laugardagur, apríl 14, 2007

Halló, haaaalllóóó. halló

Hvað ert að gera í kvöld. Halló, halló, halló..... Nei segi nú bara sona. Konan alveg að tapa sér. Hér er búið að pakka í kassa og læti. Stofan full af fullum og edrú kössum. Geymslan að verða tóm. Við erum svo dugleg. Shit mar draslið sem mar sankar að sér í gegnum árin. Það er bara ekki alveg í lagi með mann. Diddi búin að fara tvær ferðir í Sorpu með kjaftfullann bílinn. Settum helling í nytjagáminn hjá hirðinum góða. Aldrei að vita nema einhver vilji þetta dót. Þar á meðal nokkur tonn af bókum. Og samt er ég með góða 6 eða 7 kassa af bókum. Á morgun er stefnan sett á að þrífa eldhúsinnréttinguna. Búin að tæma allt nema 3 skápa. Þá er það frá. Finnst alveg ferlega leiðinlegt að þvo skápa. Rífa svo draslið úr efri skápum á ganginum. þar kennir ýmissa grasa gæti ég trúað og margt af því er örugglega haugamatur. Klikkaði með lyklaafhendinguna í dag. Maðurinn sem við erum að kaupa af stakk sér til útlanda svo við fáum þá ekki fyrr en á mánudag. Sökk mar. Við sem vorum búin að ákveða það að fara í Háskólann og labba á Heklu. Með öðrum orðum, mála geymsluna og flytja gömlu geymsluna í dag. Elli mágur svo hress að vanda, mættur í Granaskjólið early í morgun í málningargallanum. Og við ekki þar. Jebb, svona getur nú lífið verið fullt af óvæntum uppákomum. Diddinn voða rómatískur og skundaði í Ríkið í gær og kaupti eina rauða í tilefni þess að við hjúin eigum 30 ára trúlofunarafmæli í dag. Já ég sagði 30 ára. Hver myndi trúa því. Ég svona ungleg og alles. En allavega stóð til að opna hana í kvöld og skála. En nei. Lati strákur hafði betur og minn bara búin að hrjóta hér í allt heila kvöld, og mér bara búið að drulluleiðast. Reyndi að glápa á söngvakeppni framhaldsskólanna. En bara sorry, mér fannst hún boring. Svo ekki sé meira sagt. En eitt vakti gleði mína og hlátur. Hló svo við að ég fékk í magann. Og hér er ástæðan. Gjössovel..
Jebb, svona á ég nú skemmtilegan tengdason. Hann Boldur hennar Lonniar. Hann leynir á sér þessi elska. Og hvað finnst ykkur svo. Jú læk. Kommenta svo. Þið eruð allt of léleg í því. Nema Spánardrósin ógurlega. hehehehe..... Annars var pa ekkert rosa glaður að við skyldum vera að losa okkur við bækur, og sagði. Ég veit það þá að ég er ekkert að gefa ykkur bækur. Það voru nebblega einhverjar bækur þarna sem hann hafði komið með upp í Gaukshóla og gefið okkur. Ég sagði. Heyrðu þú varst bara að taka til sjálfur og vildir ekki henda og komst með þær til mín. 1-1. Allskonar ritraðir á dönsku, ensku og ég veit ekki hvað. Engin hér hefur gaman að þessu og á aldrei eftir að skoða þetta. Kanski að það detti einhver grúskari inn í hirðinn góða og taki bakföll, súpi hveljur, slái sér á lær og ég veit ekki hvað. Þá er það bara fínt. Allavega dæsti ég þegar þetta fjall var farið. Jæja nú ætla ég að fara að hætta þessu bulli hér, Kidnaped er að fara að byrja á Skjánum og ég missti af því í gær. Diddinn horfði og það hafði vinninginn yfir Lata strák, svo það hlýtur að vera spennó. Svo ætla ég að hringja í Hjálparsveit skáta og láta leita að Guðnýju og Sigga. Hringdu í dag þegar ég var í geymslunni og sögðust ætla að koma eftir smá stund. Ekki komin enn. Svo nú verður viðbúnaðarstig 3 sett í gang.

Yfir og út krúsarknús...............

Engin ummæli: