Skrapp aðeins á

grímuballið hjá Systrunum, og verð nú að segja að ég varð fyrir smá vonbrigðum með mætinguna. Allt of fáar sem komu. En hvað um það. Þær sem mættu skemmtu sér mjög vel. Mikið sungið og dansað. Ég tók meirasegja sporið. Og söng að sjálfsögðu með. Flottar þessar konum með alla þessa litskrúðugu hatta, hárkollur og grímur. Svo nú er mig farið að hlakka til að mæta á kóræfingu á þriðjudaginn. Var svo að enda við að horfa á upptökuna frá Lonni á Amacing Race og þar voru þau látin leika norskan víkingaleik sem leikin var fyrir mörgum árum síðan. Og það skemmtilega við það er að Silla kom með þetta spil í útileguna í sumar. Og nú veit ég loksins hvað þessi leikur heitir. Hann heitir KU. Talaði við Jónu Hlín á msn í dag og svo við Klemens í kvöld. Og ég er bara í sjokki. Mér sýnist á öllu að vinnan mín sé að fara til hel..... Allt vaðandi í nýju liði og allir sem ég þekki að hætta. Nema Túrstæn og við vinnum aldrei saman, heldur tökum við af hvoru öðru. Og þetta nýja lið er víst ekki upp á marga fiska, eftir því sem mér heyrist. Og nú er mér eiginlega hætt að hlakka til að fara að vinna aftur. huhu Er ekki bara málið að hætta að vinna og gerast eilífðar stúdent. Ha. Bara þvælast í skólakerfinu. Er alveg sjúk. Langar alveg hreint ótrúlega mikið í skóla.
Jæja ljósin mín, held að ég láti nú staðar numið og fari að koma mér í bælið.
Yfir og út krúsarknús..............

Ein ég sit og sauma

inn i litlu húsi, engin kemur að sjá mig, nema litla músin............ Nei,nei, ég segi nú bara svona. Nú er ég alveg að verða vitlaus á þessu endalausa aðgerðarleysi. Og nú er mig sko bara farið að hlakka til að mæta í vinnuna aftur. Ótrúlegt að heyra þetta koma úr mínum munni. En svona er þetta bara. Ásthildur leit reyndar við hér í dag í mýflugumynd. Brjálað að gera hjá henni, er að fara til Miami á mánudaginn og svona. Svo var hún með fullt að slúðri. hehe.... Gaman að því. Ekki veit ég hvernig ég færi að ef ég hefði ekki fjölvarpið núna. Er sko búin að horfa á nokkur hundruð matreiðsluþætti, sem b.t.w. maðurinn skilur ekki í að ég nenni að horfa á þar sem mér þykir með eindæmum leiðinlegt að elda. Ég segist að sjálfsögðu vera að finna upp á einhverju nýju fyrir hann að elda. Nú og svo breyta herbergi þættir svo ég tali nú ekki um alla læknisþættina á Reality Cannel. Skera mann og annan. Enda komin með kassalaga augu.
Tók mig reyndar aðeins til í andlitinu og leit til Olgu í kvöld, og o.m.g. þvílíka vinnan sem þau eiga fyrir höndum. Þetta kemur örugglega til með að taka 2 til 3 mánuði. Ömmingja þau.....Liljan mín er komin með vinnu. Jibbý. Hún byrjar um næstu mánaðarmót á leikskóla. Við Lonni ætlum að skipta með okkur að passa litla manninn. Ég verð með hann þá daga sem ég er í fríi og Lonni hina dagana. Hlakka bara til þess. Hún verður að vinna frá 1 til 5 svo þetta ætti nú ekki að vera mikið mál. Svo verð ég að hringja í tannsa í fyrramálið. Er alveg að drepast í kjaftinum. Bólgið tannhold og læti. Ekki minn tebolli. Þoli ekki tannsa.. Bói bróðir kom hér í gærkveldi og var bara rólegur, sat hér í 2-3 tíma. Við sjáumst alltof sjaldan, og þó svo að hann komi nú oft í bæinn þá er það bara mæting á fundi og svo flogið heim aftur. Verð endilega að fara að gera mér ferð svona eins og eina helgi þarna norður og leggjast upp á þau og eiga með þeim góða stund. Svo kom Sillan mín líka eftir kóræfingar. Hún var svo elskuleg að taka upp fyrir mig æfinguna svona svo að ég geti nú verið svona óbeint með. Svo er get ég farið að æfa mig... Lonni mín byrjuð í No Name skólanum voða gaman hjá henni. Svo hringdi hún í mig í kvöld og vill endilega koma hér á morgun og mála mig. Aðeins að æfa sig fyrir skólann annað kvöld. Það held ég að þetta eigi við hana. Ekki hefur heyrst neitt frá Innlit Útlit. Á svosem ekkert von á að það skili sér hingað. Ég vinn aldrei í svona löguðu. Það væri samt ógó gaman... En nú er ég hætt..
Yfir og út krúsarknús............

Þá er að koma að

eftirlitinu. Fer til dokksa á morgun í eftirlit. Á ekki von á öðru en að ég fái skoðun upp á 10. Líður bara skratti vel. Vantar enn soldið þó upp á þrekið en það kemur með kalda vatninu. Við skruppum í smá bíltúr í dag og ætluðum í kaffi til Guðnýjar og Sigga. En þau voru ekki heima. Þá var stefnan sett á Ella og Jónu en þau voru ekki heldur heima. Hringdi í Villu og þar var pestabæli í gangi svo ég vildi ekki fara þangað. Svo þetta endaði bara með því að við fórum í Nóatún að versla og svo bara heim. Fór til Gurrýjar hér við hliðina og fékk loksins langþráðan kaffisopa. Olga kom svo við hér í kvöld öll hrufluð hægri vinstri. Búin að skrapa heilt hol og gang, þ.e. til að taka af veggjum hraun. Óþolandi svona grófhraunaðir veggir. Skemma öll húsgögn og svo er bara sárt að reka hendina í þá. Svo er hún að skipta um gólfefni líka og svona svo það er allt í ryki og ógeði heima hjá henni. Ekki öfunda ég hana. Samt verður voða gaman þegar þetta er afstaðið. Nú byrja kóræfingar annaðkvöld og ég verð að sitja heima. En ég finn það nú alveg að ég ætti alveg að geta byrjað um mánaðarmótin. Hlakka alveg hrikalega til. Var að enda við að horfa á Amacing Race og í þetta skiptið með spúsanum. Hann hefur ekki horft á einn einasta þátt áður, en varð að sjálfsögðu að horfa í Íslandsþáttinn. Svo nú er bara spurning hvort hann verði ekki húkt eins og fleiri. Það væri nú gaman að því. Hann skilur ekkert í þessum veruleikaþáttasjúkleika í kellu sinni. hehe........
Yfir og út krúsarknús.................

Klukkan orðin margt

og hér sit ég og bíð eftir mínum ektamanni, sem skrapp í boði Jónasar okkar á Naustið á eitthvert kallakvöld. Adda var að fara frá mér og við tókum sko 3 stykki óþverra. Hún vann tvo og ég einn. Alltaf sama sagan Besti dagurinn minn í dag og ég finn hvernig Gunnan er að brjótast út aftur. hehehe... Ríkey klippari kom í heimsók í morgun þessi elska og færði mér ógó flott baðsalt, verst að ég á ekki baðkar. En vitið hvað ég gerði. Vala Matt auglýsti í síðasta innlits-útlits þætti eftir baðherbergi til breytingar og mín var fjlót að smella nokkrum myndum af mínu ógeðslega baðherbergi og senda henni. Og nú er mar með putta í kross og tær líka. Og þið dúllurnar mínar í kommenti síðasta bloggs. Takk fyrir mig og að sjálfsögðu er óhætt að hringja í mig. Og svo fannst mér líka soldið gott fyrir egóið að mín sé saknað í vinnunni. Takk Takk. Og svo hringdi Rúna í mig í dag. Fæ alltaf svona smá sökknunarsting í mallan þegar ég tala við hana. En nú eru þau að fara að flytja eina ferðina enn. Nú á að selja húsið sem þau leigja þarna. Eru búin að finna annað, miklu stærra með risasundlaug og heitum potti í garðinum. Mig langar til þeirra......Svo er grímuball í mínum ástkæra kór núna í janúar og ég verð því miður að vera fjarri góðu gamni, sem er nú frekar fúlt þar sem ég er í skemmtinefndinni og átti hugmyndina af þessu glensi okkar. En það er ég viss um að það verður ógeðslega gaman. Ekki spurning með öllum þessum dásamlegu konum. Hafiði heyrt um konuna sem gaf manni sínum úlpu í jólagjöf og pakkaði pela barnsins með úlpunni inn. Alveg óvart. hahahaha.
En nóg í bili. Held ég skríði bara undir feld og fari að lúlla.
Yfir og út krúsarknús............

it´s a live

Já elsku dúllurnar minar, hér er ég mætt aftur gallvösk til leiks aftur. Er bara öll að braggast og held að þetta verði alveg rosa gott þegar til lengri tíma dregur. Fékk reyndar smá bakslag á mánudaginn og fór í algjöra niðursveiflu. Hvað ég væri eiginlega búin að gera. En nú er það allt frá. Hef örugglega bara verið eitthvað svona lítil í mér eftir svæfinguna.
Er samt búin að vera óörugg á að vera ein heima svo að mamma er búin að vera hjá mér þessi elska og passa mig. Veit hreint ekki hvernig ég hefði farið af án hennar. Hún er best.
En ekki ætla ég að skrifa mikið meir að sinni. Hlakka til að fá Lonni hingað til mín á morgun með Amacing race þáttinn. Get varla beðið.
Yfir og út krúsarknús.....................................

Andvaka dauðans og sk...

Oh, nú er ég andvaka og get með engu móti sofnað. Tók hér inn tvær svefntöflur klukkan rúmlega ellefu og taldi mig í góðum málum. Upp í rúm með Erni og lesa fyrir hann og svo bænir og rullan öll þar á eftir, og kiss kiss góða nótt. Er rétt að sofna byrjuð að svífa þá hringir síminn. Klukkan alveg að verða tólf. Mamma. Bara að hringja og óska þér góðs gengis. Ok. upp í rúm aftur og druslan ég slökkti ekki á símanum og 15 mínútum seinna fæ ég sms. Lilja bara að óska góðs gengis. Og ekki má gleyma því þegar ég var svona rétt búin að gleypa þessar fínu töflur hringdi Sússý frænka. Góðs gengis. Og nú bara geispa ég og geispa. Og get ekki sofnað. Alveg hreint að drepast í maganum. Komin með rennandi you know... Og maðurinn minn elskulegur liggur þarna og hrýtur og hrýtur. Jæja best að gera eina tilraun enn. Wish me good luck. Og eitt enn. Viljið þið gjörasvovel að blogga hér eitthvað. Hér skrifar ekki nokkur maður svo dögum skipti. Halló ég vil hafa eitthvað að lesa þegar ég kem heim á föstudaginn......

Yfir og út krúsarknús...........

Bara smá orð í eyra.

Bara rétt að kikka hér inn. Adda kom í dag og var svooooooooo góð og gaf mér ný óþverraspil. Jibbýkóla. Tókum að sjálfsögðu svona eins og þrjá. Hún vann tvo og ég einn. Svo kom litla stúlkan með eldspýturnar og við að sjálfsögðu tókum einn og ég vann. híhí... Núh,,, Rúna babe hringdi í mig og við kjöftuðum í næstum klukkutíma. Eitthvað hefur það kostað hana þessa elsku. I miss her like crazy. Langar að leika við hana í Play station og svona og knúsa hana líka. En þau hafa það bara gott í sólinni. Og vonandi koma þau í heimsókn í sumar. Ennþá skemmtilegra væri ef ég hefði nú einhvern tíma efni á að heimsækja hana. Kannski að mar gerist áskrifandi að lottó. Maður vinnur víst ekkert ef mar er ekki með. Jæja ég er nú orðin aðeins rólegri yfir þessari aðgerð sem ég er að fara í. Held að þetta gangi bara allt vel. Get sko bara ekki orðið beðið eftir að sjá árangurinn af henni. Fórum í mat til Guðnýar og Sigga á gamlárskvöld og fengum svínabóg soðinn í bjór. Já alltaf lærir maður eitthvað nýtt. Og hann var alveg hreit dásamlegur. Svo safaríkur að djúsinn lak úr honum. Mmmmm....Skáluðum í freyðivíni á miðnætti og ég horfði að sjálfsögðu á árið renna út og inn á skjánum og hlustaði á þetta yndislega lag. Nú árið er liðið. Og eins og fyrri daginn varð ég hálf meyr. Svo var ég að horfa á Ghost með Demi Moore og Patrick Swayze og eitthvað er ég meyr ennþá því að ég bara bull grenjaði. Bolurinn minn var orðinn blautur í hálsmálið eftir öll tárinn sem láku. Ohhh. Hún er svo æðisleg. Og ég ætla bara að biðja ykkur ef þið einhvern tíman sjáið Dirty dancing á DVD endilega látið mig vita. Á hana á spólu og hún er orðin svo slitin að það er ekki gerandi vegur að horfa á hana lengur. Hmmm Mar gæti haldið að konan haldi upp á Patrik Swayze. Hann er frekar flottur. mammmmimammm...
Jæja ljósin mín læt ég nú staðar numið.

Yfir og út krúsarknús..........

Nú árið er liðið í aldanna skaut

og aldrei það kemur til baka. Mikið óskaplega sem mér finnst þetta lag og texti fallegur. Og alltaf fæ ég nú smá kökk í hálsinn þegar það hljómar í sjónvarpinu um leið og gamla árið fjarar út og nýja árið rennur inn. Verða alltaf eitthvað svo tilfinninganæm á því augnabliki. Já elskurnar mínar svona er ég bara. Samt engin áramótaheit. Var að koma úr vinnunni og nú komin í soldið langt frí. Eða þar til í mars. Er að fara í tjéða aðgerð sem hefur áður verið nefnd hér, (verð samt ekki með neinar útskýringar á henni hér, allavega ekki strax) Fer í hana 4 janúar og er ég núna í nettu kvíðakasti. Kvíði bara alveg hreint órtúlega fyrir þessu. Kom mér soldið á óvart þar sem ég hefi nú hugsað um þetta í 2 ár. Fór í morgun í innritun og blóðprufur og svoleiðis og búmm. Þungur steinn í mallann. Komst líka að því að allir læknar eru orðnir yngri en ég og mér finnst það ekki gott. Vil hafa þá svona á miðjum aldri eins og þegar ég var tuttugu. Hmmm. Eða ég kanski sjálf komin á miðjan. ha,. Finnst þetta allt vera hálfgerðir stráklingar. En sjálfsagt færir í sínum fögum alveg eins og þessir miðaldra fyrir 2o árum síðan.. ´Hjúkkurnar líka hálfgerð stelpuskott. Og talandi um stelpuskott. Var að klára bókina hans Sigmundar Ernirs og þvílíkur snilldar rithöfundur sem sá maður er. Hann hefur þvílíkt vald á íslenskri tungu og er ótúrlega klár að smíða þau saman.(orðin) En þvílík barátta og erfiði að ala upp þessa litlu skottu. Svona fólk á sko heiður skilin. Svo kvartar maður og kveinar undan blessuðu heilbrigðu börnunum sem ekki nenna að taka til, nenna ekki að læra og suða og sínkt og heilagt í búðum. Fussu svei, maður ætti sko að skammast sín. Og hana nú... Alveg er ég ótrúlega ánægð með litlu kallana mína.
En held að nú sé nóg komið.

Gleðilegt nýtt ár ljósin mín og hamingjuríkt nýtt ár.
Kem sjálfsagt ekki hér inn fyrr en um miðjan janúar.

wellwellwellwellwellwellwellwell

Er nú ekki kominn tími til að setja hér eitthvað inn. Aldeilis sem maður er búin að vera latur. Það er svona þegar fólk bara borðar og borðar. Svínnn. Nei ég segi nú bara svona. Hér hefur bara verið gestagangur mikill og svona svo að maður hefur bara ekkert verið að hugsa um þetta annars ágæta blogg sitt. Annars erum við bara búin að hafa það gott með okkar fólki. Fá fullt að góðum gjöfum og vonandi gefa líka góðar gjafir. Yndislegt var nú að hafa litla manninn hér hjá okkur á aðfangadag, svo nú erum við búin með okkar skammt í bili. Þau verða annarsstaðar nætu jól. Blessaða unga fólkið sem þarf að púsla saman þessum dögum á milli foreldra. Æj já það sem á þau er lagt,. En það er nú alltílæ.... Sem sagt góðir dagar að baki. Og svo áramótin framundan. Skyldi fólk vera að ákveða einhver heit núna. Ekki ég. Hef aldrei gert það. Hefur svona fundist að þessi heit eru bara til að brjóta þau. Fara í megrun, hætta að reykja, hætta að drekka, hætta að berja konuna, hætta að ..........blablablablabla... Það þarf engin áramót til að strengja heit. Neibb ég þekki engan sem hefur staðið við svona heit. En gott samt ef fólk stendur við þau. En tókuð þið eftir köllunum mínum? Jey komnir aftur. Jibbý...... En í raun hef ég ekkert að segja alveg tóm enda orðin frekar sybbinn.
Kvöldvakt á morgun og hinn. Gaman að hitta þetta lið aftur.
Yfir og út krúsarknús..........

Jæja elskurnar mínar

Þá er jólin alveg við það að ganga í garð. Steikin komin í ofnin og frúin búin að þrífa hér allt hátt og lágt. Jólatréð skreytt í gærkveldi og sem betur fer gerði ég það fyrir lokun versluna, því að nýja serían sem ég keypti er ónýt. Eitthvað sambandsleysi í gangi. Svo ég náttla brunaði í Garðheima og reddaði mér nýrri. En hvað um það. Ætlaði bara að henda á ykkur jólakveðju.

Þið öll nær og fjær.
Gleðileg jól og farsælt komandi ár. Hlakka til að hitta ykkur öll hress á nýju ári.
Hafið þið það sem allra best og passiði nú mallakútinn.
Jólakveðja. Gunna the blogger

Alveg að komast í jólafrí

Jibbýkóla.... Búin að nánast öllu sem ég þarf að gera. Skrifaði jólakortin í gær og kom þeim í póst í dag, pakkaði inn jólagjöfum fyrir lilla bró og hans family og Diddi fór með þær á pósthúsið í dag. Bara eftir að kaupa eitthvað smart handa dætrunum og tengdasonum, og svo þarf ég að finna eitthvað handa spúsa mínum. Svo kom Olga hér í gærkvöldi þessi elska með blóm og konfekt, svona bara í ganni sínu og afþví að það er nýbúið að skíra litlu elskuna mína. Svo á hún sjálf afmæli á morgun, verður 34 ára svo ég má til með að kikka aðeins á hana. Fór í gærmorgun og sótti geisladiskinn sem tekin var upp á tónleikunum núna í Hallgrímskirkju og nammi namm. Er eiginlega á því að þetta séu bestu jólatónleikar sem ég hefi sungið á. Þrátt fyrir það að mér hafi fundist við mega syngja aðeins meira. Hann er alveg hreint ótrúlega ljúfur og svona og mig langar mest til að henda mér í sófann og loka augunum og njóta þegar ég set hann á. Þetta er sko klárlega jóladiskurinn í ár. Húrra fyrir okkur og Möggu fyrir valið á þessum lögum. Þetta er ein heild. Og svo er hún Silla mín loksins orðin AMMA. Búin að ná mér. hehehe... Yndislega sæt lítil stelpa. Mikið lík móður sinni og ömmu. Allavega á þessari myndi sem hún sendi mér. Svo er ég búin að setja inn myndir hjá Mikael Orra frá skírninni, svo nú getið þið barið dýrðina augum, Þ.e. skírnarkjólinn fræga. Lét svo líka detta með nokkrar jólasveina myndir af honum líka. Hann er rosa sætur á þeim. Endilega kíkið á þær. Well,well. Komin tími á ból enn eina ferðina svo nú er ég hætt...

Jæja þá er búið að

skíra elskulega litla kútinn okkar. Og það engu smá nafni, Mikel Orri Scheving. Og var hann alveg yndislegur og skoðaði bara í kringum sig allann tímann og grenjaði bara ekki neitt. Fín veisla á eftir og góðar kræsingar. Mar alveg búin að éta á sig gat. Fór svo í dag í skóleiðangurinn mikla með Lonni og keyptum við báðar skó. En ekki var það nú samt eins og áætlað hafði verið. Þ.e. góða skó til að standa á tónleikum og svona. Jú, Lonni keypti svoleiðis, voru ekki til í mínu númeri. Ohhhh.... En haldið ykkur bara, þeir voru til í RAUÐU í mínu númeri sko 38. Eitthvað átti ég nú erfitt með að ákveða mig, langaði alveg ógeðslega í þá, þeir eru sko alveg æði. Svo ég tók mér smá tíma í innhverfa íhugun á meðan Lonni borgaði sína og tók svo ákvörðun. Jú takk ég ætla að fá eitt svona rautt par. Og oh my god hvað er gott að vera í þeim. Ég verð bara að kaupa mér svarta fyrir vortónleikana. hehehe....Ótrúlega mjúkir og fínir úr einhverju voða fínu geitarskinni. Sorry. En svona er þetta. Blessuð litlu dýrin sem lenda undir hælnum á mér. á æ á æ á æ á æ.... Kannski við ættum bara að fara að ganga í flókum aftur. Nehhhhhhhhh... held ekki. Ég er í góðum málum lalalalalala... Neibb nú er ég hætt þessu endemis bulli og farin að sofa. Og ekki má gleyma því. Lilja mín til hamingju með 22ja ár afmælið þitt dúllan mín. Og Silla hvernig er þetta eiginlega eru engir stingir komnir.

Held bara að ég sé í

tjáningar þörf þessa stundina. Er nokkurn vegin ný komin heim af fyrri tónleikunum. Tókust að ég held bara alveg hreint ágætlega. Mesta furða hvað Lau date pueri dominum, blablabla rann ljúflega. Já ég leyfi mér að segja ljúflega. Skrapp svo heim með Sillu og fékk að bergja smá af hennar eðal kaffi. Var svona nett að hugsa um að skella vélardruslunni undir annann handlegginn og kippa með mér heim. Mmmmmm...... Love this machine....Var náttla á morgunvakt í morgun og komst að því að Libbidý var búin að breyta öllum áformum í sambandi við skírnina sem by the way er annað kvöld og bara svona nett láðist að láta okkur foreldrana vita. Svo ég fór í stresskast dauðans og var alvarlega að spá í að sleppa því að mæta á þessa tónleika í kvöld. En sem betur fer þá bara dreif ég mig. Er núna að baka mína dásamlegu jarðaberjatertu. Búin með einn botn og hinn er á leiðinni. Henda svo í ostaréttinn á morgun og baka Guggu brauð. Skreppa svo með Lonni og kaupa okkur skó. Ahhh,.... gaman,gaman... Vildi að mér þætti jafn gaman að kaupa mér brækur eða eitthvað annað en skó. Enda alltaf þannig að það liggur við að ég verði að fara í tunnunni og kaupa mér föt. Bíp,bíp....Skírnarkjóllinn liggur hér og er að þorna, þarf svo bara að glitta aðeins yfir hann með heitu járni og þá er hann reddy og þótt svo ég segi sjálf frá þá er hann ÆÐISLEGUR. Sé sko ekki eftir því að hafa lagt í þetta prjónaferðalag mitt. Lille manninn gisti hér hjá afa og ömmu um helgina, og var yndislegt að hafa hann. Hann er farinn að kjafta svo mikið og brosir út í eitt. Svo fékk hann að fara á jólaball í gær í vinnunni minni. Ekki fannst Erni það leiðinlegt. Var eins og rogginn hani. Fór í vinnuviðtal á föstudaginn í 10-11, hafði hent inn umsók á netinu og boðuð í viðtal strax daginn eftir. Kemur mér sko ekki á óvart að þeim vanti fólk. Launin sem mér voru boðin, jísus kræst, hvað er að þessu fólki. Ég var sko frekar móðguð. Að láta sér detta það í hug að bjóða mér þetta. Búin að vinna við verslunarstörf í hátt í hundrað ár og er nánast miðaldar. Hefði ég verið 16 ok. En nei. Enda sá stelpuræksnið það alveg á mér að mér var misboðið. Seinna vinur sko. Well, ætli það sé ekki best að fara að tékka á þessum kökubotni og koma sér svo í bælið. Farið að svíða í augun að horfa á þennann blessaða skjá..........

Allt á fullu

og verður svo þar til að kvöldi 16 desember. Hjúkk hvað mig hlakkar til. Þetta er að verða alveg ágætt. Fínt að hafa nóg að gera, en öllu má ofgera. Var að vinna eftir nýju vaktaplani síðustu helgi og er alveg harðákveðin í því að þær verði ekki margar. Þetta er sko ekki fyrir mig. 13 tímar í beit tvo daga í röð. O nei o nei. Enda nennti ég hreinlega ekki að gera neitt annað en það allra nauðsynlegast og svei mér þá, held að þetta sé fyrsta helgin sem ég vinn þarna án þess að þrífa helv.... loftið. Og fékk sko ekki móral. Fór svo í morgunkaffi til Sillunar sem reyndar svaf allan tíman sem ég stoppaði. *hlæ**hlæ*. Giskiði svo bara í eyðurnar. Svo að kaupa skírnargjöf handa gullinu hennar ömmu sinnar og svo til Olgu að smakka jólakökubaksturinn. Bara svona til að tékka á því að þær væru í lagi. Nammi,namm.....Svo heim og þar voru dæturnar ásamt lille mann. Meira hvað hann er mikið yndi. Brosir bara og hjalar. Ohhhhh svo mikið rassgat.....Kóræfing í kvöld og generalprufan annað kvöld. Og ég sem á náttla kvöldvakt, hringdi í TúrStæn og vældi smá og sagði honum hvað hann væri sætur og mikið æði. Og að sjálfsögðu bráðnaði þessi elska og skipti við mig á morgun. Svo ég ætti nú kannski að drífa mig í bælið svo ég vakni tímalega. Eitthvað finnst mér erfitt að vakna þessa dagana. Finnst bara best að kúra fram yfir hádegi, eins og fleirum sem ég þekki. Nefni engin nöfn hér...Nú er ég farin.

Júhú, var að koma

úr vinnunni og var bara aldeilis skemmtileg vakt. Enda að vinna með úrvalsfólki. TúrStæn og Jónu megababe í rifnum buxum.hehe... Kóræfing í gær með Voxurum og Stúlknakórnum. Held að þetta sé nú bara allt að koma og möppulausir tónleikar framundan hjá mér. Sillan kom svo við hér eftir æfingu hjá Léttunum og eins og ævinlega þegar við setjums við kaffiþamb í ómældu magni og kjaftagangi að þá var klukkan að sjálfsögðu að verða 3 þegar hún fór. Ótrúlegt hvað við getum endalaust blaðrað um allt og nákvæmlega ekkert. hehehe.... Kíkti svo aðeins á Reality Cannel og sá þar mjög áhugaverðann þátt um afnám húðæxlis og húðágræðslu eftir bruna. Hef alveg hreint ótrúlega gaman af svona þáttum. Fór svo í dag og sótti mömmu í vinnuna og svo með skírnarkjólinn sem by the way er búinn, að kaupa efni til að hafa undir honum. Mamma ætlaði svo að sauma það fyrir mig, þar sem ég hefi ekki enn tekið meirapróf á saumavél, en svo ákvað hún bara að fá saumakonu til að gera þetta fyrir sig og veður hann tilbúinn 11 des, og þá er bara að fara með hann heim og þvo og þá er allt reddý. Svo bíður mar spenntur núna því að nú fer að styttast í að Silla bætist í hóp kátu ömmunnar. Annars er nú meira hvað mér líður vel í nýja sjónvarpsherberginu mínu núna. Er sko alveg ótrúlega ánægð með útkomuna á þessu verelsi.. Held ég láti staðar númið í bili, er nebbilega að pæla í því að drífa mig snemma á lappir í fyrramálið og gera einhverja hluti sem ég hefi ætlað mér lengi, eins og að kíkja á hana Sigrúnu mína sem er flutt og alles og mín ekki búin að skoða herlegheitin.

Yfir og út, krúsarknús.

Jæja þá er enn ein helgin

að lokum komin, og ég náttla vakandi klukkan þrjú eins og asni. Alltaf sama sagan með mig. Get aldrei komið mér í bælið á skikkanlegum tíma. En hvað um það. Nú er fína sjónvarpsherbergið mitt tilbúið og er bara ógeðslega flott if I may say so. Komin jólaljós í gluggan og svo var ég líka rosa dugleg og er búin að setja upp minn víðfræga eldhúsglugga sem á þessum tíma árs breytist í nokkurskonar jólaland. Og þá geta sko jólin komið. Fór svo til Olgu í kvöld með skírnarkjólinn, var eiginlega orðin strand, en er það ekki lengur og hann verður sko alveg tilbúinn á tilsettum tíma. Smá moj því að í uppskriftinni er hann síðerma en ég vil hafa hann stutterma svo Olga þessi elska er að skálda ermar upp úr hausnum á sér og þar af leiðandi prjónar hún þær líka. Smá svindl í gangi. En hvað eru tvær stuttar ermar á milli vina. Allt fyrir málstaðinn. Núh, svo er mar komin í menninguna og komin með Digital Ísland. Og endalausar stöðvar til að glápa á. En á endanum held ég samt að Skjár 1 standi samt upp úr sem sigurvegari í þessari keppni. Finnst samt frekar fúlt að geta ekki horft á hann í gegnum Digitalið. Tvær kvöldvaktir framundan og svo tekur nýja vaktakerfið við. Fúlt, því að þá þarf ég að vinna kvöld stubb á miðvikudagskvöldið. Frá 19.30 til 23.30. Í gamla kerfinu átti ég frí þennan dag. Argggg. Er sko ekki sammála manninum sem sagði að allar breytingar væru til góðs. Nú er ég alveg hætt að sjá á þennann skjá minn svo ég held að ég drusli mér í bælið svo ég geti vaknað í fyrramálið og komið drengnum í skólann.
Yfir og út, krúsarknús......

Ég bið ykkur að afsaka dónaskapinn en ég bara mátti til með að skella þessu hér inn. Ef þið eruð viðkvæm þá bara sleppið því að lesa þetta......


Frjósemispillan Viagra.


Í landi elda og ísa,
er nánast hver kvennmaður skvísa.
En nú gamall er limur,
sem áður var fimur.
Hann fæst ekki til þess að rísa.


Fyrir fyrrum ungmennin gröðu,
sem léku sér oft úti í hlöðu.
Nú komin er pilla
til aðstoðar Lilla
að ná sér í upprétta stöðu.

Hér áður þau skemmtu sér saman
svo kafrjóð og broshýr í framan.
En eftir örlitla bið,
nú Lillinn rís við
og þá verður aftur svo gaman.

Svo eldhress og allur á lífi
þó eflaust þeir bakinu hlífi,
þeir biðja um fátt
en nú vilja þeir drátt.
Það held ég að konurnar svífi.

Með auman og ónýtan tilla
sem með réttu má kalla Lilla
. Nú þarf ekki að bíða
bara fá sér að .....
Hún er góð þessi dásemdar pilla.

Halló,halló,halló....

Neibb ég er ekki hætt að blogga. Tölvan var eitthvað að stríða mér og þurfti að keyra inn á hana modemið aftur og svo datt mér það snjállræði í hug að mála sjónvarpsherbergið og setja á það nýtt, gamalt parket. Svo tölvan hefur bara staðið á stofugólfinu og ullað á mig í viku og ég í mjög svo slæmum fráhvörfum. Oh boy oh boy. Vont er að vera án tölvu. Semsagt, tryggingartrésmiðamennirnir komu hér á þriðjudag í síðustu viku og voru ekki lengi að skvera upp parketinu og skella nýju á. Var svo ótrúlega heppin að þeir skiptu alveg um hér frammi því að það hefði orðið svo mikill litamunur. Og þeir kláruðu hér um fjögur leitið á miðvikudaginn. Og þar sem parketið í stofunni var alveg heilt þá náttla spurði ég hvort ég mætti ekki bara eiga það og var það auðsótt. Þeir voru sko bara fegnir að þurfa ekki að bera það út. Svo Baldur Lilju var fenginn til að leggja það á sjónvarpsherbergið og gerði hann það á laugardaginn og fyrst ég var nú búin að rífa hér allt út þá bara hreinlega var ekki hægt að setja allt inn aftur án þess að mála. Og var það gert í gærkvöldi. Svo hér er ég búin að vera endalausu drasli að eilílfu amen. Svo kemur Baldur á morgun og setur gólflistana og þá er hægt að ganga endanlega frá þessu dóti. Hjúkk hvað ég verð kát þegar þetta er afstaðið. Svo nú er sjónvarpsherbergið mitt orðið London grátt með Roðagráu ívafi. Bara bíb flott. Ég var nú reyndar búin að velja einhvern lit sem hét Olivu grænt rosa flottur en bóndinn var ekki alveg á því. Hann vildi HVÍTT en ég þoli ekki hvíta veggi. Finnst alltaf eins og ég sé á sjúkó. Svo grátt varð það heillin. Svo var ég ekkert smá heppin í gærkvöldi. Detta ekki Adda og Ámundi hér inn um hálf ellefu leytið og hún hætti ekki að blikka manninn með að sjálfsögðu minni hjálp, fyrr en hann fór hér í gamlar brækur af Didda og bol af mér mundaði pensilinn. Svo hún gæti fengið mig til að spila við sig. Svo við bara óþverruðumst á meðan þeir puðuðust. hehehe.....Hann er náttla algjör séní þegar kemur að málningarvinnu. Er málarameistari og vinnur við þetta alla daga. Svo þetta gekk svona sirka fimm sinnum hraðar fyrir sig en ef við skötuhjúin hefðum verið ein í þessu. Svo var saumó í kvöld hjá Sússý frænku. Fengum mikið gott að borða. Frekar slöpp mæting þó. Anna veik, Olga svo upptekin að það hálfa væri nóg og Kolla fór á einhverja fatakynningu og kom ekki fyrr en rúmlega hálf ellefu. Kippti með mér einni rauðvínsflösku sem við vorum svosem ekki lengi að tæma. Óheppin Kolla, að koma svona seint, hún fékk ekkert rautt. æjæjæj......En nú er komið nóg af þessu bulli mínu
Yfir og út, krúsarknús............

Og þá er mar dottin í quiz-in aftur

Take the quiz: "What does your birth month reveal about you?"

August
Loves to joke. Attractive. Suave and caring. Brave and fearless.Firm and has leadership qualities. Knows how to console others. Too generous and egoistic. Takes high pride of oneself. Thirsty for praises. Extraordinary spirit. Easily angered. Angry when provoked. Easily jealous. Observant. Careful and cautious. Thinks quickly. Independent thoughts. Loves to lead and to be led. Loves to dream. Talented in the arts, music and defense. Sensitive but not petty. Poor resistance against illnesses. Learns to relax. Hasty and trusty. Romantic. Loving and caring. Loves to make friends .

Viva Las Vegas

Take the quiz: "Which'>http://www.zenhex.com/quiz.php?id=12">"Which American City Are You?"

Las Vegas
You Shine bright and partake in all the vices. You'd rather burn out then fade away.

Alveg er ég hjartanlega sammála þessu. Það væri sko bara best að komast til Las Vegas og gambla aðeins.....

Oh my god

Haldiði ekki að smiðirnir séu mættir og rífa hér upp allt gólfið hjá mér. Klukkutíma eftir að ég bloggaði í gær tilkynnti bóndinn mér það að þeir myndu koma hér í fyrramálið og kíkja á þetta og það var eins og við manninn mælt, þeir eru eins og óðir blóðhundar. Rífa hér allt og mæla með splint, donk og gengi. hehehe...... Sem sagt það verður ekki beðið með þetta þar til eftir jól. Spurning hvort ég verði ekki að reyna að fá mér frí í vinnu á morgun. Ekki hægt að hafa kallana hér eina.
Yfir og út krúsarknús.

Mætt aftur.....

Jæja hér er ég komin aftur, eftir langa bið. Fullt búið að vera að gera. Sennilega of mikið. Hef ekki orðið nennu í að skrifa hér. Ojojojojjjjj.... Fór í afmælisteiti til Sillunar minnar á laugardagskvöldið. Og boy oh boy. Datt mar í það eða datt mar í það. Myndi frekar segja að ég hafi hrunið í það. Svona eins og mar gerði 16 ára. Tequila og meira Tequila. Skot eftir skot. Held ég haldi mig framvegis frá þessum fjanda. Fórum úr partýinu í Kjallarann og ég í lánsskóm frá Sillu, því að mínir voru farnir að meiða frekar mikið. Hefði nú frekar bara haldið áfram að kveljast í þeim, því ég kom bara heim með einn hæl. Og samt missteig ég mig ekki. Skil bara ekkert í þessu. Lonni hringdi í mig þegar við vorum eiginlega bara nýkomnar í Kjallarann og ekki leist henni á ástand móður sinnar og sagðist bara vera að koma og sækja mig. Sem og þau gerðu og keyrðu mig heim. Ljótt er að heyra þetta. En svona getur alltaf gerst. I´m so a shamed.... Þurfti náttlega endilega að koma við í vinnunni á leiðinni heim og fá pylsu, sem reyndar fór svo bara í ruslið. Hafði enga lyst á henni þegar allt kom til alls. Held nú samt að ég hafi ekki orðið mér til skammar. Vona allaveg ekki. Svo er mar að drepast úr kvefi enn eina ferðina. Er eiginlega orðin frekar þreytt á þessu kvefstandi í mér. Var síðast með kvef í ágúst og svo aftur núna. Frekar stutt á milli. Var svo með Super 10 kynningu hér í gærkveldi og keypti mér slatta af vítamínum, nú skal sko ráða niðurlögum þess kvefs í eitt skipti fyrir öll. Fór til Haddýar í dag og byrjaði aðeins á Skrappinu og verð að segja að þetta er ógeðslega skemmtilegt. Og verður hrikalega flott. Skírnarkjóllinn alveg að verða klár, ætla með mömmu á morgun að kaupa efni til að hafa undir. Og svo er bara að setja loka gírinn í gang og klára að prjóna. Er að prjóna núna bak berustykkið og svo bara stuttar ermar og þá er allt klárt. Smiðurinn kom hér loksinns í síðustu viku og gekk frá innréttingunni eftir lekann og sennilega þarf að rífa upp allt parketið og setja nýtt. Held að ég biðji þá að bíða með það þar til eftir jól. Well,well, well. Held að þessu linni hér og nú.
Yfir og út, krúsarknús...........

Ahhh, þá eru seinni tónleikarnir

afstaðnir og voru alveg hreint æðislegir. Troðfullt út að dyrum og salurinn var algjört æði. MP var í frekar miklu stuði í kvöld og hreif áhorfendur með sér. Klikkuðum reyndar all hressilega í lestarlaginu flotta, en það reddaðist og svo tók sópranin sig til og bara kláraði peace lagið en to tre. Og við bara stóðum og horfðum á þær. Og svo er ég búin að sjá það að það er betra að hlusta þegar fólk er að tala. Olga vinkona keypti miða fyrir sig og bóndann og ég tví sagði henni að þetta væri í Hafnaborg í Hafnarfirði, en hún þessi elska var greinilega ekki að hlusta því að þau fóru í Hallgrímskirkju. muuuuhaaahahaaahaha..... Og þar var víst bara einhver einn kall að syngja og þá datt henni í hug að líta á miðann og þar stóð Hafnarborg. En þau rétt náðu þessu og komu um leið og kórinn gekk inn... Elskulega Sillan kom ekki þar sem hún hafði víst innibyrgt eitthvað sem hún hefur ofnæmi fyrir og var víst soldið bólgin í augunum sínum. Hvernær skyldi hún læra af reynslunni þessi elska. En nú er komið nóg í bili.
Yfir og út, krúsarknús.....

Jæja loksins

druslast ég til að skrifa eitthvað hér. Meiri letin í manni. Sungum fyrri tónleikana á fimmtudaginn og alveg var það hreint dásamlegt. Yndislegir í alla staði, Andrea Gylfa brást ekki mínum vonum frekar en fyrri daginn. Og ekki skemmdi kjóllinn sem hún var í. Ótrúlega flott stelpa. Strax farin að hlakka til annað kvöld að syngja þá seinni. Lenti samt í óþægilegu atviki. Sem betur fer í síðasta laginu sem var Oh happy day. Beitti röddinni eitthvað vitlaust og fékk svona brjálæðislegt kitl í hálsinn, og varð bara að mæma allt lagið og rembast eins og rjúpan við staurinn að halda niðri í mér hóstanum. Var örugglega orðin fjólublá í framan.. Æjæjæj... ekki gott að lenda í svona. Núh, svo á fremsta bekk beint á móti mér sátu foreldrar mínir, Lilja Bryndís og Boldur. Og mamma mín elskuleg er svo tilfinninganæm að það hálfa væri hellingur. Hún bara grét og grét og grét og grét og grét.........Varð alveg að passa mig á að líta ekki á hana. Úff..... En það hlýtur að vera góðs viti, við hljótum að hafa sungið svona dásamlega vel.... Litli kúturinn gisti hér hjá okkur í nótt, og þótti okkur nú ekki leiðinlegt að hafa hann hjá okkur. Svaf eins og engill í alla nótt, vaknaði klukkan sjö og fékk nýja bleiu og pela og sofnaði sko bara aftur og svaf til ellefu. En ekki svaf ég eins vel. Var alltaf með andvara á mér. Held að ég hafi verið hálf hrædd um að vakna ekki við hann. But all is good that ends good... Hlakka bara til að fá að passa hann aftur. Fór svo í afmæli til Olgu. Eva og Katrín héldu afmælisdaga sína hátíðlega í dag. Mikið af góðu brauði og tertum. En eitthvað hefur nú samt farið illa í mig, því að ég er búin að vera að drepast í maganum og ógleði í allt kvöld. Eins gott að ég sofi það nú bara úr mér í nótt. Svo er ég búin að vera voða dúleg og prjóna og prjóna í allt kvöld og nú eru sko bara 5 cm eftir og þá byrja ég á berustykkinu. Skírnardeginum hefur verið flýtt um tvo daga og verður litla gullið mitt skírt þann 12 des. En nóg í bili.

Yfir og út krúsarknús......

Skyldi það takast.........

Reyndi að skrifa hér nokkrar línur á föstudagskvöldið og ekki vildi það publiserast.. Mætti á kóræfingu klukkan 9 á laugardagsmorgunin, og var þetta hin besta æfing. Rosa flott þetta Hyden verk. Samt fullt að læra. Fór svo til Sillu eftir æfingu og Stína stuð kom bara með mér, þar sem ég var háð henni og þá sérstaklega hennar eðalvagni. Fékk mitt undraverðalitlasætaótrúlegaflotta voice record tækið mitt sem Sillan var svo elskuleg að versla fyrir mig í henni Ameríku. Það verður sko munur að halda á þessu á æfingum heldur enn segulbandinu, sem mér þótti einu sinni voða lítið og sætt., Svo eru 5 folderar í þessari græju, þannig að ég get tekið jólaæfingu upp í A möppu og svo kanski venjulega í B möppu. Ótrúlega flott.. Rosa ánægð með þessa græju. Eina sem ég þarf að athuga er að þegar ég setti headfone-ið í samband þá heyrðist sko bara í vinstra. Hlýtur að vera stillingaratriði eða þá að headfone-ið er ónýtt. hmmmm.... Tékka á því. Enn halda neglurnar fínu og nú á miðvikudaginn er komin hálfur mánuður, svo nú hefi ég fengið staðfestingu á því að ég er ekki brussa með mína putta. Hitt voru bara léglegar neglur. Ella rúlar.....Alt æfing annað kvöld heima hjá Önnu, hamra þetta endanlega inn. Ekki seinna að vænna, tónleikar á fimmtudaginn. Vona bara að Silla treysti sér til að taka þetta með okkur. Mig vantar hana mér við hlið, þá vinstri.... En rúmið kallar, vinna í fyrramálið.
Svo
Yfir og út, krúsarknús..........

"Jákvæða hliðin á lífinu"

Afmælisdagar eru góðir fyrir þig - því fleiri sem þú átt, því lengur
lifirðu.

Hamingjan kemur inn um dyrnar sem þú veist ekki einu sinni af að þú
hefur opnað.

Það getur verið að þú sért stundum eina manneskjan í heiminum, en þú
ert líka ef til vill allur heimurinn fyrir eina manneskju.

Sum mistök eru allt of skemmtileg til að gera þau bara einu sinni.

Ekki gráta af því að því er lokið, brostu af því að það gerðist.

Við gætum lært heilmikið af litunum:
sumir eru skærir, sumir fallegir, sumir leiðinlegir, sumir hafa
skrítin nöfn og allir eru þeir mismunandi....en þeir geta allir komist
ágætlega fyrir í sama kassanum.

Raunverulega hamingjusamur maður er sá sem getur notið þess sem gerist
þegar hann endurtekur ferðina.

Eða eins og einn maður sagði - það að vera hamingjusamur er ákvörðun

Eigðu frábæran dag og vittu að einhver sem þykir þú skipta máli hefur
hugsað til þín í dag!..

"Og þessi einhver er ég.".....
Ekki sitja ein/n að þessum skilaboðum....., sendu þau til einhvers
sem er þér svo mikilvægur.... "NÚNA"..

Jæja þá er þessi vakt á enda runnin. Síðasta vaktin með Túrstæn. María var að vinna með okkur og lá líka svona ljómandi vel á henni. Hún getur nebbilega átt það til að vera soldið skrítin í skapinu. En þetta var hin fínasta vakt og má eiginlega segja að við höfum hlegið okkur í gegnum hana. Hálfpartin farin að sjá eftir því að hafa sagt já við Stöðvuna. Núna fæ ég hroll að hugsa til þess að vakna klukkan rúmlega sjö í fyrramálið. En svo verð ég voða glöð klukkan tvö. Skráði mig á jólahlaðborðið í kvöld. Það verður á Sögu þetta árið og kostar ekki nema 2500 kall. Svo það er um að gera að drífa sig og fá gott í malla. Mér finnst það alltaf svo gott. Nammi,namm.

Yfir og út, krúsarknús.............

Þá er önnur kvöldvaktin

liðin og ein eftir. Og í staðin fyrir að vinna stubbinn á föstudag frá 12 til 6 verð ég 8 til 2. Ekki leiðinlegt það. Lengir helgarfríið alveg um 4 klukkutíma. Alltaf að græða. Verður kanski soldið erfitt að vakna þar sem ég er til 1 aðfaranótt föstudags en só vott. Ýmislegt á sig leggjandi. Framkvæmd var talnig á stöðinni í kvöld, allt vaðandi í einhverju skrifstofu liði að telja birgðirnar. Náttlega á bullandi yfirvinnukaupi. Svo er grenjað og æmt ef það þarf að borga okkur lýðnum yfirvinnu. Var svo látin undirrita blaðsnepil fyrir móttöku á breyttu vaktarfyrirkomulagi okkar vaktstjóra sem tekur gildi þann 1 desember. Skemmtilegur jólaglaðningur eða hitt þó. Ekkert voða glöð með þessar breytingar. En skilaboðin voru skír. Ef þið viljið þetta ekki þá getið þið bara farið og fundið ykkur eitthvað annað að gera. Já, elskurnar mínar það er ekki gott að vera verkalýður þessa lands. Huh...... Splæsti einni dvd mynd á mig í kvöld. Top secret með Val Kilmer. Ekki ljótur drengur þar eða illa vaxinn. Frekar flottur. Algjör sykurpúði. hehehe.... Sem sagt nú er ég búin að horfa á hana og komin tími á ból enn eina ferðina. Hafiði heyrt þennann áður.
Knús í krús.............

Vika í tónleika

og einhver órói í kórnum í kvöld. Ekki var það gott. Fann fyrir svona öryggisleysis hjá konum. Úff, maður bara svitnar við tilhugsunina. Fyrri partur æfingarinnar var engan vegin okkur samboðin. Við sungum miklu betur á síðustu æfingu og getum sko mikið betur en við sýndum í kvöld. Kannski fulla tunglið hafi einhver áhrif. En þetta lagaðist samt aðeins þegar leið á æfinguna. Annars hef ég lítið annað gert í dag, búin að horfa á spóluna frá Lonni og bíð nú spennt eftir þeirri næstu. Tvær kvöldvaktir framundan, jibbijey, stubbur á föstudag og svo helgarfrí. Nýju fínu neglurna alveg að standa sína plikt. Mæli með Ellu á Bætt útlit. Búin að vera með þessar í viku og ekki sér á þeim enn. Þannig að mín skoðun er sú að þessi vinkona Lilju er bara ekki nógu klár, eða þá hún er að gera eitthvað vitlaust. Þessar sem ég er með núna er svo flottar og ektalegar að það er ekki hægt að sjá að þær eru gervi. Held ég bara haldi mig við Ellu þar til mínar verða aftur eins og þær eiga að sér að vera. Svo bara verð ég að fara að panta tíma í lit og klippingu hjá Ríkey minni. Fólk er gjörsamlega í sjokki þegar það sér hárrótina á mér. Hún litaði mig svo dökkt síðast að nú er þetta allt of áberandi hvað mitt fagra hár er orðið grátt . Gengur náttla ekki að vera svona á tónleikum vorum. En nú fer ég að lúlla. Góða nótt.

Knús í krús................

Jæja hér er ég mætt enn og aftur.

.
Adda náttla löngu farin og alger óþarfi að vera að benda fólki á það að það var hún sem óþverraði mig en ekki öfugt. Alltaf sama sagan með þessa vini manns. Síðan er ég búin að horfa á vikuskammt af Nágrönnum, og Survivor kvöldsins. Nú er klukkan orðin þrú að nóttu og ef ég væri með fulle fem þá væri ég náttla löngu farin að sofa, en eins og ykkur er kunnugt um er ég biluð. Búin að fara svo snemma að sofa alla helgina að ég hreinlega varð að vinna þessar vökur mínar aðeins upp., Fór í blóðprufu í morgun í sambandi við erfðarfræði rannsókn á offitu. Var þar látin stíga upp á svona vigt sem mælir fituprósentu líkamans og oh my lord. Það verður ekki haft eftir hér. Ég var í sjokki. Var svo rosa heppin með blóðsugu. Það sést ekki að mér hafi verið sogið blóð. Munur ef allar þessar blóðsugur væru svona flinkar. Maður hefur líka lent á nokkrum sem þjösnast bara áfram og vilja sitt blóð hvað sem tautar, og svo er handleggurinn á manni eins og tunglið á eftir. Oh boy oh boy.... Núh, svo náttlega spilaði frúin í Hamborg BINGÓ með Skjá einum í gærkvöldi, but sorry, no win for me. Er nú samt að spá í að senda þeim mail. Hann Villi (sá sem stjórnar) var svo upptjúnnaður að ég var að fara á límingunum að horfa og hlusta á hann. Bara aldrei orðið vitni að öðru eins. Og svo þegar kemur Bingó þá koma þessi líka rosa flassljós og fólk með flogaveiki getur ekki horft á þetta. Það getur framkallað kast hjá þeim. Þarf að benda þeim á þetta. En samt. Rosa gott framtak hjá Skjá einum, ég er auddað Bingó fíkill eins og þeir gerast verstir. Eins og með öll önnur spil. Gæti hreinlega spilað út í eitt. Það er náttla ekki í lagi með mig. Lilja og Baldur fóru í dag og keyptu sér aðra skjaldböku, eiga eina fyrir sem heitir Heiða og nú er mér hótað að þessi eigi að heita Gunna. Veit ekki hvort eitthvað liggi þarna að baki. Kannski verið að benda manni á að setja í annann gír. Koma sér upp úr fyrsta. Nei, nei, ég er bara að fíflast. En ekki get ég skilið hvað fólk hefur gaman að þessum blessuðu skepnum. hmm. But ekki mitt að fárast yfir því. Kóræfing annað kvöld og mín ekki farin að líta á þennann eina texta sem átti eftir að berja í minn þykka haus. Svo aukaæfing á laugardagin, þá á að taka fyrir eitthvað rosa verk eftir Hyden,(er það ekki skrifað svona) sem á að flytja á jólatónleikunum. Upp á 17 blaðsíður eða svo. Eða var það 26 blaðsíður. Man það ekki. Allavega talaði Magga um að þetta væri ekki eitthvað sem maður lærði utanaf, svo ekki þarf að stressa sig yfir þeim texta. Verst samt að þurfa að hafa möppu. Á alltaf svo erfitt með að halda á henni, en allt er þetta líf víst breytingum háð. En nú er ég hætt og vonandi að sumir hafi fengið sinn skammt af Mogganum. híhí..
Knús í krús................

Leti,leti,leti og enn meiri leti

.
Alveg hreint með ólíkindum hvað maður getur verið latur við þessi skrif hér. Ekki beint eins og það taka allann minn tíma í heimi, að eilífu amen. Er bara búin að vera að vinna alla helgina og óhægt að segja það að mar hafi sko unnið fyrir sínum launm þessa helgina. Var að vinna með Túrstæni og við v0rum í bara ótrúlega góðum gír. Nánast búið að gera jólahreingernigu á stöðinni. Áttum bara eftir að þvo gluggana að innann. Shitt. Ekki veit ég til hvers mar er að þessu. Ekki fær mar auka borgað. Væri nær að draga þessa orku upp hér heima. Hér er sko allt vaðandi í dralsi og skít. Oh my lord. En nú var Adda að koma svo það er best að hætta í bili. Kannski ég setjin inn meira fyrir svefn í kvöld. Aldrei að vita. Nú ætla ég að fara og óþverra hana aðeins. hehehehehehe.
Knús í krús.........

Nýjar myndir

Var að setja inn nýtt albúm í myndunum minum. Vinnupartýið......jeyyyyyyyyy

Jæja er ekki kominn tími til að blogga

Meiri letin í manni. Nenni engu orðið. Samt er fullt af skemmtilegu að gerast í kringum mig þessa dagana. Svo ekki leiðist mér. Fór í æfingabúðir síðustu helgi og verð nú bara að segja það að það var frekar skemmtilegt. Stífar æfingar á laugardeginum og dýrindis matur um kvöldið. Var með Huldu í herbergi og það var nú bara ekkert öðruvísi en það að við vorum hreinlega í svítu. Þvílíka stóra herbergið. Auka rúm í skáp svona til öryggis ef einhver hefði nú óvart sofnað á göngunum. hehe.. Sungum svo í messu á sunnudeginum, hmmmm, hefði nú alveg mátt sleppa því. En hvað um það. Mar lifði þetta sosem af. Fengum súpu og brauð að launum. Halelúlja, la o la. Kóræfing í kvöld og var hún asskoti góð. Komst að því að það er bara einn texti eftir sem þarf að berja í hausinn á mér og þá er ég klár. Klára það bara í þessari viku.. Er svo að fara í naglalögunartíma á morgun. þessar neglur sem vinkona Lilju setti á mig eru algjört drasl eða þá að hún er ekki nógu klár í þessu. Ég er sko engin skvísa lengur. Með þær ógeðslegustu neglur er ég hefi haft um ævina. Ojjjjjjj.........Fer á stofuna sem Lonni hefur farið á og aldrei lent í neinu veseni þar. Eins gott að það gangi betur. Annars er ég bara hætt þessu og verð með mínar stuttu og ljótu. Verst að þá verður svo áberandi hvað ég er með stutta putta. Svona mongolíta putta. Nó afens. En downs syndroms krakkar eru með ótrúlega stutta putta og mínir eru eiginlega alveg eins.... ullabjakk. Enda þegar við trúlofuðum okkur hér um árið var sko í tísku að vera með BREIÐA hringa og mín vildi sko breiða. Fengum okkur 9 mm. og ég gat varla beygt puttann. En hvað um það. Allt fyrir lúkkið..Og það besta við þetta allt er að bóndinn er líka með svona stutta putta. hehehe..... En nú er mál að linni . Góða nótt og fallegir draumar til ykkar.
Knús í krús......broskall...............

All of me,

why not take all of me.
Cant you see, I´m no good without you
Take my arms I´ll never use them,
take my libs I wanna loose them.

Your goodby,
left me whit eyes that cry´d
how can I go on live without you.
You took that part, that ones was my heart
So why not take all of me

Datt svona í hug að setja hér inn textann sem fyrirsögn þessa bloggteturs er tekin frá. Þetta lag er í algjöru uppáhaldi hjá mér og setur mig alltaf í samband við pabba og Hössa frænda, bróður pabba. Þeir voru sko bara flottastir þegar þeir sungu þetta og spiluðu undir á sinn hvorn gítarinn. En nú er hann farinn þessi elska, en það er ég viss um að hann er hjá okkur og fylgist með. Svo ég tali nú ekki um ættarmótin. Þar var hann alltaf manna kátastur og það er ég viss um að hann tekur undir með okkur þegar við syngjum þetta lag. Og aldrei hittumst við öðruvísi á þessum mótum án þess að syngja það svona einu sinni ef ekki tvisvar.

Ekki veit ég svo sem afhverju ég fór að skrifa þetta hér núna. En um leið og ég tengdi mig bara kom þetta. Skrítið. En Hössi var og verður alltaf uppáhalds frændinn minn, og því fær enginn breytt. Ljúfari og yndislegri persónu er vart hægt að hugsa sér. Og alltaf var hann mér og minni litlu fjölskyldu góður. Blessuð sé minning hans. Sakna hans enn þó bráðum séu árin orðin sex frá því að hann fór.

En nú er ég komin í helgarfrí og æfingabúðir á Selfossi um helgina og þá verður mikið sungið, bæði eftir nótum og svo bara eftir þörfum líka. Hlakka mikið til þess. Fór á kynningu til Haddýjar í kvöld. Þar var verið að kynna Skrappbooks. Veit sosem ekki hvort þetta er rétt skrifað eður ei. En omg. Dísös hvað þetta er flott. Og þar keypti ég mér efni í jólagjöf litla prinsinns hennar ömmu sinnar. Og Lonni bannað að segja Lilju frá. Heppin ég að hún getur ekki verið í tölvum þessi elska. Annars hefið ég ekki getað sagt ykkur frá þessu. Þetta eru svona albúm með allavegana bakgrunnum og svo klippir maður myndirnar til og setur allavegana dúllerrí. Ótrúlega krúttlegt. Hlakka til að byrja á þessu. En samt. Verð fyrst að klára kjólinn. Var að próna í saumó á þriðjudaginn og gerði vitleysu svo nú þarf ég að rekja upp rúmlega heila umferð og það er sko ekki það skemmtilegasta sem ég geri. Kannski ég fari bara til Olgu og láti hana gera það. Hún er svo asskoti snögg að þessu. hehehe......
En nóg í bili. Komin tími á ból enn eina ferðina.

Knús í krús.............broskallllllllllllllll...!!!!!!!!!!!!!!!!1

Enn og aftur var fengið sér aðeins í tánna.

Alli og Anna buðu okkur í heimsókn í kvöld og smá bjór smakk. Tókum bara erfðaprinsinn með okkur. Ætluðum ekki að vera svo lengi. En eins og alltaf vill aðeins teygjast á tímanum. Komum heim rúmlega fjögur. Og mín að fara í magadans á morgun. (í dag). Held ég ætti að fara að koma mér í rúmið. Eldaði þennann dýrindis svínabóg í kvöld og Liljan mín kom í kaffi í dag og rak augun í þennann bóg í ísskápnum og bauð sér með það sama í mat. Stuttu seinna hringdi Lonni í hana og fékk þær fréttir að hún (Lilja) skyldi hér snæða og vildi þá hin líka fá mat. Og svo varð. Þannig að hér borðuð báðar dætur mínar og Baldur Lonniar. Mín voða rausnarleg og bauð rauðvín með matnum. Ég er náttúrulega svo rík af rauðvíni eftir síðasta drátt. En fattaði það um leið og ég var búin að opna flöskutetrið að engin rauðvínsglös eru til hér á heimili voru. Hér brotnaði allt sem brotnað gat þegar skápur vor hrundi í gólfið fyrir síðustu jól, er hjónin stóðu hér í stórræðum og máluðu allt hátt og lágt. Svo við drukkum rauðvín úr litlum vatnsglösum. *roðn**roðn* Eins gott að fara að fjárfesta í eins og fjórum rauðvínsglösum......... Verst hvað mar velur alltaf dýr glös að safna. Nú er ég að safna Stráinu frá Tékk kristal. Þau eru sko bara sæt og fín. En nú býð ég góðrar nætur og fer að sofa í minn litla og sæta haus.

Knús í krús...............broskall.........

Enn og aftur er klukkan orðin allof margt

og aldrei drattast ég í bælið á skikkanlegum tíma. Enda nóttin besti tími sólarhringsins. Svo sem ekkert merkilegt á minn dag drifið í dag. Var að vinna til sex og svo var bóndinn svo elskulegur og bauð okkur Erni út að borða. Jámm. Á bærjarins bestu. Nammi namm. Alltaf jafn góðar. Nentum engan vegin að elda þegar við komum heim. Lonni og Boldur fóru líka út að borða í kvöld. Á Italiu. Ussu svei má mar þá bara biðja um bæjarins bestu. hehehe...... Ein öfundsjúk. Adda kom í kvöld og að sjálfsögðu óþverruðumst við aðeins. Tókum þrjá. 2-1 fóru leikar og ekki verður farið nánar út í það.....Yndisleg fríhelgi framundan og magadans á sunnudaginn. húlla, húlla....... Hlakka gekt til. Eins og unglingarnir segja. Nenni ekki meir að sinni.
God nat alla hoppar.
knús í krús.........................broskall

Hversu marga þarf í þínu stjörnumerki til að skifta um eina ljósaperu?

HRÚTUR : Bara einn. Viltu gera mál úr því eða ?

NAUT: Einn, en reyndu að koma nautinu í skilning um að sprungna peran sé ónýt og að það sé best að skipta um hana og að það eigi síðan að henda henni.

TVÍBURI: Tveir, en þeir skipta aldrei um peruna-- þeir ræða í sífellu um hver á að skipta um hana, hvernig er best að skipta um hana og af hverju þarf að skipta um peruna !

KRABBI: Bara einn. En það tekur geðlækni þrjú ár að hjálpa krabbanum að komast yfir áfallið og í gegnum sorgarferlið.

LJÓN: Ljón skipta ekki um ljósaperur, en stundum fá umboðsmennirnir þeirra Meyju til þess að gera það fyrir þau á meðan þau eru úti.

MEYJA: Um það bil 1.000.000 með skekkjumörkunum +/- ein milljón.

VOG: Humm, tvær. Eða kannski eina. Nei, annars höfum það tvær. Ef þér er sama ?

SPORÐDREKI: Þessar upplýsingar eru algert leyndarmál og einungis deilt með þeim Upplýstu í Stjörnusal hinnar Eldgömlu Reglu.

BOGMAÐUR: Sólin skín, dagurinn er ungur, allt lífið er framundan og þú ert inni, með áhyggjur af einhverri eldgamalli sprunginni peru ?

STEINGEIT: Ég eyði ekki tíma mínum í þessa barnalegu brandara.

VATNSBERI: Sko, þú þarft að minnast þess að allt í umhverfi okkar er hrein orka svo að.....

FISKAR: Ljósaperu? Hvaða ljósaperu?


Þetta er sko gargandi snild. Get nú ekki annað sagt. Sé móður mína alveg gjörsamlega og föður minn líka. Þeirra merki eru sko bara um þau. hehehehehehe........Hef annars lítið að segja, var að vinna í kvöld og á stubb á morgun og svo komin í tveggja daga frí. Jibbíkóla.......broskall.
Annars datt ég inn á síðu í gær bonsaikitten.com og þvílíkur vibbi og mannvonska. Hvað er að verða með þennann heim sem við lifum í,. Rækta ketti í krukku. Shitt mar. Ég var gjörsamlega yfir mig hneyksluð. Harpa ekki kíkja. Nei ekki kíkja. Allavega haltu kisunum þínum frá tölvunni á meðan. Þetta er ógjó........ Annars ekki fleira í fréttum að sinni.
Knús í krús..............

Ekkert svo sem markvert

að frétta af þessum bænum. Hélt náttlega hér þetta fína partý síðasta laugardag og var að sjálfsögðu mikið sungið og svoldið drukkið. Bara pent, enginn ofurölvi. Allt eins og það á að vera. Nema ég fór ekki að sofa fyrr en hálf sjö og var frekar slæpt þegar ég svo mætti í Kramhúsið með mínum elskulega kór. Og það var sko hrikalega skemmtilegt. Orvil var þarna með okkur og kenndi okkur einhvern svona afrískan dans. Og O.M.G. sviti dauðans. Það lak sko í stríðum straumum. Ekki þurr blettur á mér eftir þennan tveggja klukkuktíma tíma. Og svo förum við aftur næsta sunnudag og þá verður okkur kenndur MAGADANS. Yes. Eruð þið ekki að sjá mig fyrir ykkur. Húlla, húlla. Hlakka mikið til. Svo er mar bara búin að vera að vinna og svona. Kóræfing í gærkveldi og svo kom Sillan mín til mín eftir æfingu hjá Léttunum og við skönnuðum netið í leit að Digital voice rekorder. Og fundum tvö sem hennta okkur alveg sérdeilis vel. Það verður sko munur að halda á þessu á æfingum heldur en þessum segulbandstækjum. Þau eru sko ekki stærri en hálfur sígó pakki. Og talandi um það. Er ekki komin tími til að hætta þessu bulli. Pakkinn kominn í 525 krónur í minni sjoppu. Shitt mar. Við erum að tala um fyrir par um það bil 370 þús á ári. Vantar ekki mikið upp á hálfu milluna. *sviti**sviti* Well well tölum um eitthvað skemmtilegra. Lonni og Boldur loksins búin að fá greiðslumatið. Svo nú geta þau farið á fullt að finna íbúð. Alles is good hjá litlu family í efri byggðum. Eitthvað er hann nú samt búinn að vera slappur litla skinnið. Heldur engu niðri. Upp og niður sindrom í gangi þar. Fóru með hann á barnavaktina í kvöld og var sagt að kaupa einhverja saltupplausn í apóteki og gefa honum og ef hann ekki hefði haldið því niðri áttu þau að koma með hann upp á Borgó og fá í æð. En sem betur fer drakk hann smá og hélt því innanbúks. Og svo er hann loksins búinn að brosa fyrir ömmuna sína. Og það var svo sætt. Fékk sko alveg strumpabólur í hjartað. Well darlings komin tími á ból.

Knús í krús ....... broskall.
Es. I miss my broskalls.,,,,,,,,,,,,, ;~((

Komin með hiksta og á leiðinni í rúmið

Bara láta vita að partýið gekk glimrandi vel. stopp. allir í stuði. stopp. unga fólkið fór að sjálfsögðu. stopp. í bæinn ásamt Stebbu. stopp sem flokkast ekki undir unga fólkið. stopp. Lonni hringdi stopp og kom svo ásamt stopp Baldri og Tryggva stopp. Eru ný farin. stopp. Segi meira frá seinna. stopp.

Góða nótt eða það sem eftir er af henni. stopp