kvödið áður sem hann þáði. Og þarna um kvöldið biður hann Sigga að lána sér bjór, eigi sko bjór í bunkum uppi á hóteli. Fær bjórinn. Segist ætla að borga honum þrjá. Fórum svo seinna um kvöldið upp á hótel að spila pool. Gæjinn fljótur að skella þremur sveittum á barborðið. Svo alltíeinu fæ ég feitt kreivings í kokteil. Spyr hvort hann eigi solis. Já ekki málið. Hvað viltu. Bara góðann. Hann innfyrir barinn. Nei heyrðu bara allt búið. Átti þetta sko í bunkum fyrr í vikunni. Allt bú. Neibb. Mæli sko ekki með þessu. Þjónustustigið fyrir neðan allar hellur. Frétti svo að mar mætti sko þakka fyrir að þetta hafi verið sonurinn en ekki pápinn. Hann mætir sko og háttar sig á pallinum og skellir sér í pottin með gestunum. Ég bara spyr. Hverjir eru gestirnir og hverjir erum við. Fékk allavega lit í rótina og svona smá dekur. Setti naglalakk á táslurnar á Guðnýju .Og það er í fyrsta skipti sem hún fær solis. Mátti til með að mynda það.
Frábær ferð í alla staði samt sem áður. Næst mun ég segja ykkur frá ferð okkar Rannveigar í Þakgil um verslóhelgina. Önnur frábær ferð. Tvær úr tungunum saman þar. Alveg brill. Er samt farin að sakna Sillunar minnar. Þarf að tékka á morgun hvort hún sé heima og sona.

Yfir og út krúsarknús..................

Rafmagnsleysi

Jebb. Skruppum til Guðnýjar og Sigga í kvöld. Svona að ákveða hvað við ætlum að gera þarnæstu helgi. Strandirnar eru út fyrst að ég fæ ekki frí. En allavega. Þegar við komum hér heim er allt í svarta myrkri eins og lög gera ráð fyrir. En lögin gera ekki ráð fyrir því að mar geti ekki kveikt hjá sér ljósin. Lekaleiðinn úti og ekki hægt að setja hann inn. Vorum að spá í að hringja í Baldur spennu en hættum við sökum klukkunar. Orðin soldið margt. En ekki hægt samt að hafa hér allt í rafmagnsleysi. Innihald ísskáparinns og frystis lá undir skemmdum. Ekki til í það. Spúsinn hringdi í Neyðar-rafvirkja. Og shitt mar. Ekki fyrir hvítan að borga það. Útkallið litlar 17 þúsund krónur, fyrir svo utan það hvað það kostar að gera við. Mín ekki alveg sátt við það frekar en Diddin. Sagðist bara ætla að lifa við þetta rafmagnsleysi í nótt. Nema hvað. Ég var svo ótrúlega heppin í gær þegar ég er búin að vinna uppi á skrifsstó þá fer ég niður í búð og þar er allt í rafmagnsleysi líka. Hringi á rafvirkja sem kom ongonede og ég fylgdist áhugasöm með vinnubrögðum mannsins. Hann sem sagt sló út öllum öryggjum, setti inn lekaleiðan og byrjaði svo að setja eitt og eitt öryggi inn í einu. Og fann þannig út hvað það var sem sló út dótinu. Ég var reyndar búin að prufa þetta hér en virkað ekki. Gat ekki fengið lekaleiðann til að haldast inni. Fór samt eftir símtalið og skoðaði þetta betur og sá þá aðra röð af öryggjum sem tilheyra okkur. Gerði aðra tilraun og vola. Fann þetta út. Gangur og herbergi ollu þessu. Sendi þá drenginn inn að taka allt úr sambandi í þeim vistaverum. Og HALLÓ. Haldiði ekki að kellan hér fyrir ofan mig hafi verið að vökva nýja fína grasið sitt og hér bunaði bara inn um gluggan hjá mér. Lak niður úr gluggakistunni og ofan í millistykki sem er undir ofninu. Og Bingó. Sló allt út. Sú er aldeilis heppin að við fengum ekki Neyðar-rafvirkjann hér til að redda þessu. Sú hefði sko fengið að punga út. Kanski bara 20-30 þúsund kalli. Mér finnst nú lágmark að nota hausinn. Gluggin minn er ekki það langt ofan jörðu að hún hefði sko alveg getað lokað honum. Shitt hvað ég er pirruð. Þó mest yfir því að hafa bara ekki verið heima þessa helgi. Þá hefði kanski bara parketið skemmst og ég fengið nýtt út úr tryggingunum hennar. Hehehehehehe...... Mátti bara til með að deila þessu með ykkur.
Svo sæt mynd af ma og pa með Yoko, sitjandi við fína picnic borðið mitt i garðinu. Sem by the way þau voru að enda við að smíða saman þarna. Mátti til með að skella myndinni inn, ótrúlega krúttleg mynd. Og nú eru þau sjálfsagt einhverstaðar á milli Leifsstöðvar og Kríuhólanna að koma frá Köben og Tyrklandi.

Yfir og út krúsarknús.................

Hellúuuuuu

Er iggi komin smá tími á færslu hér, eða hvað. Allt búið að vera vitlaust að gera. Not a doll moment in my live. Gaman að því. Nýji fíni tölvuskjárinn að virka fínt. Helvíti góður bara. Stór og myndarlegur. Verð að segja það. Fór um síðustu helgi austur til Diddunnar minnar besta skinns. Ótrúlega krúttlegt nýja húsið þeirra og rosa notalegt. Yoko alveg að fíla sig í sveitasælunni. Hljóp eins og vitlaus væri. Kíkti svo við í útilegu þeirra Létta. Ekki leiðinlegt það. Hefði sko alveg verið til í að lúlla í tjaldi. Gott og milt veður. Væsir sko ekki um mann í þannig veðri. Er svo orðin rosalega langþreytt í sumarfrí. Mig langar í sumarfrí. Ætlaði að taka föstudaginn í þarnæstu viku og mánudaginn þar á eftir í frí, en það er ekki að ganga. Fékk með herkjum að taka hálfan föstudaginn. Það verur að nægja að þessu sinni. Ætlum að skunda með Guðný og Sigga á Srandirnar. Verð á skrifstofunni allan daginn í næstu og þar næstu viku. Græt það sko ekki. Orðin frekar pirruð á þessari búð í augnalokinu. Sonurinn komin frá Spánverjalandi. Sæll og glaður. Keypti sér loftbyssu þar í landi ásamt öllum hinum strákuknum. En aumingja þeir. Þeir voru stoppaði í tollinum. Og allar byssurnar gerðar upptækar. Æjæjæjæj....... Elsku strákurinn. Svo sorry. En ekki ég. Er algjörlega á móti því að börn leiki sér með vopn. Hef aldrei og mun aldrei gefa drengjum vopn til að leika með. Er búin að nota garðinn minn mikið. Sit mikið hér úti og sleiki sólina. Elska það að eiga garð. Hlakka ekkert smá til að fá pall. Stefni að því næsta sumar. Aldeilis sem það hljóp á heppni mína í kvöld. Ég lufsaðist hér út eftir mat, þar sem feðgarnir ætluðu að horfa á fótbolta. Nennti ekki að hanga yfir því. Hugsaði með mér að skreppa til Öddu. Ekki séð hana í ár og öld. Hún að elda ofan í krakkaskara. Svo ég laumaðist eins og glæpon í Bingó. Alein. Jamm ALEIN. Liggaliggalái. Haldiði ekki að mín hafi fengið Bingó. Vann FIMMTÍUÞÚSUNDKALL. FIMTÍUÞÚSUNDKALL. Já haldiði ykkur bara. Held barasta að ég fari og kaupi mér kaffihúsið sem ég hefi beðið eftir nú í hartnær þrjú ár. Liggaliggallái. Hef aldrei unnið í Bingói áður. I´m so happy. I´m singing in the rain. lalalallala.... Anyways. Hvað næst. Jú er farið að hlakka geðveikt til að skreppa til Halifax. Verð líka í 5 eða 6 daga fríi um versló. Kúri kanski eina nótt í bústó hjá Olgunni og hitt Tótuna frá Þjóðverjalandi. Hef ekki séð hana í tvö ár. Verð svo kanski hjá Guðnýju og Sigga á Laugavatni ef ég fæ tjaldleyfi. Spúsinn að vinna like always. Ekki spurt að því.


Skruppum þarsíðustu helgi til Guðnýjar og Sigga í grill og pott. Mikið gaman og gott að éta. Hundarnir léku sér eins og áhyggjulaus börn á pallinum. Allir fimm. Jamm. Hún á sko fjóra. Þrjá íslenska og einn Bicon Freez. Held það sé skrifað svona. Veit annars ekkert um það. Spaði var í því að standa upp við pottinn og slökkva á nuddinu. Eitthvað hefur hávaðinn fari'ð í taugarnar á honum þessari elsku. En nú er ég hætt í bili. Orðið gott af bulli.



Yfir og út krúsarknús............

Það kom að því.

Jamm ekki er öll nótt úti enn. Bloggari dauðans mættur aftur á svæðið. En málið er bara að veðrið er algjört nammi. Mar er náttla enn að vinna. Ætla aldrei, aldrei, aldrei aftur að taka sumarfríið mitt svona í bútum aftur. Verður ekki neitt úr neinu. Dagur hér og dagur þar. Neibb. Næsta sumar verður bara farið í frí og hana nú. Erfðaprinsinn fór til Spánar í morgun með boltanum. Strax farin að sakna hans. Svo var hann svo óheppinn þessi elska að tína seðlaveskinu sínu. Var með átta þúsund í því og keypti sér snæðing í stöð Leifs heppna. Ekki mikil heppni þar á ferð. Veskið sennilega dottið úr vasa drengsins og tæpar sjö þúsund í vasa einhvers annars sem þá má segja að sé heppinn. En hann var nú heppinn að vera ekki með allan peninginn á sér. Hér hefur átt sér stað kraftaverk í garði vorum. Móðir mín hefur verið algjör hampfleyta hér og rifið arfa, reitt gras, klippt tré ásamt trémanni sem auglýsir þjónustu sína í fréttablaði landsmanna. Fékk meiraðsegja aflsátt. Hún var svo mikill handlangari. Nenni svo sem ekkert að segja frá kórpartýi okkar systra Gospeldætra. Annað en að það var hrikalega gaman. Partý haldarinn góði verður svo fimmtug núna í júlí og er oss boðið þangað. Aftur gaman, gaman. Skildi Silla sofa það af sér. Neiiii, ég bara segi sona. Fyrrnefnd bauð mér í grill og pott. Fékk þessa líka dýrindis nautasteik og gúmmelaði með. Yoko fékk að fara með og hitta tilvonadin hvolpafaðir sinn. Tilvonadi hvolpafaðir var nú orðin ansi þreyttur á þessum látum í litla barninu. Enda orðin tveggja ára ráðsettur hundur. Hann sýndi þó afbrýðissemis takta ef pabbi John klappaði barinu. Leits bara ekkert á það. Enduðum pottferðina á að taka Yoko í pottin og þvo henni. Og urðum það vitni að alvöru hundasundi. Henni líkar ágætlega í pottinum eins og uppeldis móður hennar. Fínasta kvöld og mikið spjall. Sem svo sem aldrei vantar þegar við hittumst. Tölvuskjárinn minn dó tölvudrottni sínum, hér um daginn. Diddinn fór og keypti nýjan í dag. Jibbý jey. Ætlaði að stelast til að blogga í vinnunni um daginn en komst ekki inn. Gat ómögulega munað passwordið mitt. Spurning um að fara að halda utan um öll þessi aðgangsorð sem tölvudýrið geymir. Það yrði ljótt ef hún dræpist líka. Oh my god. En nú er mál að linni. Mikael minn Orri er að lúlla hjá ömmu sinni og er enn vakandi. Komin tími til að slá hann í svefn. Kem fljótlega aftur. Agú....

Yfir og út krúsarknús..........

Jesús, Pétur og Ave María.

Segi nú ekki meir. Þvílíkt búið að vera brjal að gera. Ekk það að ég hefði ekki getað párað hér eitthvað. En eitthvað hefur frú bloggleti verið að hrjá mig undan farna daga ef ekki vikur. Búin að fara í kórferðalag norður í land. Algjörlega bilaðislega skemmtileg ferð og ef ekki heilandi í alla staði. Sungum mikið, mikið og fengum gott gott að borða á búgarðinum góða í Ólafsfirði sem býr til laxinn góða. Líka búin að fara norður í fermingu hjá frænkunni sætu.. Hrikalega góð ferð þar á ferð. Vantaði samt nokkra toppana úr familýu vorri. Didduna besta skinn og fleiri. Þó aðallega hana. Var að koma úr altapartýi hjá henni Ingibjörgu úr Gospelnum. Segi ykkur frá því seinna. Er farin að sofa.
Yfir og út krúsarknús........

Es.
Ég er drukkin. Búið að taka mig 10 mínútur að skrifa þessar fimm línur.
Góða nótt.

Bissí dei.

Jebb alltaf brjál að gera á þessum bæ. Ekki að spurja að því. Fór náttla að vinna í morgun eins og lög gera ráð fyrir. Var samt bara að vinna til hálf eitt. Og þá var sonurinn komin til mín. Við skunduðum sem leið lá í Kópavogin í klipp og lit. Já það var aldrei að mín breytti um háralit. Nú er frúin bara hreinlega orðin svarthærð. Já ég legg bara ekki meir á ykkur. Ekki átti þessi litur að vera svona. O nei. Hann átti meira að segja að vera með smá rauðum blæ. Hér er sko engin hans í koti blær. Bara svart. Eins og dimmasta nóttin. Leit svo náttla út eins og kríuskítur dauðans í framan með þessa svörtu umgjörð, svo nú verð ég bara að vera dúlega að púðra á mér nefið. Svo í Smáralindina í Líf og list að kaupa brullupsgjöf handa sæta frænda honum Halla og hans verðandi frú. Þau gifta sig á morgun. Oh mér finnst alltaf svoooo gaman í brullupi. Fæ alltaf strumpabólur og tár á kinn. Anyways. Svo bara brunað heim á hundrað og sjö því drengurinn var að verða of seinn á æfingu. Hann rétt náði. Síðan fór ég að taka til í Miranda´s töskuna. Kynning í kvöld hjá Siggu vinkonu Sillunar minnar. Og hún var sko ekkert að skafa af því kellan. Hringdi í einar tólf konur. Flott skyldi það vera. The big sale my darlings. ÞAÐ MÆTTI EIN. Halló. Og bara þrjá afboðuðu sig. Endemis dónaskapur í þessum kellum. Og þessi eina sem mætti var móðursystir gestgjafans og sennilega einhversstaðar á milli áttatíu-níutíu ára eða svo. Hefur aldrei á ævinni sett krem í anlitið né nokkur farða. Bara kalt vatn. Það er best. En gamla var sko ekki af baki dottin og ákvað það að nú væri sko komin tími til að gera eitthvað fyrir sjálfa sig og verslaði sér krem, hreinsigelið og tannkrem. Líst vel á svona konur. Hún var bara krúttleg og sæt. Svo erum við líka búin að versla okkur ferð til Canada í ágúst. Förum þangað með strákúst þann þrítugasta og komum heim aftur sjötta september. Afmælisdagur móður minnar by the way. Yoko er komin til að vera. Nú fer hún ekki aftur eftir helgina. Við erum ótrúlega glöð með hana. Fannst bara leiðinlegt að skila henni síðasta föstudag og söknuðum hennar alla vikuna. Og nú er bara að taka á honum stóra sínum og vera staðföst í því að húsvenja hana og venja hana á búrið góða. Því þar verður hún geymd þegar hún er ein heima. Og svo erum við skötuhjúin bara ein í kotinu alla helgina. Drengurinn fór með nesti, nýja skó og hundinn til Ármanns og ætlar barasta að vera þar fram á sunnudag. Svo hér verður allt á rólegu nótunum. Eða sko þannnig, Fyrir utan brullupið annað kvöld. Athöfnin er reyndar ekki fyrr en hálf fimm svo hér verður bara slakað á pj´s framm eftir degi. Ahhh svo gott. En nú ætla ég aðeins að kikka á videoupptökur frá Lonni. Er orðin hans í koti langt á eftir. Verð að fara að vinna þetta upp. Gengur náttla ekki að ég stoppi dótturina í annarri hvorri settningu þegar hún ætlar að tala um þennan og hinn þáttinn. Neib...
Góða nótt og hafið hljótt.

Yfir og út krúsarknús...............................

Halló.

Júbb, ég er á lífi enn. Bara eitthvað endalaust andlaus í Þessu bloggi þessa daganna. En margt að gera og svona. Vantar ekkert upp á það. Sko. Fór síðustu helgi á Grundarfjörð og tók þátt í Íslandsmóti í Óþverra. Jebb ýmislegt sem mar tekur upp á. Kemur svo sem engum á óvart að Adda vann mótið. Kom heim með tvær medalíur. Gull og silfur. Legg ekki meir á ykkur., Svo er mar bara að vinna og sona. Fíla mig ferlega vel uppi á skrifstofu. Væri bara til í að fá vinnu þar allann daginn. Aldrei að vita hvað gerist í haust þegar þessu tilraunaverkefni lýkur formlega. Verð bara að gera í því að gera mig ÓMISSANDI. You know. Svo kemur prinsessan núna um helgina alfarið. Hlökkum öll til að fá hana alveg. Fannst frekar leiðinlegt að skila henni á sunnudaginn síðasta. Algjört krútt þessi tík. hehehe.... Sillan mín kom hér í kvöld með filmurnar langþráðu. Sem by the way eiga að fara í gluggana hjá mér. Ekki tókst betur til en svo að fyrsta filman sem tekin var upp var rifin upp á vitlausri hlið. Ónýt. Svo eldhúsgluggafilman. Textinn þar fór allur í mess. Ónýt. Gátum sett í tvo glugga á ganginum slysalaust. Jibbý. Svo baðglugginn. Hann eiginlega sló öll met. Skipaði Erni að fara inn á bað og rífa þessa ógeðslega ljótu filmu úr glugganum, hann þóttist ekkert vita hvað ég meinti. Svo Silla fór með honum til að sýna honum hvað hann ætti að gera. Og viti menn. Það er sko engin hans í koti filma í gluggadýrinu. Neibb. Þetta er hamrað gler. Forljótur hans í koti. Verð að drífa í að brjóta hann svo ég geti með góðri samvisku farið og keypt nýtt til að líma flottu filmuna á. En að ég tæki eftir þessu þegar ég mældi fyrir filmunni. O nei. Alveg blind á öllum fjórum. Fann þetta hrikalega flotta myndband áðan. Mæli með því að þið horfið og hafið hátalarana í botni. Góða skemmtun.

Geðveikt

Allavega hafði ég obboslega gaman að þessu. En nóg í bili elskurnar.
Elskiði friðin og strjúkið kviðinn.

Yfir og út krúsarknús..........

Enn og aftur að koma mánudagur.

Meira hvað þessar helgar fljúga frá manni, og ekkert verður úr neinu. Erum búin að vera með Yoko alla helgina og skiluðum henni aftur seinnipartinn í dag. Fannst það nú frekar leiðinlegt. Hefði alveg verið til í að hafa hana bara áfram. En það er ekki að ganga fyrr en skólanum lýkur hjá Erni. En eins og ég sagði áðan er tíminn svo fljótur að líða, þannig að ekki þurfum við að bíða lengi. Búin að þurrka upp ansi marga pissupolla og taka upp nokkrar kúkalengjur og sturta í klóið. Mikið sem ég verð glöð þegar hún verður orðin húsvön. Annars held ég að hún sé búin að velja sér sinn uppáhaldsfélaga hér á þessum bæ. Eltir Örn á röndum hvert sem hann fer hér innan veggja heimilisins. Gaman að því. Hann er sko ekki ósáttur við það. Er annars frekar andlaus þessa stundina. Nenni ekki meir.

Yfir og út krúsarknús.....................

Evrovision

Alveg komin með upp í kok af þessu dæmi. Nú er ég bara hætt að horfa. Nenni þessu ekki lengur. Held að það sé komin tími til að hafa tvær keppnir. Eina fyrir vestur og aðra fyrir austur. Annars er allt fínt að frétta héðan úr vesturbænum. Á enn eftir að ganga frá svona smádrasli. Nenni því bara engan vegin. En það hlýtur að koma að því fyrr en síðar. Var sko alveg ógisslega dúleg í vinnunni í morgun. Tók kælirinn á bak við í nefi. Skúraði, skúbbaði og þreif hann hátt og lágt. Meirað segja svo lágt að ég lá á fjórum og skúbbaði gólfið með grófum svampi og gluggasköfu. Hef bara aldrei séð hann svona flottann. En sjálfsagt verður það ekki lengi. Ótrúlegt hvað þessir krakkar ganga illa um. Er sko bara ekki að fatta það. Stefnan á morgun sett á það að fara í dýraverslun og versla búr handa Yoko, og kannski líka sæta rauða hálsól. Og svo að ná í hana í helgarheimsókn. Við komum ekki til með að taka hana alveg fyrr en Örn er búinn í skólanum. Ekki hægt að skilja svona lítið kríli eftir eitt heima allan daginn. Jebb hún skal heita Yoko. Hvernig finnst ykkur það. Er það ekki bara soldið flott. ha. Mér finnst það. Og maður á alltaf að segja eins og manni finnst. Svo hefur vinna mín breyst aðeins. Núna er ég í búðinni til hálf eitt, fer þá í mat og svo upp á skirfstofu eftir hádegið. Það er sko bara gaman að því. Er alveg að fíla þetta í botn. En þetta er bara tilraunaverkefni sem stendur í fjóra mánuði eða fram til 1sta september. Svo kemur bara í ljós hvernig framhaldið verður. Vonandi að ég fái þá bara vinnu allan daginn á efri hæðinni. Annars gefur þetta mér líka reynslu sem ég get sett í sivið mitt. Hef þetta ekki lengra að sinni.

Yfir og út krúsarknús......................

Heimsókn prinsessunar.

Jebb. Litla sæta prinsessan kom í heimsókn í dag. Held að það sé öllum orðið ljóst hér á þessu heimili að hún sé komin til að vera. Hún er algjört beauty.
Ótrúlega sæt.Og eins og öllum litlum börnum þótti henni voða gott að totta snuddu. Greip hana glóðvolga þegar Þórunn Emilía missti hana í gólfið.
Gæti bara étið hana. Veit svo ekkert afhverju textinn hér fyrir ofan kemur eins og ég sé að setja inn link. Alveg sama hvað ég reyndi ég gat bara ekki lagað þetta. Undarlegt. Allavega er bara allt gott að frétta úr vesturbænum. Höfum það hrikalega gott hér. Var með Mirandas kynningu á föstudagskvöldið fyrir 2 alt Gospelsystra. Fengum okkur osta og smá rautt með. Notalegt kvöld með góðum systrum. Svo er litla lúsin hún Þórunn hér í nótt. Foreldrarnir í þrítugsafmæli með Diskó þema. Örugglega gaman að því. En nú ætla ég í ból bjarnar.

Yfir og út hundaknús......................

Uppþvottavélin

myspace generators

Þvílíkt og annað eins. Lúxus dauðans. Búin að halda saumklúbb troða öllu draslinu í uppuna og hviss bamm búmm. Sést ekki að ég hafi verði með 7 konur í kaffi og með því. Og svo má nú ekki gleyma því að ég held barasta að leirtauið mitt og hnífapörin hafi bara aldrei verið eins hrein og glansnadi. I love it. Jebb eins og þessar línur gefa til kynna þá hefi ég eignast uppþvottavél í fyrsta sinn. Skil bara ekkert í mér að vera ekki búin að fjárfesta í svona græju miklu fyrr. En æjæj. Varð litið á klukkuna og er farin að lúlla

Yfir og út krúsarknús..............

Loksins

er ég komin í samband við netheima aftur. Var komin með alvarleg fráhvörf. Síminn er samt ekki að virka hér í þessu húsi. Hlýtur að vera eitthvað með tenglana. En allavega, nú er frúin flutt og hefur það sko bara náðugt í þessu dásamlega húsi. Finnst hreinlega eins og ég hafi alltaf átt heima hér. Finnst ekkert skrítið að vakna hér, og bara eðlilegasti hluti í heiminum að keyra þessa leið til og frá vinnu. Er með saumó í kvöld. Ja maður er ekkert að fresta því þó svo að hér standi enn nokkrir kassar og ulla á mig. Hef þetta ekki lengra að sinni, en kem fljótlega aftur. Og eitt enn. Mikið er gaman að fá svona mörg komment. Jibbý.

yfir og út krúsarknús.............................

Stóri dagurinn á morgun

Yes, hvað ég hlakka til. Hlakkar mest til að labba hér út í síðasta sinn og skella í lás á eftir mér. Mikið sem það verður gott að lúlla á nýja staðnum annað kvöld. Svo bara að byrja helst að þrífa á morgun og klára á föstudag, afhenda lyklana seinni part föstudags eða snemma á laugardaginn. Hringdi svo í dag í Vodafone og fékk mér nýtt email. Var frekar pirruð á þessu gamla. En þegar ég valdi það var ekkert laust sem ég nefndi. Sendi svo öllum mail í dag með breyttu netfangi. Ef það er einhver sem les þetta og er vanur að fá póst frá mér en fékk ekki í dag, þá er bara að kommenta á það hér og ég kippi því í liðinn. Verst að þurfa að mæta í vinnu í fyrramálið. Hefði alveg þegið það að fá frí. Finnst bara að það eigi að vera í lögum að mar fá hálfsmánaðar frí þegar fólk stendur í fluttningum. Var samt í fríi í dag og þetta er búin að vera mjög drjúgur dagur. Við mamma og pabbi fórum með fullan Opelin og jeppann þeirra af dóti. Þar á meðal borðstofuborðið og stólana. Erum búnar að taka upp úr öllum stofukössum og þvo það og þrífa. Svo er ég líka búin að raða í stofuskápinn öllu sem þar á að vera. Svo kom Olga hér eftir kvöldmat og við rusluðum öllu úr fataskápunum, öllum handklæðum og restinni af matvöru sem ekki verður notuð í þessu húsi meir. Svo bara brunuðum við vestureftir reddý í að setja flíkurnar í skápa. En æjæjæj... Haldiði ekki að mín hafi þá gleymt húslyklunum í efra. Eins gott að mar lifi á öld GSM símanna. Hringdi í kallinn og skipaði honum að koma og hleypa oss inn. Sem hann náttla gerði með glöðu geði. Svo nú er búið að hengja upp og setja í hillur öll föt. En þó ekki föt drengsinns. En mar ekkert lengi að því. Talandi um drenginn. Eitthvað mikið gerðist þegar presturinn blessaði hann hér um daginn. O.M.G. Síðan þá er hann komin í mútur og talar með mikið brostinni rödd þessi elska. Svo stækkar hann svoleiðis rosalega að það liggur við að ég sjái dagamun á honum. Og ekki nóg með það, allt í einu er hann komin í skó númer 40. Það var bara fyrir nokkrum mánuðum að hann notaði sama númer og ég. Sko 38. Ég veit ekki hvar þetta endar. Ætli ég verði bara ekki að biðja prestinn að afblessa hann. En nú er nóg komið að bulli. Og viljið þið svo kvitta fyrir komuna. Nú er ég búin að fá kvitt nánast upp á hvern dag, svo nú verð ég bara pirr þegar engin kvittar. Ha. Bara orðin heimtufrek með meiru.

Yfir og út krúsarknús.................

Fótbolti dauðans.

Legg ekki meir á ykkur. Ætluðum að flytja annað kvöld en ekki verður neitt af því. það er leikur um sex leytið og allir tiltækir karlmenn með nefið á skjánum. Halló. Er ekki allt í lagi með þessa menn. Taka boltann fram fyrir það að koma og bera mín dásamlegu húsgöng. Þannig að við flytjum á fimmtudaginn. Á morgun ætlum við þá í staðin að halda áfram að flytja smá draslið í Opelnum. Fórum reyndar í dag með stofuskápinn og græjuskápinn. Þannig að stefnan er líka sett á það að þvo allt dótið sem á að vera í honum og koma því fyrir. Munar um að vera búin að því. Allt orðið svo dragfínt í Granaskjólinu og jafn skítugt hér. Hér hefur eiginlega ekkert verið gert síðan fyrir fermingu. Er í fríi á morgun og svo aftur á föstudaginn. Þá ætti allt að vera búið á mánudaginn. Þrífa hér á föstudaginn og skila lyklunum af mér á laugardaginn. Shit hvað mig hlakkar til. Alveg ferlegt að búa svona á tveimur stöðum. Ekkert heimilishald í gangi. Hef ekki meir að bulla í kvöld er eitthvað voðalega andlaus þessa stundina. Enda klukkan að verða eitt. Og mín búin að vera á fótum síðan sjö.

Yfir og út krúsarknús...............

Nú er það sko

lúin kona sem situr hér við tölvudýrið góða. Algjörlega búin á því. Get ekki meir, nenni ekki meir, langar ekki meir. En þetta er bara endalaust. Alltaf bætist eitthvað við. En á móti kemur að þetta minnkar í leiðinni. Og nú er sko bara að verða hrikalega fínt í Mekkunni. Annað en gettóið. Hér er svo mikið drasl og skítur að mig hrillir við að þrífa hér. Búin að fá mig upp í kok af drullu. Það var svo skítugt þarna vesturfrá að þá hálfa væri hellingur. Nú er búið að mála allt. Eftir að þrífa gólfin á ganginum, eldhúsinu og forstofunni. Og ég get sagt ykkur það að það er sko mikið mál. Liggjandi á frjórum og skrúbba. Svo bara að hengja upp ljósin og Baldur Spenna þarf að klára rofana og þá er þetta að verða búið. En í öllu þessu amstri er ég búin að finna upp ný viðurnefni á tengdasynina. Baldur Spenna
Og Baldur Spýta. Þá þarf mar ekki að segja Baldur Lonniar eða Baldur Lilju. Neibb, Baldur spenna og Baldur spíta. heehhehe.... Oh ég er svo fyndin. Get varla skrifað fyrir hlátri. hehehe..
Hér er sýnishorn af GRÆNA veggnum mínu. Sumir fengu hland fyrir hjartað við þetta val mitt. En þessi litur er sko valin í stíl við rúmteppið mitt fína sem ég kaupti í henni Ameríku hér um árið.Get nú róað ykkur með því að hann er bara á einum vegg í herbergi okkar skötuhjúa. Mikael minn Orri ætlar sér að verða málari þegar hann verður stór. Rúllan fer vel í hendi hans.
Svo fanst syninum tímabært að móðirin fengi greiðslu við hæfi og notaði til þess málarateip.
Ég borgað í sama. Get líka alveg upplýst það að það var ekki gott að taka þessa greiðslu niður. æjæjæjæjæjæjæ... En nú ætla ég að skríða í bælið. Verð víst að fara að vinna í fyrramálið. Gat ekki fengið frí. En verð í fríi á miðvikudag og föstudag. Gat heldur ekki fengið frí á fimmtudag. Ég sem ætlaði að taka 4 daga í sumarfrí út þessa viku. En tveir dagar eru betri en núll dagar. Er þaggi.

Yfir og út krúsarknús...................

Guð minn góður

klukkan að verða hálf fjögur og ég enn vakandi. God hvað ég verð þreytt og lúin á morgun. En samt búin að eiga mjög góðann dag. Náttla búin að vinna í nýju íbúðinn og svo skrapp ég í fordrykk hjá Önnu Siggu klukkan hálf sex. Árshátíð Voxara í kvöld. Mín varð að slaufa því. En þar sem Anna Sigga býr í nánast næstu götu ákvað ég að skreppa í fordrykkinn sem hún bauð röddinni í. Fékk algjörlega fiðring í tærnar, mig langaði svoooooo með. En það er víst ekki á allt kosið. En hrikalega gaman að hitta kellurnar allar aftur og svona líka dragfínar. Lonni og Baldur komu svo heim með okkur og átum við pizzu þar til við sprungum og drukkum bjór með. Tókum svo kanaspil og kjöftuðum frá oss allt vit. Ekki það að við séum að springa af viti. Svo erum við mæðginin á fullu að leita okkur að hvolpi. Það var náttla búið að lofa drengnum því að þegar við einhverntíman myndum flytja í svona smá sér að þá myndum við fá okkur hund.Og hann er strax farinn að rukka. Sendi eina fyrirspurn til hundaeiganda í kvöld sem er með átta stykki Golden Retriver hvolpa. Oh my god. Þeir eru algjört æði. En það kostar náttla fullt af labbi að fá sér svoleiðis hund. þeir þurfa sína hreyfingu og ekkert múður með það. Langar ekki í þessa litlu sem eru eins og kettir eða það sem verra er ROTTUR. Væri hentugast að fá sér millistærð en Goldenin er bara flottastur. Kemur bara í ljós hvað verður. Góða nótt.

Yfir og út krúsarknúns.................