þriðjudagur, janúar 23, 2007

Sparaðu afganginn

Hvaða afgang. Hér er ég að vísa til nýjustu auglýsingabrellu Glitnis. Comon. Meiri hluti fjölskyldna á þessu skeri fleytir sér áfram á yfirdrætti. Það er að segja LÁNI hjá bankanum sínum. Og nú vilja þeir að þú sparir afganginn. Hvaða afgang er mér spurt. Þú verslar fyrir segjum 2560 krónur og þeir skuldfæra 2600 krónur. Og eins og staðan er í dag er fólk aldrei með pening á sér. Og er kannski að strauja kortafjandann 6 til 10 sinnum á dag. Þannig að þetta getur orðið dálagleg upphæð dag hvern. Yfirdrátturinn hækka og hækkar. Svo kemur að því að limitinu er náð og hvað gerir fólk þá. Fer til þjónustufulltrúanns og fær yfirdráttinn hækkaðan. Þannig að um næstu áramót verða viðskiptavinir Glitnis með himinháan yfirdrátt. Búnir að "spara" helling og borga sparnaðinn í vexti á yfirdrættinum. Ég er sko ekki alveg að fatta þessa stærðfræði. Segi nú ekki meir. Oh ég er svo heppin að vera í Landsbankanum sem er búinn að heita sama nafninu í miljón og sjö ár. Stabílheit eru fyrir mig í þessum málum. Held ég haldi mig bara þar og spari við mig yfridráttinn sem er sko alveg nógu hár fyrir. Tók sjálfa mig í Mirandas dekur í kvöld. Á orðið svoooo mikið af þessum dásemdar vörum. Fór í sturtu og laugaði mig með Lime sápunni dásamlegu. Bar síðan á mig Lime dásamlega boddy kremið. Setti svo á mig Dead see kornamaskan og nuddaði burt allar ógeðslegu dauðu húðflögurnar og endaði svo á þessu yndislega Lifting kremi. Og ekki má nú gleyma dýrðarinna fótakreminu sem tekur alla þreytu med det samme. Nú býð ég bara eftir því að þið elskurnar mínir viljið halda kynningu fyrir mig. Svo ég geti komið mér áfram á framabrautinni. Endilega kommenta með það. Þið sjáið sko ekki eftir því. Kle-inn minn yndislegur kom í besöge í vinnuna til min í dag. Ég hló og skríkti eins og barn á fyrstu jólunum sínum. Og sagði svo í saknaðarróm. " Oh hvað ég sakna þess að vinna með fólki." Oh my god hvað það var oft gaman í vinnunni hér á árum áður. Núna bara vinnur maður. Þegjandi og hljóðlaust. Stoppar ekki allan daginn. Minnist þess ekki að hafa rekið upp hláturroku eftir að ég byrjaði í 10-11. So ekki fyndið. En nú kallar ból Bjarnar enn eina ferðina. Það getur aldrei þagað þegar ég nenni ekki í bólið. Bara gólar og spangólar. Svo það er best að þagga niður í því og skríða uppí.

Yfir og út krúsarknús............

1 ummæli:

Nafnlaus sagði...

Kannski að fólk geti greitt niður eitthvað af yfirdrættinum með sparifénu... ;) hehehe! Sammála þér, mér finnst þetta ekki sniðug hugmynd hjá þeim.
Svo er ég svo sammála þér með vinnuna. Ég vinn reyndar með fólki en það er samt einhvern veginn öðruvísi en þegar við vorum á Select. Við vorum gullna vinnugengið! Ég efast um að það hafi nokkurn tímann verið svona hópr á Select og mun aldrei verða...við vorum best! ;)